ជំរុញការផ្សព្វផ្សាយទេសចរណ៍វៀតណាមយ៉ាងខ្លាំងក្លានៅប្រទេសកាណាដា

ឯកអគ្គរដ្ឋទូត Pham Vinh Quang (ទី ៧ ពីខាងឆ្វេង) ថតរូបអនុស្សាវរីយ៍ជាមួយកម្មាភិបាល និងបុគ្គលិកនៃស្ថានទូត នៅស្តង់តាំងបង្ហាញរបស់វៀតណាមក្នុងពិព័រណ៍។

ពិព័រណ៍ទេសចរណ៍ និងវិស្សមកាលលើកទី ២៩ បានប្រព្រឹត្តទៅយ៉ាងរស់រវើកក្នុងរយៈពេលពីរថ្ងៃចុងសប្តាហ៍កន្លងទៅ ជាមួយនឹងការចូលរួមពីស្ថានទូតវៀតណាមប្រចាំនៅកាណាដា តំណាងស្ថាប័នការទូត សហគ្រាសទេសចរណ៍ ក្រុមហ៊ុនអាកាសចរណ៍ ព្រមទាំងអង្គភាពជំរុញទេសចរណ៍ក្នុងស្រុក និងអន្តរជាតិជាច្រើនទៀត។

តាមគណៈកម្មការរៀបចំ ព្រឹត្តិការណ៍ឆ្នាំនេះបានប្រមូលផ្តុំស្តង់តាំងបង្ហាញ និងផ្សព្វផ្សាយទេសចរណ៍ជាង ១៩០ ក្នុងនោះមានគោលដៅទេសចរណ៍អន្តរជាតិជាង ៦០ និងស្តង់ជាង ៤០ មកពីបណ្ដាមូលដ្ឋានរបស់កាណាដា ដូចជា Newfoundland, Quebec, Ontario និងតំបន់ដែនដីពាយព្យ។

នេះគឺជាសកម្មភាពជំរុញទេសចរណ៍ប្រចាំឆ្នាំដ៏មានវិសាលភាពធំធេងមួយ ដែលបង្កើតឱកាសឱ្យបណ្ដាគោលដៅទេសចរណ៍ ក្រុមហ៊ុនទេសចរណ៍ រមណីយដ្ឋាន ក្រុមហ៊ុននាវាចរណ៍ និងអ្នកផ្តល់សេវាកម្មទេសចរណ៍ បានជួបប្រាស្រ័យទាក់ទងដោយផ្ទាល់ជាមួយសាធារណជន។

ស្ថានទូតវៀតណាមបានចូលរួមក្នុងព្រឹត្តិការណ៍នេះ ជាមួយនឹងស្មារតីផ្សព្វផ្សាយរូបភាពប្រទេសវៀតណាមឱ្យបានទូលំទូលាយ និងខ្លាំងក្លា ក្នុងនាមជាគោលដៅទេសចរណ៍ដែលមិនអាចរំលងបានក្នុងសហស្សវត្សរ៍ថ្មី។

ជាមួយនឹងការសម្របសម្រួលពីបណ្ដាក្រុមហ៊ុនទេសចរណ៍ក្នុងស្រុក និងភ្នាក់ងារទេសចរណ៍នានា ស្តង់ផ្សព្វផ្សាយទេសចរណ៍វៀតណាមបានបង្កើតនូវចំណាប់អារម្មណ៍យ៉ាងពិសេស តាមរយៈព័ត៌មាន រចនាបថនៃការតុបតែង និងរបៀបផ្តល់ព័ត៌មានដល់ភ្ញៀវចូលទស្សនា។

