យុគសម័យ - ចែករំលែកពីទស្សនៈពីររបៀបការរស់នៅជាមួយសហគមន៍យ៉ាងដូចម្តេច ការជួយដល់អ្នកមានលំបាកយ៉ាងដូចម្តេច និងការទទួលខុសត្រូវរបស់ពលរដ្ឋចំពោះប្រទេសជាតិយ៉ាងដូចម្តេច រួមទាំងដាំបន្លែ ដើម្បីធ្វើឱ្យប្រសើរឡើងនូវជីវភាពរស់នៅប្រចាំថ្ងៃ តាមរបៀបណា ទាំងអស់នេះវាជាប្រធានបទទាំងឡាយដែលត្រូវបានផ្តល់ព័ត៌មាន នៅវិហារសាសនាប្រូតេស្តង់ Plei Ia Lang នៅសង្កាត់ Chi Lang សង្កាត់ Pleiku ទីក្រុង Gia Lai ។
 សមាគមពុទ្ធសាសនាវៀតណាមជួយឧបត្ថម្ភឥណ្ឌាក្នុងការប្រយុទ្ធប្រឆាំងនឹងជំងឺ Covid-19 |
 តើការរៀបចំពិធីបុណ្យជំនឿសាសនាត្រូវបានកំណត់ដោយច្បាប់យ៉ាងដូចម្តេច? |
ថ្មីៗនេះ មជ្ឈិមសមាគមព្រះពុទ្ធសាសនាវៀតណាមបានចេញឯកសារមួយជូនទៅគណៈកម្មការ វិទ្យាស្ថានមជ្ឈិម ក្រុមប្រឹក្សាភិបាលសមាគមព្រះពុទ្ធសាសនាវៀតណាមនៅតាមខេ និងក្រុងនានា រួមទាំងព្រះសង្ឃនៅតាមវត្តនានានៅទូទាំងប្រទេសលើការបន្តបង្កើនវិធានការការពារទប់ស្កាត់ការឆ្លងរាលដាលជំងឺរាតត្បាត។ ក្នុងនោះបានសង្កត់ធ្ងន់លើការផ្អាករាល់សកម្មភាពសាសនានានា រហូតដល់ពេលណាដែលរដ្ឋាភិបាលមានសេចក្តីជូនដំណឹងថ្មី។
ដើម្បីស្វែងយល់ឱ្យកាន់តែស៊ីជម្រៅអំពីជីវិត និងសកម្មភាពសាសនារបស់អ្នកកាន់សាសនាប្រូតេស្ដង់ អ្នកយកព័ត៌មាននៃទស្សនាវដ្តីយុគ្គសម័យ បានជួបសម្ភាសន៍ជាមួយលោកគ្រូគង្វាល Hanh ជាប្រធានក្រុមប្រឹក្សាប្រូតេស្ដង់ខេត្ត Gia Lai និងជាប្រធានសាខាសមាគមសាសនាប្រូតេស្តង់ Plei Ia Lang សង្កាត់ Chi Lang, ទីក្រុង Pleiku, ខេត្ត Gia Lai ។
 |
| លោកគ្រូគង្វាល Hanh - ប្រធានក្រុមប្រឹក្សាប្រូតេស្ដង់នៃខេត្ត Gia Lai និងជាប្រធានសាខាសមាគមសាសនាប្រូតេស្តង់ Plei Ia Lang, សង្កាត់ Chi Lang, ទីក្រុង Pleiku, ខេត្ត Gia Lai ។ |
