យុគសម័យ - យោងតាមកាលវិភាគ រថភ្លើងធ្វើដំណើរពីខេត្ត Guangxi ទៅកាន់ Zhengzhou បន្ទាប់មកឆ្លងកាត់ប្រទេសកាហ្សាក់ស្ថាន រុស្ស៊ី ... ទៅកាន់ប្រទេសបែលហ្ស៊ិក។ ពេលវេលាគ្រោងនឹងទៅដល់មានចំនួន ២៥ ថ្ងៃ លឿនជាងប្រហែល ១ សប្តាហ៍ហើយប្រសិទ្ធភាពដឹកជញ្ជូនខ្ពស់ជាងការដឹកជញ្ជូនតាមផ្លូវសមុទ្រ។
 សហគ្រាសរបស់អាណិកជនវៀតណាមតភ្ជាប់ជាមួយគ្នា ដើម្បីនាំទំនិញវៀតណាមទៅកាន់ទីផ្សារអ៊ឺរ៉ុប |
 ទំនិញវៀតណាមបញ្ជាក់ពីពាណិជ្ជសញ្ញារបស់ខ្លួននៅទីផ្សារអូស្ត្រាលី |
 |
| នៅថ្ងៃទី ២៧ ខែកក្កដា រថភ្លើងមួយជើងដែលដឹកទំនិញវៀតណាមជាង ២៥០ តោនបានចាកចេញពីស្ថានីយ៍ Pingxiang Shi ខេត្ត Guangxi នៃប្រទេសចិនទៅកាន់ទ្វីបអឺរ៉ុប។ (រូបថត៖ DDK) |
រថភ្លើងមានស្លាកលេខ ៤២០៩០ ដែលដឹកទំនិញវៀតណាមជាង ២៥០ តោនបានចាកចេញពីស្ថានីយ៍ Pingxiang Shi (ខេត្ត Guangxi - ចិន) ទៅកាន់ទ្វីបអឺរ៉ុប។ នេះគឺជារថភ្លើងដឹកជញ្ជូនដោយផ្លូវដែកដំបូងគេទៅកាន់ទ្វីបអឺរ៉ុបដែលប្រទេសចិននិងប្រទេសវៀតណាមសហការអនុវត្ត។
លោក Tuong Tinh ប្រធានស្ថានីយ៍ Pingxiang Shi បាននិយាយថា ដំណើរនៃការដឹកជញ្ជូនឆ្លងកាត់ព្រំដែនពីវៀតណាមទៅកាន់អឺរ៉ុប ចាប់ផ្តើមពីស្ថានីយ៍ Dong Anh (រដ្ឋធានី Ha Noi - វៀតណាម) ទៅស្ថានីយ៍ Pingxiang Shi (ទទួលបន្ទុកដោយអគ្គក្រុមហ៊ុនផ្លូវដែកវៀតណាម) ។ ពីស្ថានីយ៍ Pingxiang Shi ទៅកាន់ Zhengzhou បន្ទាប់មកទៅកាន់ប្រទេសបែលហ្ស៊ិកដោយផ្លូវដែកចិន - អឺរ៉ុបដែលគ្រប់គ្រងដោយស្ថាប័នផ្លូវដែកចិន។ ដំណើរការទាំងមូលគ្រោងនឹងចំណាយពេល ២៥ ថ្ងៃ លឿនជាងប្រហែល ៧ ថ្ងៃ បើប្រៀបធៀបទៅនឹងការដឹកជញ្ជូនតាមសមុទ្រ។
ចាប់តាំងពីឆ្នាំ ២០១៧ នៅពេលដែលផ្លូវដែកចិន - វៀតណាមតបានដាក់ឲ្យដំណើរការរហូតមកដល់បច្ចុប្បន្ននេះ ការដឹកជញ្ជូនកុងតឺន័រឆ្លងកាត់ព្រំដែនកាន់តែច្រើនឡើងនិងមានប្រសិទ្ធិភាព។ ក្នុងរយៈពេល ៦ ខែដំបូងនៃឆ្នាំ ២០២១ មានរថភ្លើងដឹកជញ្ជូនកុងតឺន័រចំនួន ១៤៥ រវាងចិននិងវៀតណាម ដែលកើនឡើង ៦៤,៨% ក្នុងរយៈពេលដូចគ្នាដែលបង្កើតមូលដ្ឋានគ្រឹះសម្រាប់ការដឹកជញ្ជូនកុងតឺន័រពីវៀតណាមទៅកាន់អឺរ៉ុប។
គេរំពឹងថា នៅខែសីហានេះ ចិននឹងបន្តសម្របសម្រួលជាមួយវៀតណាមក្នុងការដឹកជញ្ជូនតាមផ្លូវដែកចំនួនពីររវាងវៀតណាម - ចិន - អឺរ៉ុប៕
មតិពីមិត្តអ្នកអាន