លេខាទីមួយទទួលបន្ទុកការទូតសេដ្ឋកិច្ច និងវប្បធម៌ លោក Vu Quang Hiep បានឱ្យដឹងថា ការចូលរួមក្នុងពិព័រណ៍នេះ គឺដើម្បីណែនាំដល់មិត្តភក្តិអន្តរជាតិនូវផលិតផលទេសចរណ៍ថ្មីៗ ដែលមានលក្ខណៈពិសេស និងទាក់ទាញរបស់វៀតណាម តាមរយៈនោះរួមចំណែកផ្សព្វផ្សាយរូបភាពប្រទេសជាតិ និងមនុស្សវៀតណាម ព្រមទាំងបញ្ជាក់ពីឋានៈកាន់តែច្បាស់ក្រឡែតរបស់ទេសចរណ៍វៀតណាមនៅលើផែនទីទេសចរណ៍ពិភពលោក។

ដើម្បីត្រៀមលក្ខណៈសម្រាប់ពិព័រណ៍នេះ ស្ថានទូតវៀតណាម រួមជាមួយអង្គភាពក្នុងស្រុក និងសហគមន៍អាណិកជន បានវិនិយោគយ៉ាងហ្មត់ចត់លើរូបភាព វត្ថុតាំងបង្ហាញ និងឯកសារព័ត៌មានសម្រាប់ភ្ញៀវទស្សនា។ អាណិកជនជាច្រើនរូបក៏មានវត្តមានដោយផ្ទាល់នៅស្តង់តាំងបង្ហាញ ដើម្បីណែនាំផលិតផល ចែករំលែកព័ត៌មានជិតស្និទ្ធ និងជាក់ស្តែងជាមួយទីផ្សារម្ចាស់ផ្ទះ តាមរយៈនោះរួមចំណែកទាក់ទាញភ្ញៀវទេសចរកាណាដាឱ្យស្វែងយល់ និងជ្រើសរើសវៀតណាមជាគោលដៅទេសចរណ៍នាពេលខាងមុខ។

លោកស្រី Phan Quynh Trang នាយិកាក្រុមប្រឹក្សាវប្បធម៌អប់រំកាណាដា-វៀតណាម បានចែករំលែកថា សហគមន៍អាណិកជនដើរតួនាទីយ៉ាងសំខាន់ក្នុងការផ្សព្វផ្សាយទេសចរណ៍វៀតណាមទៅកាន់ពិភពលោក។ ពួកគេគឺជាទូតទេសចរណ៍ដោយធម្មជាតិ តាមរយៈបទពិសោធន៍ជាក់ស្តែងអំពីម្ហូបអាហារ ទំនៀមទម្លាប់ ទម្លាប់រស់នៅ និងរឿងរ៉ាវអំពីប្រទេសជាតិ និងមនុស្ស ដើម្បីណែនាំរូបភាពវៀតណាមដល់មិត្តភក្តិអន្តរជាតិ។

ការសម្របសម្រួលរវាងស្ថានទូត អង្គភាពក្នុងស្រុក និងសហគមន៍ជនជាតិវៀតណាមនៅកាណាដា បន្តបង្ហាញឱ្យឃើញពីតួនាទីកាន់តែច្បាស់របស់អាណិកជន ក្នុងនាមជាស្ពានចម្លងផ្សព្វផ្សាយរូបភាពជាតិ ទំនិញ និងសេវាកម្មវៀតណាមទៅក្រៅប្រទេស។

ចំណុចនេះក៏ស្របតាមស្មារតីនៃសារាចរលេខ ១១/CT-TTg ដែលបានប្រកាសកាលពីថ្ងៃទី ០៣ ខែមេសា ស្តីពីការជំរុញការងារកៀរគរប្រជាជនវៀតណាមនៅបរទេសឱ្យចូលរួមណែនាំ ប្រើប្រាស់ផលិតផល និងអភិវឌ្ឍបណ្ដាញចែកចាយទំនិញវៀតណាមនៅបរទេសក្នុងដំណាក់កាល ២០២៦-២០៣០។

ភាគីគណៈកម្មការរៀបចំពិព័រណ៍ទេសចរណ៍ និងវិស្សមកាល បានវាយតម្លៃខ្ពស់ចំពោះការចូលរួមយ៉ាងទៀងទាត់របស់វៀតណាម ក្នុងចំណោមបណ្ដាអង្គភាពតំណាងបរទេសក្នុងរយៈពេលច្រើនឆ្នាំកន្លងមកនេះ។