សូមលោកណែនាំជាសង្ខេបអំពីសាខាសមាគមសាសនាប្រូតេស្តង់ Plei Ia Lang, សង្កាត់ Chi Lang, ទីក្រុង Pleiku, ខេត្ត Gia Lai ។
សាខាសមាគមសាសនាប្រូតេស្តង់ Plei Ia Lang ត្រូវបានបង្កើតឡើងក្នុងឆ្នាំ ២០០៥ ហើយបច្ចុប្បន្ននេះមានអ្នកកាន់សាសនាចំនួន ១,៧០០ នាក់។ ១០០% នៃអ្នកកាន់សាសនាប្រូតេស្តង់ Plei Ia Lang គឺជាជនជាតិ Ja Rai ។ ចំនួនអ្នកកាន់សាសនាប្រូតេស្តង់ដែលបានមកជួបជុំគ្នានៅវិហាររៀងរាល់សប្តាហ៍ មានប្រមាណ ៥០០ នាក់។ ឯចំនួនអ្នកកាន់សាសនាប្រូតេស្តង់ដែលនៅសេសសល់បានជួបជុំគ្នានៅបីកន្លែងផ្សេងទៀត ដោយសារតែតំបន់នេះវាធំពេក និងការចរាចរណ៍វាមិនងាយស្រួលទៀត។ ក្នុងឱកាសពិធីបុណ្យធំៗដូចជា បុណ្យណូអែល អ្នកកាន់សាសនាទាំងអស់នឹងជួបជុំគ្នា ដើម្បីថ្វាយព្រះនៅវិហារ Plei Ia Lang ។
វិហារ Plei Ia Lang ត្រូវបានចាប់ផ្តើមសាងសង់នៅឆ្នាំ ២០០៧ និងសម្ពោធដាក់ឱ្យប្រើប្រាស់ក្នុងឆ្នាំ ២០០៩ បានក្លាយជាកន្លែងជួបជុំគ្នារបស់អ្នកកាន់សាសនាប្រូតេស្តង់នៅទីនេះ។
- សូមលោកគ្រូងគង្វាល Hanh និយាយឲ្យដឹងថា តើសកម្មភាពសាសនានៅទីនេះប្រព្រឹត្តទៅយ៉ាងដូចម្តេច?
អាជ្ញាធរមូលដ្ឋានបង្កើតលក្ខខណ្ឌអំណោយផលសម្រាប់ពួកយើងក្នុងការធ្វើសកម្មភាពសាសនា។ ចាប់ពី មុនពេលបង្កើតក្រុមប្រឹក្សា រហូតដល់ការបង្កើតសមាគម បន្ទាប់មកគឺការបំពេញបែបបទដីធ្លី និងការសាងសង់ វាសុទ្ធតែមានការជួយគាំទ្រពីអាជ្ញាធរមូលដ្ឋាន។ ដូចដែលអ្នកបានឃើញហើយនោះ សព្វថ្ងៃនេះយើងខ្ញុំបានមានកន្លែងដ៏ធំទូលាយនិងស្អាតមួយ មានកន្លែងគ្រប់គ្រាន់សម្រាប់អ្នកកាន់សាសនា មកថ្វាយព្រះជារៀងរាល់ព្រឹកថ្ងៃអាទិត្យ ឬក្នុងពិធីបុណ្យ។
- ក្នុងនាមជាមនុស្សម្នាក់ដែលបានរស់នៅជាមួយអ្នកសាសនាប្រូតេស្តង់ក្នុងស្រុក អស់រយៈពេល ១០ ឆ្នាំ តើលោកមើលឃើញការផ្លាស់ប្តូរយ៉ាងដូចម្តេចនៃជីវិភាពរស់នៅប្រចាំថ្ងៃរបស់អ្នកសាសប្រូតេស្តង់នៅទីនេះ?
