នាល្ងាចថ្ងៃទី ២៣ ខែកក្កដា គណៈកម្មការរៀបចំការប្រកួតអូឡាំពិកគណិតវិទ្យាអន្តរជាតិឆ្នាំ ២០២១ បានប្រកាសលទ្ធផលនៃការប្រឡង។ សមាជិកទាំង ៦ នាក់របស់ក្រុមវៀតណាម សុទ្ធតែទទួលបានពានរង្វាន់ទាំងអស់ ក្នុងនោះមានមេដាយមាស ១ មេដាយប្រាក់ ២ និងមេដាយសំរឹទ្ធ ៣។
ការប្រកួតអូឡាំពិកគណិតវិទ្យាអន្តរជាតិឆ្នាំ ២០២១ (IMO 2021) ត្រូវបានរៀបចំឡើងតាមប្រព័ន្ធវីដេអូដោយសហព័ន្ធរុស្ស៊ី ដោយមានការចូលរួមពីបេក្ខសិស្សចំនួន ៦១៩ នាក់មកពីប្រទេស និងដែនដីចំនួន ១០៧។
 |
| ក្រុមបេក្ខសិស្សវៀតណាមសម្រេចបានលទ្ធផលល្អប្រសើរនៅការប្រកួតអូឡាំពិកជីវវិទ្យាអន្តរជាតិ ឆ្នាំ២០២១ (រូបថត៖ giaoducthoidai.vn) |
* នៅល្ងាចថ្ងៃដដែល ក្រសួងអប់រំនិងបណ្តុះបណ្តាលវៀតណាម បានជូនដំណឹងថា បេក្ខសិស្សវៀមណាមទាំង ៤ នាក់ ដែលចូលរួមការប្រកួតអូឡាំពិកជីវវិទ្យាអន្តរជាតិឆ្នាំ ២០២១ បានទទួលមេដាយទាំងអស់ ក្នុងនោះមានមេដាយមាស ១ មេដាយប្រាក់ ២ និងមេដាយសំរឹទ្ធ ១។
 |
| បេក្ខសិស្សវៀតណាមចំនួន ៦ នាក់ដែលចូលរួមការប្រកួតអូឡាំពិកគណិតវិទ្យាអន្តរជាតិ ឆ្នាំ២០២១ សុទ្ធតែទទួលបានពានរង្វាន់ទាំងអស់ (រូបថត៖ vnanet.vn) |
ការប្រកួតអូឡាំពិកជីវវិទ្យាអន្តរជាតិឆ្នាំ ២០២១ (IBO2021) រៀបចំឡើងដោយប្រទេសព័រទុយហ្កាល់ តាមប្រព័ន្ធវីដេអូ ចាប់ពីថ្ងៃទី ១៨ ដល់ថ្ងៃទី ២៣ ខែកក្កដា ដោយមានការចូលរួមពីបេក្ខសិស្សចំនួន ៣០៤ នាក់ មកពីប្រទេស និងដែនដីចំនួន ៧៦។
* បេក្ខសិស្សវៀមណាមទាំង ៥ នាក់ ដែលចូលរួមការប្រកួតអូឡាំពិករូបវិទ្យាអន្តរជាតិ ឆ្នាំ ២០២១ ក៏ទទួលបានមេដាយមាស ៣ និងមេដាយប្រាក់ ២ ផងដែរ។
ការប្រកួតអូឡាំពិករូបវិទ្យាអន្តរជាតិឆ្នាំ ២០២១ (IPhO 2021) រៀបចំឡើងដោយប្រទេសលីទុយអានី តាមប្រព័ន្ធវីដេអូ ដោយមានការចូលរួមពីបេក្ខសិស្សចំនួន ៣៦៨ នាក់ មកពីប្រទេស និងដែនដីចំនួន ៧៦៕
kh.qdnd.vn
មតិពីមិត្តអ្នកអាន