នាថ្ងៃទី២១ ខែកក្កដា ក្នុងតួនាទីជាអ្នកសម្របសម្រួលទំនាក់ទំនងអាស៊ាន-ជប៉ុន ក្រសួងការបរទេសវៀតណាមបានរៀបចំកិច្ចសន្ទនាតុមូលជាន់ខ្ពស់តាមប្រព័ន្ធវីដេអូ ក្រោមប្រធានបទ“ក្រឡេកមើលឡើងវិញកំណាត់ផ្លូវកន្លងផុតទៅនិងឆ្ពោះទៅរយៈ៥០ ឆ្នាំនៃទំនាក់ទំនងអាស៊ាន-ជប៉ុន”។
 |
| កិច្ចសន្ទនាតុមូលជាន់ខ្ពស់តាមប្រព័ន្ធវីដេអូ ក្រោមប្រធានបទ“ក្រឡេកមើលឡើងវិញកំណាត់ផ្លូវកន្លងផុតទៅនិងឆ្ពោះទៅរយៈ៥០ ឆ្នាំនៃទំនាក់ទំនងអាស៊ាន-ជប៉ុន” (រូបថត៖ baoquocte.vn) |
កិច្ចសន្ទនាជាគំនិតផ្ដួចផ្ដើមរបស់វៀតណាមសំដៅបង្កើតឱកាសដើម្បីប្រទេសអាស៊ាននានានិងជប៉ុនរួមគ្នាក្រឡេកមើលឡើងវិញលើកិច្ចសហប្រតិបត្តិការទ្វេភាគីក្នុងអំឡុងពេល៥ទសវត្សរិ៍កន្លងមកក៏ដូចជាកំណត់ទិសដៅសម្រាប់ដំណាក់កាលជាបន្តផងដែរ។
អញ្ជើញថ្លែងបើកកិច្ចសន្ទនា រដ្ឋមន្រ្តីការបរទេសវៀតណាមលោក Bui Thanh Son បានសង្កត់ធ្ងន់ថា កិច្ចសហប្រតិបត្តិការសេដ្ឋកិច្ច ពាណិជ្ជកម្មវិនិយោគជាមូលដ្ឋានគ្រឹះសម្រាប់ទំនាក់ទំនងអាស៊ាន-ជប៉ុន។ លោករដ្ឋមន្រ្តីវាយតម្លៃខ្ពស់ចំពោះកិច្ចសហប្រតិបត្តិការអភិវឌ្ឍកិច្ចសហប្រតិបត្តិការបច្ចេកទេសនិងការជួយឧបត្ថម្ភដោយទាន់ពេលវេលារបស់ជប៉ុនសម្រាប់ប្រទេសអាស៊ាននានានិងវៀតណាម ជាពិសេសក្នុងការបង្រួញគម្លាតអភិវឌ្ឍ ការអភិវឌ្ឍអនុតំបន់ ក្នុងនោះមានអនុតំបន់មេគង្គ ព្រមទាំងក្នុងការឆ្លើយតបនឹងជម្ងឺរាតត្បាតកូវីដ ១៩ នាបច្ចុប្បន្នទៀតផង។ លោករដ្ឋមន្រ្តីបញ្ជាក់ថា ក្នុងតួនាទីជាអ្នកសម្របសម្រួលទំនាក់ទំនងអាស៊ាន-ជប៉ុនដំណាក់កាល២០១៨-២០២១ និងដំណាក់កាលខាងមុខ វៀតណាមតែងតែខិតខំប្រឹងប្រែងរួមវិភាគទានទៅក្នុងការកសាងទំនាក់ទំនង “ពីបេះដូងដល់បេះដូង” ដោយឈរលើការជឿទុកចិត្តគ្នាទៅវិញទៅមកនិងទំនាក់ទំនងភាពជាដៃគូដោយសមភាពរវាងអាស៊ាននិងជប៉ុន៕
មតិពីមិត្តអ្នកអាន