យុគសម័យ- លោកនាយករដ្ឋមន្រ្តី Nguyen Xuan Phuc បានជួបពិភាក្សាការងារ ជាមួយ សម្តេច តេជោហ៊ុន សែន នាយករដ្ឋនៃព្រះរាជាណាចក្រកម្ពុជា តាមរយ:ប្រព័ន្ធវីដេអូ នៅថ្ងៃទី ២៤ ខែវិច្ឆិកា។
លោកនាយករដ្ឋមន្រ្តី Nguyen Xuan Phuc បានជួបពិភាក្សាការងារ ជាមួយ សម្តេច តេជោហ៊ុន សែន នាយករដ្ឋនៃព្រះរាជាណាចក្រកម្ពុជា តាមរយ:ប្រព័ន្ធវីដេអូ។ (រូបថត៖ VNA)
នៅក្នុងជំនួបនេះសម្តេច តេជោ ហ៊ុន សែនបានអបអរសាទរចំពោះសមិទ្ធិផលក្នុងស្រុកនិងកិច្ចការបរទេសដែលប្រទេសវៀតណាមទទួលបាន ក្នុងរយៈពេលកន្លងមកនេះ ជាពិសេសការរៀបចំប្រកបដោយជោគជ័យនៃកិច្ចប្រជុំកំពូលអាស៊ានលើកទី ៣៧ និងកិច្ចប្រជុំជាន់ខ្ពស់ពាក់ព័ន្ធផ្សេងៗ ទៀត។ វៀតណាម មានគំនិតផ្តួចផ្តើមជាច្រើនដែលចូលរួមចំណែកក្នុងការកសាងសហគមន៍អាស៊ានមួយដែលមានសាមគ្គីភាពនិងរឹងមាំ។ សម្តេច តេជោ ហ៊ុន សែនអះអាងថា កម្ពុជានឹងសហការជាមួយវៀតណាម ក្នុងនាមជាសមាជិកអាស៊ាននិងបន្តគាំទ្រវៀតណាមក្នុងនាមជាសមាជិកមិនអចិន្រ្តៃយ៍នៃក្រុមប្រឹក្សាសន្តិសុខរបស់អង្គការសហប្រជាជាតិសម្រាប់ អាណត្តិ ២០២០-២០២១ ហើយទន្ទឹមនឹងនោះសម្តេច តេជោ ហ៊ុន សែន ក៏បានសំដែងការជឿជាក់ថា វៀតណាមនឹងបន្តគ្រប់គ្រងឲ្យបានល្អជំងឺរាតត្បាត និងស្ដារឡើងវិញសេដ្ឋកិច្ច - សង្គម នាពេល ឆាប់ៗនេះ ហើយរៀបចំមហាសន្និបាតលើកទី១៣ គណៈកម្មាធិការមជ្ឈិមបក្ស ប្រកបដោយជោគជ័យ។
លោកនាយករដ្ឋមន្រ្តី Nguyen Xuan Phuc បានជួបពិភាក្សាការងារ ជាមួយ សម្តេច តេជោហ៊ុន សែន នាយករដ្ឋនៃព្រះរាជាណាចក្រកម្ពុជា តាមរយ:ប្រព័ន្ធវីដេអូ។ (រូបថត៖ VNA)
លោកនាយករដ្ឋមន្រ្តី Nguyen Xuan Phuc បានថ្លែងអំណរគុណចំពោះសម្តេច តេជោ ហ៊ុន សែនដែលបានផ្ញើលិខិតចែករំលែកការអំពីការខូចខាតបណ្តាលមកពីទឹកជំនន់ នៅភាគកណ្តាលនៃប្រទេសវៀតណាម វាយតំលៃខ្ពស់ចំពោះភាពជោគជ័យរបស់ប្រទេសកម្ពុជាក្នុងការការពារជំងឺរាតត្បាត COVID-19 ហើយថែរក្សាស្ថេរភាពសង្គម បន្តការអភិវឌ្ឍសេដ្ឋកិច្ច។ ម៉្យាងទៀត លោកនាយករដ្ឋមន្ត្រី Nguyen Xuan Phuc សូមអរគុណប្រទេសកម្ពុជាចំពោះការសម្របសម្រួលនិងការគាំទ្រយ៉ាងជិតស្និទ្ធ ចំពោះ ប្រទេសវៀតណាម ក្នុងឆ្នាំដែលវៀតណាមធ្វើជា ប្រធានអាស៊ាន ឆ្នាំ២០២០ ។
