នាថ្ងៃទី ៣ ខែកក្កដា នៅទីក្រុង Pleiku គណៈ កម្មាធិការដឹកនាំបំផុសចលនារបស់ខេត្ត Gia Lai សម្រាប់ការបរិច្ចាគឈាមដោយស្ម័គ្រចិត្តបានរៀបចំពិធីបរិច្ចាគឈាម “តំណក់ឈាមក្រហមនៃតំបន់ខ្ពង់រាប”។
 ខេត្ត Gia Lai - ជាចំណុចដ៏ភ្លឺស្វាងមួយក្នុងការចេញអត្តសញ្ញាណប័ណ្ណសញ្ជាតិគំរូថ្មីនៅតំបន់ Tay Nguyen |
 ព្រះវិហារប្រូតេស្តង់ Plei Mo Nu (ខេត្ត Gia Lai)៖ គោលដៅចុងសប្តាហ៍រីករាយសម្រាប់អ្នកកាន់សាសនាកាតូលិក |
 |
| រូបថត៖ baogialai |
ទិវាបរិច្ចាគឈាម “ដំណក់ឈាមក្រហមនៃតំបន់ខ្ពង់រាប” គឺជាសកម្មភាព ឆ្លើយតបទៅនឹងកម្មវិធីបរិច្ចាគឈាម ដោយស្ម័គ្រចិត្ត “ដំណើរក្រហម - តភ្ជាប់តំណក់ឈាមវៀតណាម” លើកទី ៩ ឆ្នាំ ២០២១ របស់គណៈកម្មាធិការជាតិ ដឹកនាំការបរិច្ចាគឈាមដោយស្ម័គ្រចិត្ត។ កម្មវិធីនេះ នឹងប្រព្រឹត្តទៅចាប់ពីថ្ងៃទី ៩ ខែមិថុនាដល់ថ្ងៃទី ៨ ខែសីហា នៅតាមខេត្តនិងក្រុងចំនួន ៤៤ ទូទាំងប្រទេស ហើយរំពឹងថានឹងទទួលបានឈាមចំនួន ១០ ម៉ឺន ឯកតា។ នេះជាលើកទី ៦ ហើយដែលខេត្ត Gia Lai ចូលរួមក្នុងកម្មវិធីនេះ។
សូមគូសបញ្ជាក់ថា នៅឆ្នាំនេះ គណៈកម្មាធិការដឹកនាំបំផុសចលនារបស់ខេត្ត Gia Lai សម្រាប់ការបរិច្ចាគឈាមដោយស្ម័គ្រចិត្តបានកំណត់គោលដៅនៃការកៀងគរនិងទទួលឈាមយ៉ាងហោចណាស់ចំនួន ៦០០ ឯកតា។ ក្នុងឱកាសនេះ គណៈកម្មាធិការដឹកនាំការបរិច្ចាគ ឈាមដោយស្ម័គ្រចិត្តរបស់ខេត្ត Gia Lai បានប្រគល់ប័ណ្ណសរសើរដល់សមូហភាពចំនួន ២៧ ក្រុមគ្រួសារចំនួន ៤ និងបុគ្គលចំនួន ៤១ នាក់ដែលមានស្នាដៃឆ្នើមក្នុងការងារបរិច្ចាគឈាមដោយស្ម័គ្រចិត្ត៕
VOV/Baogialai
មតិពីមិត្តអ្នកអាន