Trending now

សម្តេចប្រធានព្រឹទ្ធសភាអនុញ្ញាតឱ្យឯកអគ្គរដ្ឋទូតវៀតណាម ចូលជួបសម្តែងការគួរសម និងជម្រាបលា

18:06 | 29/06/2021

នាព្រឹកថ្ងៃទី២៩ខែមិថុនាឆ្នាំ២០២១វេលាម៉ោង០៩:០០នាទីសម្តេចវិបុលសេនាភក្តីសាយឈុំប្រធានព្រឹទ្ធសភានៃព្រះរាជាណាចក្រកម្ពុជាបានអនុញ្ញាតឱ្យឯកឧត្តមវ៉ូ ក្វាង មិញ (Vu Quang Minh)ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជាចូលជួបសម្តែងការគួរសមនិងជម្រាបលានៅវិមានព្រឹទ្ធសភា។

ទំនាក់ទំនងវៀតណាម-កម្ពុជា៖ រំលឹកឡើងវិញនូវអតីតកាលដើម្បីឆ្ពោះទៅរកអនាគត ទំនាក់ទំនងវៀតណាម-កម្ពុជា៖ រំលឹកឡើងវិញនូវអតីតកាលដើម្បីឆ្ពោះទៅរកអនាគត
ទំនាក់ទំនងវៀតណាម - កម្ពុជារក្សាសន្ទុះអភិវឌ្ឍន៍វិជ្ជមានក្នុងបរិបទនៃការរីលរាលដាលនៃជំងឺរាតត្បាតកូវីដ-១៩ ទំនាក់ទំនងវៀតណាម - កម្ពុជារក្សាសន្ទុះអភិវឌ្ឍន៍វិជ្ជមានក្នុងបរិបទនៃការរីលរាលដាលនៃជំងឺរាតត្បាតកូវីដ-១៩
សម្តេចប្រធានព្រឹទ្ធសភាអនុញ្ញាតឱ្យឯកអគ្គរដ្ឋទូតវៀតណាម ចូលជួបសម្តែងការគួរសម និងជម្រាបលា។
សម្តេចប្រធានព្រឹទ្ធសភាអនុញ្ញាតឱ្យឯកអគ្គរដ្ឋទូតវៀតណាម ចូលជួបសម្តែងការគួរសម និងជម្រាបលា។

ក្នុងនាមព្រឹទ្ធសភានៃព្រះរាជាណាចក្រកម្ពុជា សម្តេចវិបុលសេនាភក្តី សាយ ឈុំ បានសម្តែងនូវការកោតសរសើរនិងវាយតម្លៃខ្ពស់ចំពោះបេសកកម្មការទូតប្រកបដោយជោគជ័យរបស់ឯកឧត្តមវ៉ូ ក្វាង មិញ ឯកអគ្គរដ្ឋទូតសាធារណរដ្ឋសង្គមនិយមវៀតណាមនៅព្រះរាជាណាចក្រកម្ពុជា ដែលបានខិតខំរួមចំណែកពង្រឹងពង្រីកចំណងមិត្តភាព សាមគ្គីភាព និងកិច្ចសហប្រតិបតិ្តការលើគ្រប់វិស័យកាន់តែរឹងមាំថែមទៀត នាំមកនូវផលប្រយោជន៍ទៅវិញទៅមកសម្រាប់ប្រជាជន និងប្រទេសទាំងពីរទាំងពេលបច្ចុប្បន្ន និងទៅអនាគត។

មានប្រសាសន៍ក្នុងឱកាសនោះឯកឧត្តមវ៉ូ ក្វាង មិញបានថ្លែងអំណរគុណចំពោះសម្តេចប្រធានព្រឹទ្ធសភាដែលបានចំណាយពេលវេលាដ៏មានតម្លៃអនុញ្ញាតឱ្យឯកឧត្តមចូលជួបសម្តែងការគួរសមនិងជម្រាបលានាពេលនេះ មុននឹងបញ្ចប់បេសកកម្មការទូតរយៈពេល៣ឆ្នាំកន្លះនេះ។ ឯកឧត្តមឯកអគ្គរដ្ឋទូតបានពាំនាំនូវប្រសាសន៍ផ្តាំផ្ញើការសួរសុខទុកពីសំណាក់ថ្នាក់ដឹកនាំជាន់ខ្ពស់ បក្ស រដ្ឋ និងសភានៃសាធារណរដ្ឋសង្គមនិយមវៀតណាមជូនចំពោះសម្តេចប្រធានព្រឹទ្ធសភា។

