បញ្ជាការដ្ឋានកងទ័ពការពារព្រំដែនខេត្ត Dak Nong ជួយគាំទ្រកងកម្លាំងការពារព្រំដែនខេត្តមណ្ឌលគីរីប្រឆាំងនឹងជំងឺកូវីដ១៩ (COVID 19)

22:10 2020/12/25

នាថ្ងៃទី ២២ ខែធ្នូ នៅច្រកទ្វាព្រំដែន Bu Prang (ខេត្ត Dak Nong នៃប្រទេសវៀតណាម) បញ្ជាការដ្ឋានកងទ័ពការពារព្រំដែនខេត្ត Dak Nong បានរៀបចំពិធីប្រគល់គ្រឿងឧបភោគបរិភោគ និងសំភារៈបរិក្ខារពេទ្យសម្រាប់ការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 ដល់កងកម្លាំងការពារព្រំដែនខេត្តមណ្ឌលគីរី។

បញ្ជាការដ្ឋានកងទ័ពការពារព្រំដែនខេត្ត Dak Nong ជួយគាំទ្រកងកម្លាំងការពារព្រំដែនខេត្តមណ្ឌលគីរីប្រឆាំងនឹងជំងឺកូវីដ១៩ (COVID 19)
តំណាងបញ្ជាការដ្ឋានកងទ័ពការពារព្រំដែនខេត្ត Dak Nong ប្រគល់គ្រឿងឧបភោគបរិភោគ និងសំភារៈបរិក្ខារពេទ្យសម្រាប់ការបង្ការ និងប្រយុទ្ធប្រឆាំងនឹងជំងឺរាតត្បាត Covid-19 ដល់កងកម្លាំងការពារព្រំដែនខេត្តមណ្ឌលគីរី (រូបថត៖ bienphong.com.vn)

ពិធីប្រគល់គ្រឿងឧបភោគបរិភោគ និងសំភារៈបរិក្ខារពេទ្យដែលកងទ័ពការពារព្រំដែនខេត្ត Dak Nong ជួយគាំទ្រដល់កងកម្លាំងការពារព្រំដែនខេត្តមណ្ឌលគីរី រួមមានម៉ាស់ចំនួន ១០០ ប្រអប់ ទឹកលាងដៃសម្លាប់មេរោគចំនួន ១០០ ដប អង្ករ និងគ្រឿងឧបភោគបរិភោគចំនួន ៥ តោន ដែលមានតំលៃសរុបជាង ១០០ លានដុង។

ថ្លែងនៅក្នុងពិធីនេះ លោកវរសេនីយ៍ឯក Nguyen Van Lu មេបញ្ជាការកងទ័ពការពារព្រំដែនខេត្ត Dak Nong បានមានប្រសាសន៍ថា “ប្រឈមនឹងការវិវឌ្ឍដ៏ស្មុគស្មាញនៃជំងឺរាតត្បាត Covid-19 ដោយស្មារតីភាពជាអ្នកជិតខាងល្អ មិត្តភាពជាប្រពៃណី និងប្រកៀកស្មាគ្នាជាប្រចាំក្នុងគ្រប់កាលៈទេសៈទាំងអស់ កងទ័ពការពារព្រំដែនខេត្ត Dak Nong បានគាំទ្រសំភារៈបរិក្ខារពេទ្យ និងគ្រឿងឧបភោគបរិភោគដល់កងកម្លាំងការពារព្រំដែនខេត្តមណ្ឌលគីរី។ យើងសង្ឃឹមថា អំណោយទាំងនេះនឹងចូលរួមចំណែកជួយកងកម្លាំងការពារព្រំដែនខេត្តមណ្ឌលគីរីកាត់បន្ថយការលំបាក សម្របសម្រួលបានល្អក្នុងការបង្ការនិងប្រយុទ្ធប្រឆាំងនឹងជំងឺរាតត្បាត Covid-19 ក៏ដូចជាការផ្លាស់ប្តូរព័ត៌មាន បង្កើនការយាមល្បាត ត្រួតពិនិត្យ និងការពារព្រំដែន”។

ជំនួសមុខកងកម្លាំងការពារព្រំដែនខេត្តមណ្ឌលគីរី លោកឧត្តមសេនីយ៍ត្រី On Bunny Rut ស្នងការរងនៃស្នងការដ្ឋាននគរបាលខេត្តមណ្ឌលគីរី បានថ្លែងអំណរគុណចំពោះមនោសញ្ចេតនា ការយកចិត្តទុកដាក់ និងជំនួយដ៏មានតម្លៃនិងជាក់ស្តែងពីបញ្ជាការដ្ឋានកងទ័ពការពារព្រំដែនខេត្ត Dak Nong  សម្រាប់កងកម្លាំងការពារព្រំដែនខេត្តមណ្ឌលគីរីក្នុងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19។ លោកក៏បានបញ្ជាក់ថា អំណោយទាំងនេះមិនត្រឹមតែជាការជួយឧបត្ថម្ភជាសម្ភារៈប៉ុណ្ណោះទេ ថែមទាំងជាការលើកទឹកចិត្តដ៏ធំធេងទៀតផងក្នុងការជួយដល់កងកម្លាំងការពារព្រំដែនខេត្តមណ្ឌលគីរី អនុវត្តបានល្អក្នុងការបង្ការ និងប្រយុទ្ធប្រឆាំងនឹងជំងឺរាតត្បាត Covid-19៕

(យោងតាមកាសែតកងទ័ពប្រជាជន)
;

ព័ត៌មានទាក់ទិនផ្សេងៗ:

មតិយោបល់របស់មិត្តអ្នកអាន
ឈ្មោះ :
អ៊ីមែល :
យោបល់របស់លោកអ្នក:
   
 
 
 
 
   
Mobile
TieuDe
លេខកូដសុវត្ថិភាព:  
ផ្ញើ
  Hiển thị    kết quả / trang
Không tìm thấy bản ghi nào
ព័ត៌មាន​អាន​ច្រើន​ជាង​គេ៖
Scroll