យុគសម័យ - នារសៀលថ្ងៃទី ១ ខែមេសា ក្នុងសម័យប្រជុំពេញអង្គនៅសាលប្រជុំរដ្ឋសភា ប្រធានរដ្ឋវៀតណាម លោក Nguyen Phu Trong បានដាក់ជូនរដ្ឋសភាដើម្បីបញ្ចប់មុខដំណែងជានាយករដ្ឋមន្ត្រីរបស់លោក Nguyen Xuan Phuc ។
 នាយករដ្ឋមន្ត្រីវៀតណាមលោក Nguyen Xuan Phuc អញ្ជើញណែនាំនិងសម្រេចចិត្តលើយុទ្ធសាស្ត្រអភិវឌ្ឍន៍សេដ្ឋកិច្ច - សង្គម |
 នាយករដ្ឋមន្រ្តី Nguyen Xuan Phuc៖ រដ្ឋាភិបាលបានលះបង់ដើម្បីបម្រើប្រទេសជាតិនិងប្រជាជន |
 |
| នាយករដ្ឋមន្រ្តីវៀតណាមលោក Nguyen Xuan Phuc |
នារសៀលថ្ងៃទី ១ ខែមេសា ក្នុងសម័យប្រជុំពេញអង្គនៅសាលប្រជុំរដ្ឋសភា ប្រធានរដ្ឋវៀតណាម លោក Nguyen Phu Trong បានដាក់ជូនរដ្ឋសភាដើម្បីបញ្ចប់មុខដំណែងជានាយករដ្ឋមន្ត្រីរបស់លោក Nguyen Xuan Phuc ។ បន្ទាប់មកសមាជិករដ្ឋសភាពិភាក្សាគ្នាអំពីការបញ្ចប់មុខដំណែងនាយករដ្ឋមន្រ្តីផងដែរ។ នាយករដ្ឋមន្រ្តី Nguyen Xuan Phuc នឹងត្រូវបានណែនាំដើម្បីឲ្យរដ្ឋសភាជ្រើសតាំងធ្វើជាប្រធានរដ្ឋផងដែរ។
ទន្ទឹមនឹងនេះ គណៈកម្មាធិការអចិន្ត្រៃយ៍រដ្ឋសភាបានរាយការណ៍ជូនរដ្ឋសភាអំពីលទ្ធផលនៃកិច្ចពិភាក្សាទទួលយកមតិយោបល់របស់សមាជិកសភាស្ដីពីគម្រោងរៀបចំកម្មាភិបាល ដើម្បីបោះឆ្នោតជ្រើសតាំងអនុប្រធានរដ្ឋសភាមួយចំនួន។ កម្មាភិបាលដែលត្រូវបានឧទ្ទេសនាម ចូលកាន់តំណែងនេះរួមមាន លោក Tran Thanh Man - សមាជិកការិយាល័យនយោបាយ ប្រធានគណៈកម្មាធិការមជ្ឈឹមរណសិរ្សមាតុភូមិវៀតណាម លោក Nguyen Khac Dinh សមាជិកមជ្ឈឹមបក្ស លេខាគណៈកម្មាធិការបក្សខេត្ត Khanh Hoa និងលោក Nguyen Duc Hai សមាជិកមជ្ឈឹមបក្ស ប្រធានគណៈកម្មាធិការហិរញ្ញវត្ថុនិងថវិការដ្ឋសភា។
សមាជិកសភាបានធ្វើការពិភាក្សា បោះឆ្នោតអនុម័តលើបញ្ជីឈ្មោះបេក្ខជន មុនពេលបោះឆ្នោតជ្រើសតាំងអនុប្រធានរដ្ឋសភា។ លទ្ធផលនៃការរាប់សន្លឹកឆ្នោតក៏ត្រូវបានប្រកាសនៅពេលព្រឹក។
នារសៀលថ្ងៃដដែលប្រធានរដ្ឋលោក Nguyen Phu Trong ដាក់ជូនរដ្ឋសភាលើការបញ្ចប់មុខតំណែងនាយករដ្ឋមន្ត្រី ចំពោះលោក Nguyen Xuan Phuc។ នៅថ្ងៃធ្វើការនេះសមាជិកសភាបានធ្វើការពិភាក្សាអំពីរបាយការណ៍ការងារសម្រាប់អាណត្តិ ២០១៦- ២០២១ របស់ សវនកម្មរដ្ឋផងដែរ៕
Thoidai.com.vn
មតិពីមិត្តអ្នកអាន