យុគសម័យ - នារសៀលថ្ងៃទី៩កក្កដា នៅទីក្រុងហាណូយ សម្ព័ន្ធសមាគមបណ្តាអង្គការមិត្តភាពវៀតណាម (VUFO) និងគណៈកម្មការកិច្ចការបរទេសរបស់រដ្ឋសភា បានចុះហត្ថលេខាលើ “កម្មវិធីសហប្រតិបត្តិការរវាងអចិន្ត្រៃយ៍គណៈកម្មការកិច្ចការបរទេសរបស់រដ្ឋសភានិងគណៈប្រតិបត្តិការនៃគណៈអធិបតី សម្ព័ន្ធសមាគមមិត្តភាពដំណាក់កាល២០១៨-២០២១”។
ប្រធានគណៈកម្មការឃោសនាមជ្ឈឹម ប្រធានសមាគមមិត្តភាពវៀតណាម-គុយបា លោកស្រី Truong Thi Mai រួមជាមួយអនុប្រធាន VUFO លោក Don Tuan Phong ទទួលជួបជាមួយគណៈប្រតិភូជាន់ខ្ពស់រដ្ឋសភា រដ្ឋអំណាចប្រជាជនគុយបា
កម្មវិធីនេះគឺសំដៅបង្កើនកិច្ចសហប្រតិបត្តិការរវាងអចិន្ត្រៃយ៍គណៈកម្មការកិច្ចការបរទេសរបស់រដ្ឋសភានិងគណៈអចិន្ត្រៃយ៍ គណៈអធិបតីសម្ព័ន្ធសមាគមមិត្តភាពវៀតណាម។ តាមនោះ លើកកំពស់ប្រសិទ្ធិភាព សកម្មភាពកិច្ចការបរទេសរបស់ស្ថាប័ននីមួយៗ រួមចំណែកពង្រីកកម្លាំងពលំរបស់ផ្នែកការទូតសភានិងកិច្ចការបរទេសប្រជាជន រួមវិភាគទានក្នុងការអនុវត្តប្រកបដោយជោគជ័យ គោលមាគ៌ាកិច្ចការបរទេសរបស់បក្សនិងរដ្ឋ។
ទំនាក់ទំនងសហប្រតិបត្តិការរវាងអចិន្ត្រៃយ៍ គណៈកម្មការកិច្ចការបរទេសរដ្ឋសភានិង VUFO គឺគោរពតាមការកំណត់របស់ច្បាប់ សមស្របនឹងមុខងា ភារកិច្ចរបស់ភាគីទាំងពីរ ឈរលើគោលការណ៍ម្ចាស់ការ ជួយគ្នាទៅវិញទៅមកដើម្បីបំពេញល្អភារកិច្ចកិច្ចការបរទេស។
ពិធីចុះហត្ថលេខានេះនឹងកត់សម្គាល់នូវការចាប់ផ្តើមថ្មីសម្រាប់កិច្ចសហការយ៉ាងជិតស្និទ្ធរវាង VUFO ជាមួយគណៈកម្មការកិច្ចការបរទេសរបស់រដ្ឋសភាក្នុងដំណាក់កាលថ្មី ក្នុងនោះផ្តោតសំខាន់លើខ្លឹមសារមួយចំនួន ដូចជាផ្លាស់ប្តូរព័ត៌មាន លទ្ធផលនៃការស្រាវជ្រាវ រួមសហការអនុវត្តន៍រាល់សកម្មភាពកិច្ចការបរទេសឲ្យសមស្របរវាងក្រុមសមាជិកសភានានារបស់រដ្ឋសភា៕
（ដោយ ស្រីព្រេជ）
មតិពីមិត្តអ្នកអាន