នៅថ្ងៃទី ៣ សីហា សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា បានផ្ញើសារលិខិតអបអរសាទរជូនចំពោះលោក Vuong Dinh Hue ដែលត្រូវបានបោះឆ្នោតជ្រើសតាំងជាប្រធានរដ្ឋសភានីតិកាលទី១៥ នៃសាធារណរដ្ឋសង្គមនិយមវៀតណាម ក្នុងអំឡុងពេលសម័យប្រជុំលើកទី ១ កាលពីថ្ងៃទី ២០ ខែកក្កដា ឆ្នាំ២០២១ កន្លងទៅថ្មីៗនេះ។
 លោក Vuong Dinh Hue ជាប់ឆ្នោតជាប្រធានរដ្ឋសភានីតិកាលទី ១៥ |
 សម្តេចតេជោហ៊ុនសែននិង សម្តេចពញាចក្រី ហេង សំរិន ផ្ញើសារអបអរសាទរខួបអនុស្សាវរីយ៍លើកទី៧០ថ្ងៃបង្កើតគណបក្សប្រជាជនកម្ពុជា |
 |
| សម្តេចអគ្គមហាពញាចក្រី ហេង សំរិន ប្រធានរដ្ឋសភានៃព្រះរាជាណាចក្រកម្ពុជា។(រូបថត៖ SPM) |
ក្នុងលិខិតនេះ សម្តេចអគ្គមហាពញាចក្រី ហេង សំរិន ប្រធានរដ្ឋសភាកម្ពុជា មានជំនឿយ៉ាងមុតមាំថា ក្រោមការដឹកនាំប្រកបដោយគតិបណ្ឌិតនិងឈ្លាសវៃរបស់លោកប្រធានរដ្ឋសភា Vuong Dinh Hue ក្នុងអាណត្ដិថ្មីរបស់រដ្ឋសភាវៀតណាម ចំណងមិត្តភាព ភាពជាអ្នកជិតខាងល្អយូរអង្វែង និងកិច្ចសហប្រតិបត្តិការដ៏ទូលំទូលាយរវាងស្ថាប័ននីតិប្បញ្ញត្តិ និងប្រទេសយើងទាំងពីរនឹងកាន់តែរីកលូតលាស់បន្ថែមទៀតក្នុងពេលអនាគត។
ក្នុងឱកាសនេះដែរ សម្តេចអគ្គមហាពញាចក្រី ហេង សំរិន ថ្លែងអំណរគុណយ៉ាងជ្រាលជ្រៅចំពោះសាធារណរដ្ឋសង្គមនិយមវៀតណាមដែលបានផ្តល់ម៉ាស់មុខដល់ព្រះរាជាណាចក្រកម្ពុជាដើម្បីប្រើប្រាស់ក្នុងការទប់ស្កាត់ការរីករាលដាលនៃជំងឺកូវីដ-១៩ ដែលបានរាតត្បាតនៅប្រទេសជាច្រើនលើទូទាំងពិភពលោក ព្រមទាំងសម្តេចអគ្គមហាពញាចក្រី ហេង សំរិន ក៏បានវាយតម្លៃខ្ពស់ចំពោះកិច្ចខិតខំប្រឹងប្រែងរួមគ្នារបស់រដ្ឋាភិបាលនៃប្រទេសទាំងពីរក្នុងការប្រយុទ្ធប្រឆាំងនឹងជំងឺរាតត្បាតនេះ តាមរយៈកិច្ចសហប្រតិបត្តិការជិតស្និទ្ធ និងជំនួយផ្នែកវេជ្ជសាស្រ្ត៕
មតិពីមិត្តអ្នកអាន