អ្នកកាសែតឈ្មោះ Weiwei ប្រធានគណៈកម្មការភាសាវៀតណាមនៃវិទ្យុចិនអន្តរជាតិ (CRI) បានអត្ថាធិប្បាយថា អត្ថបទ “បញ្ហាទ្រឹស្តី និងភាពជាក់ស្តែងមួយចំនួនអំពីសង្គមនិយម និងមាគ៌ាឆ្ពោះទៅកាន់សង្គមនិយមនៅវៀតណាម” គឺជាអត្ថបទសំខាន់មួយ ដែលបង្ហាញពីចក្ខុវិស័យយុទ្ធសាស្ត្រ ជាការឡើងក្រាមនៃបញ្ញា និងទឹកចិត្តរបស់លោកអគ្គលេខាបក្ស Nguyen Phu Trong ចំពោះបុព្វហេតុបដិវត្តន៍នៅប្រទេសវៀតណាម ដោយផ្អែកលើលិទ្ធិ ម៉ាក្ស - លេនីន និងផ្សាភ្ជាប់ជាមួយនឹងស្ថានភាពជាក់ស្តែងនៅវៀតណាម។
 |
| ថ្នាក់ដឹកនាំបក្ស និងរដ្ឋបានបោះឆ្នោតអនុម័តលើកម្មវិធីកិច្ចប្រជុំលើកទី ៣ នៃគណៈកម្មាធិការមជ្ឈិមបក្សកុម្មុយនិស្តវៀតណាមអាណត្តិទី ១៣ (រូបថត៖ vnanet.vn) |
យោងតាមអ្នកកាសែត Weiwei អត្ថបទរបស់លោកអគ្គលេខាបក្ស Nguyen Phu Trong បានចូលរួមវិភាគទានយ៉ាងសំខាន់ដល់ប្រព័ន្ធទ្រឹស្តីសង្គមនិយមលើពិភពលោក។ នៅក្នុងអត្ថបទលោកអគ្គលេខាបក្ស Nguyen Phu Trong បានវិភាគយ៉ាងច្បាស់អំពីអត្តចរិតនៃមូលធននិយម ហើយចាត់ទុកថា “មូលធននិយមនៅតែមិនអាចដោះស្រាយបានជម្លោះជាមូលដ្ឋានដែលមានស្រាប់របស់វាទេ”។ ជាពិសេស លោកអគ្គលេខាបក្ស Nguyen Phu Trong បានចង្អុលច្បាស់ថា៖ “នៅពេលដែលអំណាចលុយកាក់គ្រប់គ្រងនោះ គឺអំណាចរបស់ប្រជាជនក៏ខ្សោយទៅ”។ “នៅក្នុងប្រទេសមូលធនអភិវឌ្ឍន៍នោះ ទោះបីការបោះឆ្នោតអាចផ្លាស់ប្តូររដ្ឋាភិបាលក៏ដោយ ក៏ប៉ុន្តែមិនអាចផ្លាស់ប្តូរអនុភាពកាន់អំណាចទេ។ នៅខាងក្រោយប្រព័ន្ធពហុបក្ស នៅលើភាពជាក់ស្ដែង គឺជាសាជីវកម្មមូលធននិយមផ្ដាច់មុខដដែល”។ លើសពីនេះទៅទៀត អ្នកកាសែត Weiwei បានលើកឡើងពីការដែលបក្សកុម្មុយនិស្តវៀតណាមប្រកាន់ខ្ជាប់នូវទស្សនៈថា រដ្ឋគឺជា "របស់ប្រជាជន ដោយសារប្រជាជន និងដើម្បីប្រជាជន" ដោយយកប្រជាជនធ្វើជាមជ្ឈភាព ហើយគំនិត និងសកម្មភាពសព្វគ្រប់តែងតែផ្ដើមចេញពីផលប្រយោជន៍របស់ប្រជាជន តែងតែយកផលប្រយោជន៍របស់ប្រជាជនជាគោលដៅដ៏ខ្ពង់ខ្ពស់បំផុត៕
kh.qdnd.vn
មតិពីមិត្តអ្នកអាន