យុគសម័យ - ជំងឺរាតត្បាត COVID-19 ធ្វើឲ្យ និស្សិតអន្តរជាតិមិនអាច វិលត្រឡប់មកផ្ទះវិញ ក្នុងឱកាសឈប់សម្រាកបុណ្យតេត។ ប៉ុន្តែនេះគឺជាឱកាសមួយសម្រាប់ពួកគេទទួលបានបរិយាកាសនៃការអបអរសាទរបុណ្យចូលឆ្នាំថ្មីប្រពៃណីវៀតណាម ដែលមានប្រការថ្មីៗនិងគួរឱ្យរំភើបជាច្រើន។
លោកស្រី Le Thi Mai Han - មន្ត្រីធ្វើការនៅនាយកដ្ឋានទំនាក់ទំនងបរទេសនៃសាកលវិទ្យាល័យ Nha Trang បាននិយាយឲ្យដឹងថា បច្ចុប្បន្ន សាលានេះមាននិស្សិតបរទេសចំនួន ៣៣ នាក់ ក្នុងនោះមាន និស្សិតឡាវចំនួន ៣០ នាក់ និស្សិត Vanuatuចំនួន ២ នាក់និងនិស្សិត Haiti ចំនួន ១ នាក់។ ក្នុងរយៈពេលច្រើនឆ្នាំកន្លងមក សាលាតែងតែរៀបចំពិធីជួបសំណេះសំណាលចុងឆ្នាំសម្រាប់និស្សិតបរទេសនិងគ្រូប្រៀនបរទេស។ ទោះយ៉ាងណា ឆ្នាំនេះសាលានឹងរៀបចំពិធីជួបសំណេះសំណាលជាមួយនិស្សិតបរទេសនិងនិស្សិតវៀតណាមដែលមិនអាចវិលត្រឡប់ទៅផ្ទះវិញ ដើម្បីអបអរសាទរបុណ្យតេត។ ពិធីនេះនឹងបានគេរំពឹងថានឹងប្រព្រឹត្តទៅនៅថ្ងៃទី ២៤ កើត ខែកត្តិក រួមមានសកម្មភាពជាច្រើន ដូចជាការសម្តែងសិល្បៈ ការប្រគល់អំណោយ ...
និស្សិតឡាវកំពុងសិក្សានៅសាកលវិទ្យាល័យ Nha Trang ។ (រូបថត៖ កាសែត Khanh Hoa)
សាលានាយទាហាកងទ័ពអាកាសមានសិក្ខាកាមបរទេសចំនួន ៤១ នាក់ ដែលកំពុងសិក្សាក្នុងឆ្នាំទី ១ និងទី ៣ (សិក្ខាកាមឡាវចំនួន ១២ នាក់ សិក្ខាកាមកម្ពុជា ២៩ នាក់) ។ សាលានាយទាហាព័ត៌មានមាននិស្សិតឡាវចំនួន ១៩ នាក់ សិក្ខាកាមកម្ពុជាចំនួន ៤៦ នាក់។ វិទ្យាស្ថានកងទ័ពជើងទឹក មានសិក្ខាកាមជិត ៨០ នាក់មកពីកងទ័ពជើងទឹកនៃកងយោធពលខេមរភូមិន្ទកម្ពុជា នឹងស្នាក់នៅ និងអបអរសាទរបុណ្យតេតនៅអង្គភាព។ លោកវរសេនីយ៍ទោ Do Trong Sang -អ្នកនយោបាយ នៃកងវរសេនាតូចអន្តរជាតិនៃសាលានាយទាហានកងទ័ពអាកាសបាននិយាយថា ៖នេះជាឆ្នាំដំបូងដែលសិក្ខាកាមបរទេសស្នាក់នៅនិងអបអរពិធីបុណ្យចូលឆ្នាំថ្មីប្រពៃណីវៀតណាម ដូច្នេះអង្គភាពបានបង្កើតផែនការរៀបចំសកម្មភាពរីករាយឆ្នាំថ្មីសម្រាប់សិក្ខកាមបរទេស។
សិក្ខកាមនិងថ្នាក់ដឹកនាំនៃកងវរសេនាតូចអន្តរជាតិរបស់សាលានាយទាហាកងទ័ពអាកាសបានតុបតែង ដើម្បីអបអរសាទរ បុណ្យចូលឆ្នាំវៀតណាម នៅអង្គភាព។ (រូបថត៖ កាសែត Khanh Hoa)
មុនបុណ្យតេត អង្គភាពនឹងរៀបចំ ការផ្លាស់ប្តូរ កីឡា ជាមួយ សាលានាយទាហាព័ត៌មាន វិទ្យាស្ថានកងទ័ពជើងទឹក ក្នុងរាត្រីឆ្លងឆ្នាំ អង្គភាពនឹងរៀបចំសកម្មភាពរើសផ្កាតាមបែបប្រជាធិបតេយ្យ (ស្វែងយល់នូវទំនៀមទម្លាប់របស់ប្រជាជនវៀតណាមក្នុងឱកាសបុណ្យតេត) ការផ្លាស់ប្តូរវប្បធម៌សិល្បៈនិងចួលរួមក្នុងពិធីបុណ្យឆ្លងឆ្នាំ។ ក្នុងបណ្តាថ្ងៃឈប់សម្រាកក្នុងបុណ្យតេត ដោយផ្អែកទៅលើល័ក្ខខ័ណ្ឌជាក់ស្តែង សិក្ខាកាមនឹងទៅទស្សនាកងវរសេនាធំហោះហើរ របស់សាលានាយទាហានៃកងទ័ពអាកាស, កន្លែងទេសភាពនិងកន្លែងទេសចរណ៍មួយចំនួននៅ Nha Trang - ខេត្ត Khanh Hoa។
លើសពីនេះទៀត សម្ព័ន្ធអង្គការមិត្តភាព ខេត្ត Khanh Hoa នឹងសម្របសម្រួលជាមួយសមាគមន៍នៃសហព័ន្ធនារីទីក្រុង Nha Trang រៀបចំពិធីវេចខ្ចប់និងការចំអិននំអន្សំលើកទី ១២ក្រោមប្រធានបទ“ នំអន្សំតភ្ជាប់សេចក្ដីស្រឡាញ់” និងការផ្លាស់ប្តូរវប្បធម៌តេតប្រពៃណីសម្រាប់និស្សិតនារីបរទេសនិងសមាជិកនៃសហព័ន្ធនារីក្រុង។ សកម្មភាពត្រូវបានគ្រោងធ្វើ ឡើង នៅថ្ងៃទី ២៥ កើត ខែកក្តិក ដើម្បីបង្កើតលក្ខខណ្ឌអំណោយផលដល់មន្រ្តី និងសមាជិកនៃសហព័ន្ធនារីក្រុង ចូលរួមក្នុងការ ផ្លាស់ប្តូរវប្បធម៌និងសិល្បៈនិងផ្សព្វផ្សាយវប្បធម៌ប្រពៃណីបុណ្យតេតដល់មិត្តអន្តរជាតិ./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន