ជោគជ័យនៃមហាសន្និបាតលើកទី ១៣ របស់បក្សកុម្មុយនិស្ត វៀតណាម មិនត្រឹមតែជាព្រឹត្តិការណ៍ប្រវត្តិសាស្ត្ររបស់ប្រទេសជាតិប៉ុណ្ណោះទេ ថែមទាំងជាព្រឹត្តិការណ៍មួយទាក់ទាញចំណាប់អារម្មណ៍និងការតាមដានយ៉ាងយកចិត្តទុកដាក់ពីសំណាក់ប្រជាជននៅក្នុងប្រទេសនិងអាណិកជននៅឯបរទេសទៀតផង ដែរ។
ប្រតិភូបានបោះឆ្នោតនិងអនុម័តលើសេចក្តីសម្រេចចិត្តនៃមហាសន្និបាតលើកទី ១៣ របស់បក្សកុម្មុយនិស្តវៀតណាម
លោក Luu Cong Niem ប្រធានសមាគមអតីតយុទ្ធជនវៀតណាមនៅរុស្ស៊ីបានឲ្យដឹងថា ប្រជាអាណិកជនមានការសប្បាយចិត្តយ៉ាងខ្លាំងនៅពេលដែលមហាសន្និបាតបានដាក់ចេញគោលមាគ៌ានិងដំណោះស្រាយ ជ្រើសរើសកម្មាភិបាលដែលមានគុណធម៌និងទេពកោសល្យគ្រប់គ្រាន់ដើម្បីដឹកនាំប្រទេសបន្តអភិវឌ្ឍន៍។
“មហាសន្និបាតលើកនេះទទួលបានជោគជ័យយ៉ាងត្រចះត្រចង់ ហើយជ្រើសតាំងបានកម្មាភិបាលដែលជាមនុស្សមានបទពិសោធន៍ ជាពិសេសមានទាំងកម្មាភិបាលវ័យក្មេងទៀតផង។ យើងខ្ញុំសង្ឃឹមថា ជាមួយ នឹងគណៈកម្មាធិការមជ្ឈិមដូចបច្ចុប្បន្ននេះ នឹងដឹកនាំប្រទេសឱ្យបន្តអភិវឌ្ឍន៍និងធ្វើសមាហរណកម្មអន្តរជាតិ។ យើងខ្ញុំឃើញថា ប្រទេសជាតិក្នុងប៉ុន្មានឆ្នាំថ្មីៗនេះ ទាំងការអនុវត្តសេដ្ឋកិច្ចនិងការបង្ការទប់ស្កាត់ជំងឺរាតត្បាត គឺទទួលបានជោគជ័យល្អណាស់។ យើងខ្ញុំជឿជាក់ទាំងស្រុងលើគោលដៅដែលបានដាក់ចេញនៅក្នុងមហាសន្និបាត ក្រោមការដឹកនាំដ៏ឈ្លាសវៃរបស់គណៈកម្មាធិការថ្មី ប្រាកដជានឹងត្រូវបានអនុវត្តនិងអភិវឌ្ឍ កាន់តែជោគជ័យ”៕
（ប្រភពព័ត៌មាន: vovworld.vn）
មតិពីមិត្តអ្នកអាន