ឯកឧត្តមវ៉ូ ក្វាង មិញបានបញ្ជាក់ថាបក្សរដ្ឋាភិបាល និងប្រជាជនវៀតណាមនៅតែចងចាំ និងដឹងគុណជានិច្ចចំពោះប្រជាជនកម្ពុជា ដែលបានរួមវិភាគទានដើម្បីជាតិក្នុងការជួយគាំទ្រដល់ការតស៊ូរបស់ប្រជា-ពលរដ្ឋវៀតណាមក្នុងការតស៊ូដើម្បីឯករាជ្យជាតិការរំដោះនិងការបង្រួបបង្រួមប្រទេសជាតិរហូតដល់ពេលបច្ចប្បន្ននេះ។

ឯកឧត្តមវ៉ូ ក្វាង មិញ បានសម្តែងនូវការអបអរសាទរចំពោះសមិទ្ធផលនានា និងការីកចម្រើនលើគ្រប់វិស័យ ដែលព្រះរាជាណាចក្រកម្ពុជាសម្រេចបាន ក្រោមការដឹកនាំរបស់គណបក្សប្រជាជនកម្ពុជា និងរាជរដ្ឋាភិបាលកម្ពុជា ជាពិសេសជោគជ័យក្នុងការទប់ស្តាត់ការរីករាលដាលនៃជំងឺកូវីដ-១៩។

ឯកឧត្តម វ៉ូ ក្វាង មិញបានសម្តែងនូវការដឹងគុណ និងថ្លែងអំណរគុណចំពោះថ្នាក់ដឹកនាំព្រឹទ្ធសភា រដ្ឋសភា រាជដ្ឋាភិបាល និងអាជ្ញាធរគ្រប់ជាន់ថ្នាក់ ដែលបានផ្តល់ការគាំទ្រចំពោះបេសកកម្មការទូតរបស់ឯកឧត្តមឱ្យទទួលបានជោគជ័យនៅព្រះរាជាណាចក្រកម្ពុជា។ឯកឧត្តមបានសម្តែងនូវសេចក្តីរីករយនិងមានមោទនភាពយ៉ាងខ្លាំងក្លាដោយបានឃើញផ្ទាល់ភ្នែកនូវកិច្ចសហប្រតិបត្តិការដ៏ល្អប្រសើរនិងមានការអភិវឌ្ឍខ្លាំងក្លារវាងប្រទេសទាំងពីរ។ជាពិសេស នាពេលកន្លងទៅនេះថ្នាក់ដឹកនាំនៃប្រទេសទាំងពីរបានផ្លាស់ប្តូរ និងពិភាក្សាការងារសំខាន់ៗជាមួយគ្នាជាញឹកញាប់តាមរយៈប្រព័ន្ធវីដេអូហើយឯកឧត្តមសង្ឃឹមថានាពេលខាងមុខនេះនៅពេលដែលជំងឺកូវីដ១៩ត្រូវបានបញ្ចប់ ថ្នាក់ដឹកនាំជាន់ខ្ពស់នៃប្រទេសទាំងពីរនឹងធ្វើការផ្លាស់ប្តូរដំណើរទស្សនកិច្ចទៅវិញទៅមកបន្ថែមទៀត។

