យុគសម័យ - វៀតណាមបានក្លាយទៅជាសមាជិកសកម្មនិងមានទំនួលខុសត្រូវមួយ មានឥទ្ធិពលដល់រចនាសម្ព័ន្ធបង្រួបបង្រួម ក៏ដូចជារក្សាសន្តិភាព វិបុលភាពរបស់អាស៊ាន…
កូរ៉េខាងត្បូងចរចាលើកកម្រិតកិច្ចព្រមព្រៀងពាណិជ្ជកម្មសេរីជាមួយអាស៊ាន |
កិច្ចសហប្រតិបត្តិការសេដ្ឋកចិ្ច ពាណិជ្ជកម្មវិនិយោគជាមូលដ្ឋានគ្រឹះសម្រាប់ទំនាក់ទំនងអាស៊ាន-ជប៉ុន |
នារសៀលថ្ងៃទី ២៨ ខែកក្កដា ឆ្នាំ១៩៩៥ ពិធីការបង្ហូតទង់ដែលវៀតណាមក្លាយទៅជាសមាជិកផ្លូវការទី ៧ របស់អាស៊ានបានប្រារព្ធធ្វើឡើងនៅរដ្ឋធានី Bandar Seri Begawan នៃប្រទេសប្រ៊ុយណេ។ (រូបថត៖ VNA) |
បន្ទាប់ពីរយៈពេល២៦ឆ្នាំដែលវៀតណាមក្លាយទៅជាសមាជិកមួយរបស់សហគមបណ្តាប្រទេសអាស៊ីអាគ្នេយ៍ (អាស៊ាន) ចាប់តាំងពីថ្ងៃទី ២៨ ខែកក្កដា ឆ្នាំ១៩៩៥ វៀតណាមជាសមាជិក សកម្មនិងមានទំនួលខុសត្រូវដែលមានឥទ្ធិពលដល់រចនាសម្ព័ន្ធបង្របបង្រួម ក៏ដូចជារក្សាសន្តិភាព វិបុលភាពរបស់អាស៊ាន។ វៀតណាមបានរួមជាមួយបណ្តាប្រទេសផ្សេងៗ ទៀតក្នុងតំបន់កសាងសហគមអាស៊ានប្រកបដោយល្អប្រសើរដែលយកប្រជាជនជាមជ្ឈភាព។
ការចូលរួមក្នុងអាស៊ានគឺជាជំហានលោតផ្លោះក្នុងដំណើរការធ្វើសមាហរណកម្មនិងកិច្ចសហប្រតិបត្តិការរបស់វៀតណាម។ វៀតណាមរួមជាមួយបណ្តាប្រទេសជាសមាជិកកសាងចក្ខវិស័យអាស៊ានដ៏ធំធេងនិងវែងឆ្ងាយដោយនាំអាស៊ានក្លាយទៅជាដៃគូសំខាន់ មិនអាចខ្វះខាតលើពិភពលោក ជាពិសេសសម្រាប់បណ្តាប្រទេសធំៗ ដូចជា អាមេរិក រុស្ស៊ី ចិន ជប៉ុន សហភាពអឺរ៉ុប អូស្ត្រាលី…
វៀតណាមធ្វើជាម្ចាស់ផ្ទះរៀបចំកិច្ចប្រជុំកំពូលអាស៊ានលើកទី ១៦ និង១៧ នៅរដ្ឋធានី Ha Noi។ នេះគឺជាឆ្នាំដែលវៀតណាមទទួលតួនាទីជាប្រធានអាស៊ាននិងអបអរសាទរខួបលើកទី ១៥ ឆ្នាំនៃការចូលរួមក្នុងអាស៊ាន។ ចាប់ពីពេលដែលវៀតណាមក្លាយទៅជាសមាជិកផ្លូវការរបស់អាស៊ាន វៀតណាមបានមានការរួមចំណែកសំខាន់និងជាក់ស្តែងក្នុងវិស័យចំនួន ៤ រួមមាន នយោបាយ សន្តិសុខ សេដ្ឋកិច្ច វប្បធម៌ សង្គមនិងការទូត។ (រូបថត៖ VNA) |
តួនាទីសំខាន់របស់វៀតណាមក្នុងអាស៊ានបានរួមចំណែកដល់ការពង្រឹងទំនាក់ទំនងទ្វេភាគីជាមួយបណ្តាដៃគូក្រៅតំបន់ ជាពិសេសជាមួយបណ្តាប្រទេសធំៗ។ លោកអតីតឧបនាយករដ្ឋមន្ត្រី Vu Khoan បានវាយតំលៃថា “សម្លឹងមើលឡើងវិញ ក្នុងរយៈពេលជាង ២០ ឆ្នាំកន្លងមកនេះ ការដែលវៀតណាមចូលរួមក្នុងអាស៊ានគឺជាគោលនយោបាយដ៏ត្រឹមត្រូវនិងនាំមកផលប្រយោជន៍ជាច្រើនសម្រាប់ប្រទេសវៀតណាម។
រួមជាមួយអាស៊ាន យើងមានទីតាំងអន្តរជាតិដ៏ខ្ពស់មិនធ្លាប់មានទេ យើងបានចូលរួមក្នុងយន្តការសំខាន់ៗ ដែលមានការចូលរួមពីប្រទេសធំៗ លើពិភពលោក។”
ក្នុងស្ថានភាពរីករាលដាលនៃជំងឺកូវីដ ១៩ កំពុងវិវឌ្ឍយ៉ាងស្មុគស្មាញ វៀតណាមនៅតែសកម្មក្នុងការលើកឡើងគំនិតផ្តួចផ្តើម ទិសដៅ ដើម្បីរួមជាមួយបណ្តាប្រទេសសមាជិកផ្សេងៗ ទៀត កសាងអាស៊ានខ្លាំងក្លាដោយពឹងផ្អែកលើកម្លាំងរបស់ខ្លួនឯង ក៏ដូចជាក្លាយទីបង្អែកដ៏រឹងមាំសម្រាប់វៀតណាម ដើម្បីឆ្លងកាត់ការលំពាកក្នុងរយៈពេលខាងមុខនេះ៕
vov
មតិពីមិត្តអ្នកអាន