ខេត្ត Dak Nong៖ ជំរុញការអភិវឌ្ឍហេដ្ឋារចនាសម្ព័ន្ធសម្រាប់ទីផ្សារព្រំដែន

ខេត្ត Dak Nong ពង្រឹងកិច្ចសហប្រតិបត្តិការតាមតំបន់ព្រំដែនជាមួយខេត្តមណ្ឌលគីរីនៃប្រទេសកម្ពុជា

ទីផ្សារព្រំដែនគំរូវៀតណាម - កម្ពុជារួមចំណែកជំរុញពាណិជ្ជកម្មទ្វេភាគី

ខេត្ត Dak Nong មានខ្សែព្រំដែនមានប្រវែងប្រហែល ១៤១ គីឡូម៉ែត្រដែលជាប់នឹងខេត្តមណ្ឌលគីរីនៃព្រះរាជាណាចក្រកម្ពុជា។ ប៉ុន្មានឆ្នាំមកនេះ ស្ថានភាពសន្តិសុខ សណ្តាប់ធ្នាប់និងសុវត្ថិភាពសង្គម នៅតាមតំបន់ព្រំដែនតែងតែរក្សាដែលរួមចំណែកដល់ការជំរុញទំនាក់ទំនងមិត្តភាពនិងកិច្ចសហប្រតិបត្តិការរវាងប្រទេសទាំងពីរជាទូទៅនិងរវាងខេត្ត Dak Nong និងខេត្តមណ្ឌលគីរីជាពិសេស។

មន្ទីរឧស្សាហកម្មនិងពាណិជ្ជកម្មខេត្តបានប្តេជ្ញាចិត្តវិនិយោគក្នុងការធ្វើឱ្យប្រសើរឡើងនូវទីផ្សារ Đak Wil ដើម្បីឆ្លើយតបនឹងស្តង់ដារទីផ្សារជាប់ចំណាត់ថ្នាក់ទី ៣

ទន្ទឹមនឹងការកសាងនិងពង្រឹងប្រព័ន្ធនយោបាយមូលដ្ឋាន ស្ថាប័ននានារបស់ខេត្ត Dak Nong បានយកចិត្តទុកដាក់លើការអភិវឌ្ឍសេដ្ឋកិច្ច វប្បធម៌ សង្គមនិងលើកកម្ពស់ជីវភាពសម្ភារៈនិងស្មារតីរបស់ប្រជាជនរស់នៅក្នុងតំបន់ព្រំដែន។ រួមទាំងការកែលម្អហេដ្ឋារចនាសម្ព័ន្ធសម្រាប់ប្រព័ន្ធផ្សារព្រំដែន។ ពីទីនោះ បង្កើតលក្ខខណ្ឌអំណោយផលសម្រាប់សកម្មភាពអភិវឌ្ឍពាណិជ្ជកម្មឆ្លងកាត់ព្រំដែនដែលជាការចូល​រួមចំណែកយ៉ាងសំខាន់ក្នុងការអភិវឌ្ឍខេត្តទាំងមូល។

ដូច្នេះដើម្បីបង្កើតលក្ខខណ្ឌអំណោយផលឆ្លើយតបនឹងតម្រូវការរបស់ប្រជាជនក្នុងការទិញលក់និងផ្លាស់ប្តូរទំនិញ នៅឃុំ Thuan Hanh និងតម្រូវការរបស់ប្រជាជន ក្នុងការផ្លាស់ប្តូរទំនិញរវាងប្រជាជន​រស់នៅតំបន់ព្រំដែននៃប្រទេសទាំងពីរ លើកកម្ពស់ស្មារតីរួសរាយរាក់ទាក់និងស្មារតីមនុស្សធម៌របស់បក្សនិងរដ្ឋដែលឆ្លើយតបនឹងតម្រូវការសហប្រតិបត្តិការរវាងខេត្ត Dak Nong (ប្រទេសវៀតណាម) និងខេត្តមណ្ឌលគីរី (នៃព្រះរាជាណាចក្រកម្ពុជា) ការវិនិយោគក្នុងការកសាងផ្សារព្រំដែននៅឃុំ Thuan Hanh ស្រុក Dak Song ខេត្ត Dak Nong គឺចាំបាច់។

ទន្ទឹមនឹងនោះទីផ្សារ Dak Wil ក្នុងឃុំជាប់ព្រំដែន ស្រុក Cu Jut ដែលបានវិនិយោគ នៅឆ្នាំ ២០០៦ ដោយមានដើមទុនមកពីកម្មវិធី ១៣៥ ប៉ុន្តែនៅបច្ចុប្បន្ននេះ ហេដ្ឋារចនាសម្ព័ន្ធត្រូវបានខូចខាតដែលត្រូវការកែលម្អ។ ដូច្នេះ មន្ទីរឧស្សាហកម្មនិងពាណិជ្ជកម្មក៏បានប្តេជ្ញាថា នឹងវិនិយោគក្នុងការធ្វើឱ្យប្រសើរឡើងទីផ្សារដើម្បីឆ្លើយតបនឹងស្តង់ដារទីផ្សារជាប់ចំណាត់ថ្នាក់ទី ៣ ប្រកបដោយពេញលេញ តាមការកំណត់។

ក្នុងប៉ុន្មានឆ្នាំថ្មីៗនេះ វិស័យឧស្សាហកម្មនិងពាណិជ្ជកម្មខេត្ត Dak Nong ទទួលបានជោគជ័យ។ ជាពិសេស ឧស្សាហកម្មជនបទនៅខេត្ត មានការរីកចម្រើន ដោយសារការជំរុញឧស្សាហកម្មឬការអភិវឌ្ឍឧស្សាហកម្ម Alumin ដែល​ជំរុញការបង្កើតជាតំបន់ឧស្សាហកម្មនិងមណ្ឌលឧស្សាហកម្ម។ ទោះយ៉ាងណា វិស័យឧស្សាហកម្មនិងពាណិជ្ជកម្មខេត្ត Dak Nong ជាពិសេសហេដ្ឋារចនាសម្ព័ន្ធពាណិជ្ជកម្មនៅតែខ្សោយ។ ដូច្នេះការដែលវិស័យឧស្សាហកម្មនិងពាណិជ្ជកម្មបានស្នើថ្នាក់ដឹកនាំក្នុងតំបន់ ដើម្បីមានដំណោះស្រាយនូវការអភិវឌ្ឍហេដ្ឋារចនាសម្ព័ន្ធពាណិជ្ជកម្មតាមព្រំដែនដែលត្រូវបានគេរំពឹងថា នឹងជួយសម្រួលដល់សកម្មភាពនាំចូលនិងនាំចេញ ហើយចូលរួមចំណែកបន្ថែមទៀតដល់ការអភិវឌ្ឍសេដ្ឋកិច្ចក្នុងខេត្ត./.

ឌីណា

congthuong.vn