សហគមន៍ជនវៀតណាមនៅបរទេសរួមដៃគ្នាគាំទ្រមូលនិធិវ៉ាក់សាំងបង្ការ ប្រយុទ្ធប្រឆាំងជំងឺរាតត្បាតកូវីដ ១៩

គិលានុបដ្ឋាយិកានិងគ្រូពេទ្យចំនួន ១៩ នាក់ មកពីមន្ទីរពេទ្យ ជោរៃភ្នំពេញត្រូវតែធ្វើចត្តាឡីស័ក ដោយសារតែប៉ះពាល់ផ្ទាល់ជាមួយអ្នកជម្ងឺកូវីដ ១៩

សេចក្តីជូនដំណឹងស្តីពីការចាក់វ៉ាក់សាំងកូវីដ ១៩ សម្រាប់ពលរដ្ឋវៀតណាមដែលរស់នៅនិងធ្វើការ នៅប្រទេសកម្ពុជា អ្នកចាក់វ៉ាក់សាំងកូវីដ ១៩

សកម្មភាពបរិច្ចាគថវិការ។

ដោយគាំទ្រការអំពាវនាវរបស់ ប្រធានរដ្ឋ នាយករដ្ឋមន្ត្រី គណៈកម្មាធិការមជ្ឈឹមរណសិរ្សមាតុភូមិវៀតណាម និងក្រសួងការបរទេសនោះ នៅថ្ងៃទី ៨ ខែមិថុនា ស្ថានទូតវៀតណាមប្រចាំនៅអេហ្ស៊ីបបានបំផុសចលានារៃអង្គាសទឹកប្រាក់ជួយឧបត្ថម្ភដល់ មូលនិធិវ៉ាក់សាំងបង្ការ ប្រយុទ្ធប្រឆាំងជំងឺរាតត្បាតកូវីដ ១៩ នៅវៀតណាម ដោយមានការចូលរួមរបស់កម្មាភិបាល បុគ្គលិកទាំងអស់នៃស្ថានទូត និងបណ្ដាស្ថាប័នអមស្ថានទូត។

នៅក្នុងពិធីបំផុសនេះ លោកឯកអគ្គរដ្ឋទូត Tran Thanh Cong បានស្នើឲ្យសមូហភាពកម្មាភិបាល បុគ្គលិកស្ថាប័នតំណាង សហគមន៍ជនវៀតណាមបន្តរួមសាមគ្គីគ្នា លើកត្រដែតស្មារតីប្រយុទ្ធប្រឆាំងជំងឺរាតត្បាត ថែរក្សាសុខភាព ព្រមទាំងរួមដៃគ្នាប្រយុទ្ធប្រឆាំងជំងឺរាតត្បាតកូវីដ ១៩។

ក្នុងពេលនោះ នៅអាល្លឺម៉ង់ សមាគមន៍ អង្គការ ជនវៀតណាម និងមិត្តភក្តិអាល្លឺម៉ង់ជាច្រើន បានរៃអង្គាសទឹកប្រាក់ សំដៅរួមដៃគ្នាប្រយុទ្ធប្រឆាំងជំងឺរាតត្បាតនៅវៀតណាម។ ចំនួនទឹកប្រាក់រៃអង្គាសទាំងអស់នឹងបានប្រើប្រាស់សម្រាប់ទិញសំភារៈ បរិក្ខាពេទ្យជូនបុគ្គលិកសុខាភិបាល កម្មករ ពលករក្រីក្រ និងកុមារនៅតាមមណ្ឌលចត្តាឡីស័ក ក៏ដូចជាអ្នកជំងឺកូវីដ ១៩ ដែលមានស្ថានភាពរស់នៅលំបាកផងដែរ៕

យោងតាមវិឡុសំលេងវៀតណាម