នាយករដ្ឋមន្រ្តីទាំងពីរបានសម្តែងនូវការរីករាយចំពោះការរីកចម្រើនជាវិជ្ជមាននៃទំនាក់ទំនងមិត្តភាពជិតខាងនិងកិច្ចសហប្រតិបត្តិការគ្រប់ជ្រុងជ្រោយរវាងវៀតណាមនិងកម្ពុជា ក្នុងរយៈពេលប៉ុន្មានឆ្នាំមកនេះ។ នាយករដ្ឋមន្រ្តីទាំងពីរបានឯកភាពបន្តពង្រឹងការជឿទុកចិត្តគ្នានិងការភ្ជាប់នៃទំនាក់ទំនងគ្នាដែលនាំកិច្ចសហប្រតិបត្តិការរវាងប្រទេសទាំងពីរឱ្យមានការអភិវឌ្ឍន៍ខ្លាំងក្លានិងមាននិរន្តរភាពលើគ្រប់វិស័យ។ ប្រទេសទាំងពីរបានសម្របសម្រួល យ៉ាងជិតស្និទ្ធនៅក្នុងក្របខ័ណ្ឌអាស៊ាន ឯកភាព ណែនាំដល់ក្រសួង ស្ថាប័នពាក់ព័ន្ធ តំបន់នៃភាគីទាំងពីរឱ្យសម្របសម្រួលនិងពង្រឹងវិធានការការពារនិងទប់ស្កាត់ការរាលដាលនៃជំងឺរាតត្បាត ព្រមទាំង ដោះស្រាយឱ្យបានឆាប់នូវបញ្ហាដែលកើតឡើងក្នុងស្មារតីមិត្តភាពនិងកិច្ចសហប្រតិបត្តិការ។ បន្តរក្សាបាននូវការធ្វើពាណិជ្ជកម្មតាមតំបន់ព្រំដែនប្រកបដោយធម្មតានិងការខិតខំដើម្បីបង្កើនទំហំពាណិជ្ជកម្មទ្វេភាគី ពង្រឹងកិច្ចសហប្រតិបត្តិការការពារជាតិ - សន្តិសុខ ធានាសន្តិសុខនិងសណ្តាប់ធ្នាប់នៅតំបន់ព្រំដែន។
ភាគីទាំងពីរបានឯកភាពចាត់តាំងស្ថាប័នមានសមត្ថភាពនៃភាគីទាំងពីរឱ្យបន្តសម្របសម្រួលនិងរៀបចំព្រឹត្តិការណ៍មួយចំនួនដែលទាក់ទងនឹងកិច្ចសហប្រតិបត្តិការនៅតំបន់ព្រំដែននាពេលខាងមុខ។ ភាគីទាំងពីរបានអះអាងថានឹងបន្តសម្របសម្រួលយ៉ាងជិតស្និទ្ធនិងប្រកបដោយប្រសិទ្ធភាពនៅក្នុងវេទិកាតំបន់និងអន្តរជាតិ ជាពិសេសនៅក្នុងអាស៊ាននិងនៅក្នុងយន្តការសហប្រតិបត្តិការអនុតំបន់។
ជំនួប តាមរយ:ប្រព័ន្ធវីដេអូ លោកនាយករដ្ឋមន្រ្តីNguyen Xuan Phuc និងសម្តេច តេជោ ហ៊ុនសែន បានធ្វើឡើងក្នុងបរិយាកាសស្និទ្ធស្នាល ដែលបង្ហាញពីស្មារតីសាមគ្គីភាព មិត្តភាព រវាងប្រទេសទាំងពីរ./.(បកប្រែដោយឌីណា)
(ប្រភពព័ត៌មាន: thoidai.com.vn)
មតិពីមិត្តអ្នកអាន