ពិធីបុណ្យចូលឆ្នាំប្រពៃណីខ្មែរខាងមុខនេះនឹងមានការកកស្ទះ (ឆ្លងស្រឡាង) ដូច្នេះ សម្ដេចតេជោ ហ៊ុន សែន នឹងរកពេលវេលាសមស្របណាមួយ ដើម្បីដាក់សម្ពោធឲ្យប្រើប្រាស់ជាផ្លូវការ នូវស្ពានមិត្តភាពកម្ពុជា-ចិន ស្ទឹងត្រង់-ក្រូចឆ្មារ។
 |
ស្ពានស្ទឹងត្រង់-ក្រូចឆ្មារ ដែលត្រូវបានដាក់ឱ្យដំណើរការបណ្ដោះអាសន្ននៅថ្ងៃនេះ។ (រូបថត រ៉ាហ៊ីម) |
ស្ពានស្ទឹងត្រង់-ក្រូចឆ្មារ ស្ថិតនៅត្រង់ចំណុចភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ឆ្លងកាត់ទន្លេមេគង្គទៅត្រើយខាងកើតស្ថិតនៅភូមិក្តុលលើ ឃុំទ្រា ស្រុកក្រូចឆ្មារ ខេត្តត្បូងឃ្មុំ។ ស្ពាននេះមានប្រវែងសរុប ១ ១៣១ ម៉ែត្រ និងទទឹង ១៣,៥០ ម៉ែត្រ ជាប្រភេទស្ពានបេតុងអាមេ ដែលត្រូវបានបើកការដ្ឋានសាងសង់កាលពីថ្ងៃទី ១ខែ ធ្នូ ឆ្នាំ ២០១៧។
ស្ពាននេះនឹងចូលរួមចំណែកយ៉ាងសំខាន់ ដើម្បីតភ្ជាប់ទំនាក់ទំនងការដឹកជញ្ជូន និងការធ្វើដំណើ របស់ប្រជាពលរដ្ឋនៅខេត្តកំពង់ចាម និងខេត្តត្បូងឃ្មុំដែលរស់នៅយ៉ាងច្រើនកុះករ នៅត្រើយខាងកើត និងត្រើយខាងលិចទន្លេមេគង្គឲ្យបានងាយស្រួល និងឆាប់រហ័ស ។
លោកថា ស៊ុន ចាន់ថុល ទេសរដ្ឋមន្ដ្រី រដ្ឋមន្ដ្រីក្រសួងសាធារណការ និងដឹកញ្ជូន ស្ពានមិត្តភាព កម្ពុជា-ចិន ស្ទឹងត្រង់-ក្រូចឆ្មារ មានគុណភាពយ៉ាងល្អ ហើយសាងសង់មុនការ គ្រោងទុក។ លោកថា សារឡាងឆ្លងពីស្ទឹងត្រង់-ក្រូចឆ្មារ នឹងបង្វែលទៅខេត្តកំពង់ឆ្នាំងវិញ ដើម្បីឆ្លងពីទី រួមខេត្ត ទៅស្រុកកំពង់លែង។
លោករដ្ឋមន្ដ្រី ក៏បានបញ្ជាក់ទៀតថា «រង់ចាំពេលវេលាសមស្របដែលសម្ដេចអគ្គមហាសេនាបតីតេជោ ហ៊ុន សែននឹងអញ្ជើញបើកសម្ពោធដាក់ឲ្យប្រើប្រាស់ជាផ្លូវការនូវស្ពាននេះ (ស្ពានស្ទឹងត្រង់-ក្រូចឆ្មារ) នឹងបើកការដ្ឋានសាងសង់ផ្លូវ៧១C ដែលតភ្ជាប់ពីស្ពានមិត្តភាព កម្ពុជា-ចិន ស្ទឹងត្រង់-ក្រូចឆ្មារ ទៅចំ នឹងផ្លូវជាតិលេខ៧ របស់យើង»៕
មតិពីមិត្តអ្នកអាន