នាឱកាសនោះ ភាគីទាំងពីរ បានអះអាងពីគោលនយោបាយការបរទេសរបស់រដ្ឋាភិបាល នៃប្រទេសទាំងពីរ ក៏ដូចជាបក្សប្រជាជនកម្ពុជា និងបក្សកុម្មុយនីស្តវៀតណាម ក្នុងការយកចិត្តទុកដាក់លើទំនាក់ទំនងជាមួយប្រទេសជិតខាង ឲ្យកាន់តែរឹងមាំ មិត្តភាពជាប្រពៃណី ឋិតថេរយូរអង្វែង។
 |
| ឯកឧត្តម ចាយ ណាវុធ ឯកអគ្គរាជទូត នៃព្រះរាជាណាចក្រកម្ពុជាប្រចាំវៀតណាម បានចូលជួបសម្ដែងការគួរសម និងជូនពរ ឯកឧត្តម Vo Van Thuong សមាជិកការិយាល័យនយោបាយនិងជាសមាជិកអចិន្ត្រៃយ៍នៃលេខាធិការដ្ឋានគណៈកម្មាធិការមជ្ឈិមបក្ស |
នៅរសៀលថ្ងៃទី២៣ ខែមិថុនា ឆ្នាំ២០២១ វេលាម៉ោង ១៦:០០ នាទី ឯកឧត្តម ចាយ ណាវុធ ឯកអគ្គរាជទូត នៃព្រះរាជាណាចក្រកម្ពុជា ប្រចាំវៀតណាម និងមន្ត្រីស្ថានទូត បានចូលជួបសម្ដែងការគួរសម និងជូនពរ ឯកឧត្តម Vo Van Thuong សមាជិកការិយាល័យនយោបាយនិងជាសមាជិកអចិន្ត្រៃយ៍នៃលេខាធិការដ្ឋានគណៈកម្មាធិការកណ្តាលបក្ស ក្នុងឱកាសដែលឯកឧត្តមទើបទទួលមុខតំណែងនេះ និងទំនុកចិត្តពីបក្សកុម្មុយនីស្តវៀតណាម។
នាឱកាសនោះ ភាគីទាំងពីរ បានអះអាងពីគោលនយោបាយការបរទេសរបស់រដ្ឋាភិបាល នៃប្រទេសទាំងពីរ ក៏ដូចជាបក្សប្រជាជនកម្ពុជា និងបក្សកុម្មុយនីស្តវៀតណាម ក្នុងការយកចិត្តទុកដាក់លើទំនាក់ទំនងជាមួយប្រទេសជិតខាង ឲ្យកាន់តែរឹងមាំ មិត្តភាពជាប្រពៃណី ឋិតថេរយូរអង្វែង។
ឯកឧត្តមឯកអគ្គរាជទូត បានថ្លែងអំណរគុណ ដល់បក្សកុម្មុយនីស្តវៀតណាម ដែលជួយឧបត្ថម្ភជូនកម្ពុជា ក្នុងគ្រាលំបាកនូវទឹកប្រាក់ចំនួន ៣០០.០០០ ដុល្លារអាមេរិក កន្លងមក ដើម្បីប្រយុទ្ធប្រឆាំងនឹងជំងឺកូវីដ១៩ បានទាន់ពេលវេលា និងត្រៀមសហការប្រារព្ធខួប៥៥ ឆ្នាំនៃទំនាក់ទំនងការទូតរវាងកម្ពុជា-វៀតណាម រួមគ្នា នៅឆ្នាំ២០២២ នាពេលខាងមុខ៕
មតិពីមិត្តអ្នកអាន