ស្ថានទូតវៀតណាមប្រចាំនៅប្រទេសស្វីសបរិច្ចាគថវិកាក្នុងមូលនិធីវ៉ាក់សាំងប្រឆាំងនឹងជំងឺកូវីដ-១៩

គិលានុបដ្ឋាយិកានិងគ្រូពេទ្យចំនួន ១៩ នាក់ មកពីមន្ទីរពេទ្យ ជោរៃភ្នំពេញត្រូវតែធ្វើចត្តាឡីស័ក ដោយសារតែប៉ះពាល់ផ្ទាល់ជាមួយអ្នកជម្ងឺកូវីដ ១៩

សេចក្តីជូនដំណឹងស្តីពីការចាក់វ៉ាក់សាំងកូវីដ ១៩ សម្រាប់ពលរដ្ឋវៀតណាមដែលរស់នៅនិងធ្វើការ នៅប្រទេសកម្ពុជាចាក់វ៉ាក់សាំងកូវីដ ១៩

ស្ថានទូតវៀតណាមប្រចាំនៅប្រទេសស្វីសបរិច្ចាគថវិកាក្នុងមូលនិធីវ៉ាក់សាំងប្រឆាំងនឹងជំងឺកូវីដ-១៩

ថ្លែងនៅក្នុងពិធីនេះឯកអគ្គរដ្ឋទូតវៀតណាមប្រចាំនៅប្រទេសស្វីសលោកស្រី Le Linh Lan បានសង្កត់ធ្ងន់លើស្ថានភាពនិងការលំបាកក្នុងការបង្ការការរីករាលដាលនៃជំងឺ Covid-19 នៅក្នុងប្រទេសនាពេលកន្លងមក ព្រមទាំងលទ្ធផលខ្លះទទួលបានផងដែរ។ បច្ចុប្បន្ននេះ បក្សនិងរដ្ឋវៀតណាម បានផ្តល់អាទិភាពខ្ពស់ដល់ការការពារសុខភាពប្រជាជន ព្រមទាំងកៀរគរធនធានសង្គមទាំងអស់ ដើម្បីធានាការចាក់វ៉ាក់សាំងប្រឆាំងនឹង Covid-19 ដែលនាំឱ្យជីវភាពរស់នៅសង្គមវិលត្រឡប់មករកភាពប្រក្រតីឡើងវិញ ក៏ដូចជាជួយស្តារសេដ្ឋកិច្ចឡើងវិញផងដែរ។

លោកស្រីឯកអគ្គរដ្ឋទូតក៏បានស្នើឱ្យសមូហភាពស្ថានទូតទាំងអស់រួបរួមគ្នាបង្កើនស្មារតីប្រុងប្រយ័ត្នប្រឆាំងនឹងការរីករាលដាល បំពេញឲ្យបានល្អនូវភារកិច្ចដែលត្រូវបានផ្តល់ជូន ព្រមទាំងបន្តរួមដៃគ្នាជាមួយប្រទេសទាំងមូលនិងអាណិកជនវៀតណាមនៅបរទេសដើម្បីប្រយុទ្ធប្រឆាំងនឹងការរាតត្បាត Covid-19 ផងដែរ។ នាពេលកន្លងមកឆ្លើយតបទៅនឹងការអំពាវនាវរបស់រណសិរ្សមាតុភូមិវៀតណាម“ ប្រជាជនទាំងអស់រួបរួមគ្នាខិតខំប្រឹងប្រែងការពារនិងទប់ស្កាត់ការរាតត្បាត Covid-19” ស្ថានទូតវៀតណាមប្រចាំនៅប្រទេសស្វីស បានផ្ញើលិខិតអំពាវនាវដល់បុគ្គលសមាគម និងអាជីវករក្នុងសហគមន៍វៀតណាមនៅប្រទេសស្វីស ចូលរួមវិភាគទាននិងគាំទ្រមូលនិធិវ៉ាក់សាំង Covid-19៕

ហេង វុធ្ធី

Thoidai.com.vn