បណ្ដាតំបន់ត្រៀមខ្លួនជាស្រេចសម្រាប់ថ្ងៃបោះឆ្នោតមុនកាលកំណត់

ទិវាបោះឆ្នោត៖ ការសន្យានិងការទទួលខុសត្រូវចំពោះមុខម្ចាស់ឆ្នោត

ការងារត្រៀមរៀបចំត្រូវបានសម្រេចរួចរាល់សម្រាប់ការបោះឆ្នោតនៅថ្ងៃទី២៣ ខែឧសភា

ប្រជាជននៅតាមស្រុកព្រៃភ្នំខេត្ត Nghe An ត្រៀមខ្លួនជាស្រេចសម្រាប់ថ្ងៃបោះឆ្នោត។ (រូបថត៖ VOV)

ភូមិ Ha Son ឃុំ Muong Noc ស្រុកព្រំប្រទល់ Que Phong ខេត្ត Nghe An មានម្ចាស់ឆ្នោតជិត ៨០០នាក់ ក្នុងនោះ ៧០% ជាជនជាតិ Kho mu និង៣០%ជាជនជាតិ Thai។ នេះជាមណ្ឌលមួយក្នុងចំណោមមណ្ឌលបោះឆ្នោតមុនកាលកំណត់នៅខេត្ត Nghe An ដោយសារតែមានលក្ខណៈភូមិសាស្ត្រស្មុគស្មាញ។ រួមជាមួយស្រុក Que Phong នៅថ្ងៃទី២១ ខែឧសភា មណ្ឌលបោះឆ្នោតជាង២០០កន្លែងទៀតនៅស្រុកព្រំប្រទល់ ស្រុកព្រៃភ្នំចំនួន៣នៅខេត្ត Nghe An នោះគឺ Ky Son Tuong Duong និង Con Cuong នឹងអនុវត្តន៍ការបោះឆ្នោតមុនកាលកំណត់។

នៅឃុំ Tho Chau ដែលជាឃុំព្រំប្រទល់នៃខេត្ត Kien Giang ការងារត្រៀមរៀបចំសម្រាប់ថ្ងៃបោះឆ្នោតត្រូវបានសម្រេចរួចរាល់។ ម្ចាស់ឆ្នោតជិត២.០០០នាក់នៅឃុំកោះនេះ កំពុងទន្ទឹងរង់ចាំថ្ងៃបោះឆ្នោតដើម្បីជ្រើសរើសអ្នកតំណាងដែលមានទាំងទេពកោសល្យនិងសីលធម៌ដើម្បីចូលរួមចំណែកកសាងស្រុកកំណើត៕

VOV