យុគសម័យ - ចាប់តាំងពីថ្ងៃទី ២២ ខែមេសា មុនពេលការរីករាលដាលនៃជំងឺរាតត្បាតកូវីដ ១៩ បន្តរីករាលដាលយ៉ាងខ្លាំង នៅក្នុងប្រទេសកម្ពុជា មន្ទីរពេទ្យជោរៃភ្នំពេញបានគាំទ្រការចាក់វ៉ាក់សាំងការពារកូវីដ ១៩ សម្រាប់ប្រជាជនកម្ពុជារាប់រយនាក់។
យោងតាមលោកបណ្ឌិត គ្រូពេទ្យ Ton Thanh Tra អគ្គនាយកនៃមន្ទីរពេទ្យជោរៃភ្នំពេញ យុទ្ធនាការចាក់វ៉ាក់សាំងត្រូវបានគេរំពឹងថា នឹងប្រព្រឹត្តិទៅ ក្នុងរយៈពេល ៧ ថ្ងៃ (ចាប់ពីថ្ងៃទី ២២ ខែមេសា) សម្រាប់ពលរដ្ឋកម្ពុជាដែលបានបញ្ចប់ការចាក់វ៉ាក់សាំង Sinopharm ដូសទី ១ ។
ដោយសារតែការបិទខ្ទប់រាជធានីភ្នំពេញនិងទីក្រុងតាខ្មៅ ក្នុងរយៈពេល ២ សប្តាហ៍ (ចាប់ពីថ្ងៃទី ១៥ ខែមេសាឆ្នាំ ២០២១) ប្រជាជនកម្ពុជាជាច្រើននាក់មានការលំបាកក្នុងការធ្វើដំណើរទៅកាន់ទីតាំងចាក់វ៉ាក់សាំងមួយចំនួន ដូចការគ្រោងទុករបស់ក្រសួងសុខាភិបាលនៃប្រទេសកម្ពុជា។
 |
| រៀបចំឱ្យមនុស្សរង់ចាំការចាក់វ៉ាក់សាំងឆ្លើយតបនឹងវិធានការរក្សាគម្លាតសង្គម។ (រូបថត៖ Tran Long / វៀតណាម +) |
ប្រឈមនឹងស្ថានភាពនេះអាជ្ញាធរខណ្ឌមានជ័យនិងក្រសួងការពារជាតិកម្ពុជាបានស្នើសុំមន្ទីរពេទ្យជោរៃភ្នំពេញជួយរៀបចំការចាក់វ៉ាក់សាំងដូសទី ២ សម្រាប់ប្រជាជនកម្ពុជាដែលរស់នៅតំបន់ក្បែរមន្ទីរពេទ្យ។
លោក Ton Thanh Tra បានមានប្រសាសន៍ថា ភ្លាមៗបន្ទាប់ពីទទួលបានការស្នើនូវការជួយគាំទ្រការចាក់វ៉ាក់សាំង គិលានុប្បដ្ឋាយិកានិងគ្រូពេទ្យនៃមន្ទីរពេទ្យបានរៀបចំការងារភស្តុភារ បច្ចេកទេសនិងអនាម័យយ៉ាងពេញលេញនិងត្រឹមត្រូវ ដើម្បីបង្ការការរីករាលដាលស្របតាមការកំណត់របស់ក្រសួងសុខាភិបាលកម្ពុជាចំពោះការចាត់វ៉ាក់សាំងនេះ។ កាលពីថ្ងៃទី ២២ ខែមេសា មន្ទីរពេទ្យជោរៃ ភ្នំពេញបានចាក់វ៉ាក់សាំងការពារដល់ប្រជាជនកម្ពុជាប្រមាណ ៧០០ នាក់។
 |
 |
| អនុវត្តយ៉ាងតឹងរឹងនូវបទប្បញ្ញត្តិស្តីពីរក្សាគម្លាតសង្គម ដើម្បីធានាសុវត្ថិភាពនៅពេលចាក់វ៉ាក់សាំង។ (រូបថត៖ Tran Long / វៀតណាម +) |
នាព្រឹកថ្ងៃទី ២២ ខែមេសា លោករដ្ឋមន្រ្តីក្រសួងសុខាភិបាលវៀតណាម Nguyen Thanh Long បានជួបប្រជុំ តាមអ៊ីនធើណិតជាមួយលោកម៉ម ប៊ុនហេង រដ្ឋមន្រ្តីក្រសួងសុខាភិបាលនៃកម្ពុជាដើម្បីធ្វើបច្ចុប្បន្នភាពព័ត៌មាននិងចែករំលែកបទពិសោធន៍ក្នុងការការពារនិងត្រួតពិនិត្យ និងបទពិសោធនូវការប្រយុទ្ធប្រឆាំងនឹងជំងឺនេះ ដែលមានបំណងចង់សហការនិងគាំទ្រដល់កម្ពុជាក្នុងការអនុវត្តប្រកបដោយប្រសិទ្ធភាពរុញនិងទប់ស្កាត់ការរីករាលដាល។
លោកសាស្ត្រាចារ្យ Nguyen Thanh Long មានប្រសាសន៍ថា ដើម្បីជួយទ្រទ្រង់មណ្ឌល ព្យាបាលនៅកម្ពុជា ក្រសួងសុខាភិបាលវៀតណមវៀតណាមត្រៀមខ្លួនជាស្រេចនឹងបញ្ជូនគ្រូពេទ្យនិងអ្នកជំនាញមកប្រទេសកម្ពុជា ដើម្បីពិភាក្សានិងជួយគាំទ្រការព្យាបាលអ្នកជំងឺកូវីដ ១៩ ប្រកបដោយប្រសិទ្ធភាពបំផុត ប្រសិនបើមានសំណើណាមួយពីប្រទេសរបស់អ្នក។
តាមប្រសាសន៍របស់លោករដ្ឋមន្រ្តី Nguyen Thanh Long ក្នុងបរិបទនៃការរាតត្បាតដ៏ ស្មុគស្មាញ ការផ្គត់ផ្គង់សម្ភារៈវេជ្ជសាស្រ្តនិងឧបករណ៍ពេទ្យសម្រាប់ការពារនិងទប់ស្កាត់កជំងឺរាតត្បាតគឺមានភាពចាំបាច់និងបន្ទាន់សម្រាប់ប្រទេសកម្ពុជាសព្វថ្ងៃ។
ផ្អែកលើមូលដ្ឋាននោះនាយករដ្ឋមន្រ្តីវៀតណាមបានកៀរគរធនធានរបស់រដ្ឋនិងប្រជាជន ដើម្បីជួយដល់ប្រទេសកម្ពុជា ក្នុងនោះរួមមានម៉ាស៊ីនជំនួយដកដង្ហើមចំនួន ៨០០ គ្រឿងម៉ាស់វេជ្ជសាស្ត្រចំនួន ២ លាន ម៉ាស់ N95 ចំនួន ៣០០០០០ និងឧបករណ៍វេជ្ជសាស្ត្រផ្សេងៗទៀត។ /
vietnam plus
មតិពីមិត្តអ្នកអាន