ទិដ្ឋភាពនៃជំនួប។
ទិដ្ឋភាពនៃជំនួប។

សម្តេចប្រធានព្រឹទ្ធសភាបានសម្តែងនូវសេចក្តីរីករាយដែលបានឃើញនូវទំនាក់ទំនង មិត្តភាព សាមគ្គីភាព និងកិច្ចសហប្រតិបត្តិការរវាងប្រទេសទាំងពីរមានការរីកចម្រើនជាលំដាប់ទោះបីប្រទេសទាំងពីរ ក៏ដូចជាពិភពលោកជួបប្រទះនូវវិបត្តិជំងឺកូវី១៩យ៉ាងធ្ងន់ធ្ងរយ៉ាងណាក៏ដោយ។ ថ្នាក់ដឹកនាំប្រទេសទាំងពីរតែងតែបានផ្ញើសារដើម្បីអបអរសាទរ និងជូនពរគ្នាទៅវិញទៅមកគ្រប់ពិធីបុណ្យជាតិធំៗ ក៏ដូចជាព្រឹតិ្តការសំខាន់ៗរបស់ប្រទេសនីមួយៗ។ ទន្ទឹមគ្នានេះ ថ្នាក់ដឹកនាំប្រទេសទាំងពីក៏បានផ្លាស់ប្តូរ និងពិភាក្សាការងារសំខាន់ៗ និងបញ្ហាមួយចំនួនដែលភាគីទាំងពីរយកចិត្តទុកដាក់ដោយឆ្លងតាមរយៈប្រព័ន្ធអនឡាញ។

សម្តេចប្រធានព្រឹទ្ធសភាបានថ្លែងអំណរគុណដ៏ជ្រាលជ្រៅចំពោះរដ្ឋាភិបាល និងសភាវៀតណាម ដែលបានផ្តល់ជំនួយជាថវិកា បរិក្ខារពេទ្យ ម៉ាស់ ដល់រាជរដ្ឋាភិបាល អាជ្ញាធរ និងប្រជាពលរដ្ឋកម្ពុជា រួមមានថវិកាចំនួន ២០ម៉ឺនដុល្លារអាមេរិក ម៉ាស់សន្លឹកចំនួន ២លានម៉ាស់ ម៉ាស់N95ចំនួន១០ម៉ឺនម៉ាស់ និងម៉ាស៊ីនជំនួយដង្ហើមចំនួន ៨០០គ្រឿង។ ដោយឡែករដ្ឋសភាវៀតណាមបានផ្តល់ជំនួយម៉ាស់ចំនួន ៣ម៉ឺនសន្លឹកដល់សភាកម្ពុជា។ កាយវិការសប្បុរសធម៌ទាំងអស់នេះ ពិតជាបានរួមចំណែកដល់ការប្រយុទ្ធប្រឆាំងនិងការរីករាលដាលនៃជំងឺកូវីដ១៩នៅព្រះរាជាណាចក្រកម្ពុជា ។

សម្តេចប្រធានព្រឹទ្ធសភាបានថ្លែងអំណរសរសើរចំពោះបក្សកុម្មុយនីស្ត រដ្ឋាភិបាល រដ្ឋសភា កងទ័ព និងប្រជាជន វៀតណាម ដែលសម្រចបានជោគជ័យក្នុងការអនុវត្តសេចក្តីសម្រេចមហាសន្និបាតបក្សកុម្មុយនីស្តលើកទី១២ ហើយបក្សកុម្មុយនីស្ត រដ្ឋាភិបាល រដ្ឋសភា កង់ទ័ព និងប្រជាជនវៀតណាមពិតនឹងដណ្តើមជ័យជម្នះធំៗ និងថ្មីៗថែមទៀតក្នុងការអនុវត្តសេចក្តីសម្រេចមហាសន្និបាតបក្សកុម្មុយនីស្តលើកទី១៣ ជាពិសេចាប់ពីក្រោយពេលដែលជំងឺកូវីដ១៩ ត្រូវបានផុតលត់ទៅ។