ទាក់ទងនឹងជីវិតសាសនា និងជំនឿ៖ ប្រសិនបើកាលពីមុន អ្នកកាន់សាសនាប្រូតេស្តង់ត្រូវធ្វើសកម្មភាពសាសនា នៅតាមកន្លែងជាច្រើនក្នុងផ្ទះតូចចង្អៀត ហើយគ្រូគង្វាលខ្លះមានសមត្ថភាពនៅមានកម្រិតដោយសារខ្វះការបណ្តុះបណ្តាលនោះ តែចាប់ពីឆ្នាំ២០០៩មក អ្វីៗទាំងអស់បានផ្លាស់ប្តូរទាំងស្រុងហើយ។ វិហារ Plei Ia Lang ត្រូវបានសម្ពោធដាក់ឲ្យប្រើប្រាស់ អ្នកកាន់សាសនាទាំងអស់បានប្រមូលផ្តុំគ្នានៅទីនេះ។ នៅក្នុងវិហារនេះមានតុ កៅអី គម្ពីរគ្រប់គ្រាន់ និងមានកន្លែងលេងកំសាន្តសម្រាប់កុមាទៀតផង។
 |
| វិហារប្រូតេស្តង់ Plei Ia Lang ជាកន្លែងជួបជុំគ្នារបស់អ្នកកាន់សាសនាប្រូតេស្តង់ |
អំពីជីវភាបសេដ្ឋកិច្ច-សង្គម៖ អ្នកអាចមើលឃើញថា នៅខាងក្រោមវិហារនេះមានវាលដាំបន្លែជាច្រើន។ កាលពីមុន មានតែគ្រួសារតិចតូចណាស់ដែលបានដឹងពីរបៀបដាំបន្លែ ដើម្បីបម្រើសេដ្ឋកិច្ចគ្រួសារ។ ក៏ប៉ុន្តែ បច្ចុប្បន្ននេះ សេដ្ឋកិច្ចសំខាន់នៅ Chi Lang ដែលមានប្រជាជនរាប់រយគ្រួសាររស់នៅនោះគឺវាមកពីការលក់បន្លែ មិនមែនមកពីដំណាំកាហ្វេឡើយ។ ដើម្បីធ្វើបានប្រកានេះ ប្រជាជនត្រូវតែមានរយៈពេលយូរ ដើម្បីរៀន និងចែករំលែកបទពិសោធន៍ជាមួយគ្នា។ ហើយការផ្លាស់ប្តូរនោះបានធ្វើឲ្យជីវភាពសេដ្ឋកិច្ចគ្រួសារ និងសង្គមមានភាពប្រសើរឡើងពីមួយថ្ងៃទៅមួយថ្ងៃ។
- តើសាខាសមាគមសាសនាប្រូតេស្តង់ Plei Ia Lang បានផ្សព្វផ្សាយស្មារតីនៃការរស់នៅដោយមានជីវិតល្អ សាសនាល្អ ទៅកាន់អ្នកកាន់សាសនា យ៉ាងដូចម្តេចដែរ?
បញ្ហានៃការរស់នៅប្រកបដោយជីវិតល្អ និងសាសនាល្អនេះវាត្រូវបានបង្ហាញក្នុងច្បាប់ និងធម្មនុញ្ញនៃសមាគមប្រូតេស្តង់វៀតណាម ពីព្រោះគ្រឹះនៃជីវិតជំនឿគឺមានមូលដ្ឋាននៅក្នុងគម្ពីរ។ មានសារជាច្រើននៅក្នុងព្រះគម្ពីរទាក់ទងនឹងការរស់នៅដោយមានជីវិតល្អ និងសាសនាល្អ។ តើយើងគួររស់នៅជាមួយ សហគមន៍យ៉ាងម៉េច ជួយមនុស្សមានការលំបាកយ៉ាងមេច ហើយតួនាទីជាពលរដ្ឋម្នាក់សម្រាប់គ្រួសារប្រទេសជាតិយ៉ាងដូចម្តេច។ ទាំងនេះគឺស្មារតីដែលគម្ពីរបានណែនាំយ៉ាងច្បាស់លាស់ហើយ។ យើងខ្ញុំតែងតែ យកចំណុចល្អៗ ទាំងនោះមកអនុវត្តចំពោះខ្លួន នៅពេលយើងរស់នៅក្នុងលោកនេះ។ យើងខ្ញុំក៏បានផ្សព្វផ្សាយសេចក្តីស្រឡាញ់ដែលរួមចំណែកកសាងមាតុភូមិ និងប្រទេសឲ្យបានល្អប្រសើ។ ការបង្កើតបរិយាកាសរស់នៅប្រកបដោយជីវិតល្អ សាសនាល្អ គឺជាទិសដៅដែលយើងខ្ញុំតែងតែប្រាថ្នាចង់បាន។
សូមអរគុណលោកគ្រូគង្វាល!
thoidai.com.vn
មតិពីមិត្តអ្នកអាន