លោក Robert Player អ្នករៀបចំពិព័រណ៍ទេសចរណ៍ និងវិស្សមកាល បានយល់ឃើញថា វៀតណាមគឺជាគោលដៅទេសចរណ៍អន្តរជាតិមួយក្នុងចំណោមគោលដៅនានា ដែលទទួលបានការយកចិត្តទុកដាក់យ៉ាងខ្លាំងពីសំណាក់ភ្ញៀវទេសចរកាណាដា ហើយកាន់តែមានប្រជាជនកាណាដាកាន់តែច្រើនឡើងស្វែងរកមកកាន់វៀតណាម ដោយសារពួកគេចាត់ទុកថាទីនេះគឺជាគោលដៅដ៏ទាក់ទាញ តាមរយៈភាពសម្បូរបែបនៃទេសភាព វប្បធម៌ និងលទ្ធភាពទទួលបានបទពិសោធន៍ក្នុងយុទ្ធនាការធ្វើដំណើរតាំងពីភាគខាងជើងរហូតដល់ភាគខាងត្បូង។

ក្នុងបរិបទដែលពិភពលោកមានការប្រែប្រួលជាច្រើន និងនិន្នាការរបស់ប្រជាជនកាណាដាក្នុងការជ្រើសរើសដើរកម្សាន្តក្នុងស្រុក ការចូលរួមយ៉ាងសកម្មរបស់វៀតណាមបានរួមចំណែករក្សានូវវត្តមាននៃគោលដៅទេសចរណ៍អន្តរជាតិមួយដែលពោរពេញដោយភាពរស់រវើក។

ព្រឹត្តិការណ៍នេះមិនត្រឹមតែជាឱកាសសម្រាប់វៀតណាមណែនាំនូវផលិតផលទេសចរណ៍ថ្មីៗប៉ុណ្ណោះទេ ប៉ុន្តែថែមទាំងជាឱកាសក្នុងការពង្រឹងការតភ្ជាប់ជាមួយទីផ្សារម្ចាស់ផ្ទះ លើកកម្ពស់តួនាទីរបស់ស្ថាប័នតំណាង និងសហគមន៍អាណិកជនក្នុងការផ្សព្វផ្សាយរូបភាពជាតិ៕

គាំទ្រអាជីវកម្មនាំចេញរបស់ទីក្រុងហូជីមិញ ដើម្បីអភិក្រម និងពង្រីកទីផ្សារក្នុងប្រទេសកាណាដា យុគសម័យ - នាថ្ងៃទី ៩ សីហា សមាគមពាណិជ្ជករវៀតណាមកាណាដា (VCBA) និងមជ្ឈមណ្ឌលជំរុញពាណិជ្ជកម្ម និងវិនិយោគទីក្រុងហូជីមិញ (ITPC) បានបើកសម័យប្រជុំដើម្បីគាំទ្រអាជីវកម្មនាំចេញរបស់ទីក្រុងហូជីមិញ ដើម្បីបន្អភិក្រមដំណើរការ និងពង្រីកទីផ្សារនៅកាណាដា។ កិច្ចប្រជុំនេះធ្វើឡើងក្នុងទម្រង់ទល់មុខ និងតាមអ៊ីនធឺណិត។

មជ្ឈមណ្ឌលតាំងពិព័រណ៍ទំនិញវៀតណាមនឹងត្រូវបង្កើតឡើងនៅប្រទេសកាណាដា យុគសម័យ - លោក Dan On ប្រធានសមាគមពាណិជ្ជករវៀតណាម-កាណាដាបានមានប្រសាសន៍ដូច្នេះនៅក្នុងសន្និសីទ “ប្រទេសកាណាដា - ច្រកទ្វារសម្រាប់អាជីវកម្មវៀតណាមចូលទីផ្សារអាមេរិកខាងជើង” ដែលប្រព្រឹត្តទៅនាថ្ងៃទី ២២ ខែវិច្ឆិកា នៅទីក្រុងហូជីមិញ។

ហេង វុធ្ធី