សម្តេចប្រធានព្រឹទ្ធសភាបានកោតសរសើរ និងវាយតម្លៃខ្ពស់ចំពោះតួនាទីជាប្រធានអាស៊ាន ឆ្នាំ២០២០ របស់វៀតណាម និងជាប្រធាន AIPA របស់រដ្ឋសភាវៀតណាម ឆ្នាំ២០២០ ដែលទទួលបានជោគជ័យដ៏ល្អប្រសើរ។សម្តេចបានថ្លែងអំណរគុណចំពោះរដ្ឋាភិបាល និងសភាវៀតណាមចំពោះការគាំទ្រកម្ពុជា ធ្វើជាម្ចាស់ផ្ទះកិច្ចប្រជុំកំពូលអាស៊ី-អឺរ៉ុបលើកទី១៣ ដែលនឹងប្រព្រឹត្តទៅចាប់ពីថ្ងៃទី២៥ ដល់ថ្ងៃទី២៦ខែវិច្ឆិកា ឆ្នាំ២០២១ និងធ្វើជាប្រធានអាស៊ាននៅឆ្នាំ២០២២កិច្ចប្រជុំភាពជាដៃគូសភាអាស៊ី-អឺរ៉ុបលើកទី១១ គ្រោងនឹងប្រព្រឹត្តទៅនៅខែវិច្ឆិកា ឆ្នាំ២០២១ ព្រមទាំងធ្វើជាម្ចាស់ផ្ទះរៀបចំមហាសន្និបាតអន្តរសភាអាស៊ាន (AIPA) នៅឆ្នាំ២០២២។

ក្នុងនាមព្រឹទ្ធសភា និងក្នុងនាមសម្តេចផ្ទាស់ សម្តេចប្រធានព្រឹទ្ធសភាបានថ្លែងអំណរគុណចំពោះបក្ស រដ្ឋសភា រដ្ឋាភិបាលកងទ័ព និងប្រជាជនវៀតណាមដែលតែងតែជួយឧបត្ថម្ភគាំទ្រយ៉ាងធំធេងដល់បុព្វហេតុដ៏ត្រឹមត្រូវរបស់ប្រជាជនកម្ពុជាក្នុងគ្រប់កាលៈទេសៈទាំងអស់។ ប្រទេសកម្ពុជាមានការប្តេជ្ញាចិត្តខ្ពស់ក្នុងការថែរក្សាទំនាក់ទំនងមិត្តភាព សាមគ្គីភាព និងកិច្ចសហប្រតិបត្តិការរវាងប្រទសទាំងពីរ តាមពាកស្លោក «អ្នកជិតខាងល្អ មិត្តភាពជាប្រពៃណី សហប្រតិបត្តិរឹងមាំ និងយូរអង្វែង»។

តាមរយៈឯកឧត្តមឯកអគ្គរដ្ឋទូត សម្តេចប្រធានព្រឹទ្ធសភាបានផ្តាំផ្ញើការសួរសុខទុក្ខជូនចំពោះថ្នាក់ដឹកនាំជាន់ខ្ពស់បក្សកុម្មុយនីស្ត និងថ្នាក់ដឹកនាំរដ្ឋរដ្ឋាភិបាលនៃសាធារណរដ្ឋសង្គមនិយមវៀតណាម ប្រកបដោយដោយសេចក្តីគោរព សេចក្តីរាប់អាន និងសេចក្តីនឹករលឹក។ សម្តេចបានប្រសិទ្ធពរជូនឯកឧត្តមឯកអគ្គរដ្ឋទូតសូមប្រកបដោយសុខភាពល្អបរិបូណ៍ និងទទួលបានជ័យជម្នះក្នុងការបំពេញភារកិច្ចថ្មី៕

ស្ថានទូតវៀតណាមប្រចាំកម្ពុជា

មតិពីមិត្តអ្នកអាន

ព័ត៌មានថ្មីៗ

សាកលវិទ្យាល័យ Stanford ពង្រឹងសហការជាមួយវៀតណាមក្នុងវិស័យបញ្ញាសិប្បនិមិត្ត
លើក​កម្ពស់​ទំនាក់ទំនងមិត្តភាពប្រពៃណី និងកិច្ចសហប្រតិបត្តិការពហុភាគីរវាងវៀតណាម​និងក្រិក
ប្រធានរដ្ឋសភា លោក Vuong Dinh Hue បញ្ចប់យ៉ាងល្អប្រសើរដំណើរទស្សនកិច្ចជាផ្លូវការនៅឡាវ
ឱកាសថ្មីសម្រាប់កិច្ចសហប្រតិបត្តិការក្នុងការអភិវឌ្ឍទេសចរណ៍និងពាណិជ្ជកម្មរវាងវៀតណាមនិងអាមេរិក
វៀតណាមសង្កត់ធ្ងន់លើសន្តិសុខ សុវត្ថិភាពដែនសមុទ្រនិងអាកាសចរណ៍នៅសមុទ្រខាងកើត