កិច្ចការបរទេសប្រជាជននៃរដ្ឋធានីហាណូយ៖ លើកកម្ពស់រូបភាពនៃទីក្រុងហាណូយក្នុងការបង្ការប្រយុទ្ធប្រឆាំងជំងឺ Covid-19

សមាគមមិត្តភាពវៀតណាម - ចិនទីក្រុងហាណូយ (សមាជិកនៃសម្ព័ន្ធទីក្រុងហាណូយ) បាន បរិច្ចាគម៉ាសវេជ្ជសាស្រ្តជាង ១.០០០ ម៉ាសដល់ស្ថានទូតចិនប្រចាំនៅវៀតណាមសម្រាប់ប្រើប្រាស់ក្នុងការបង្ការនិងប្រយុទ្ធប្រឆាំងនឹងជំងឺរាតត្បាត។ (ប្រភព៖ thoidai)

នោះគឺជាព័ត៌មានដែលបានចែករំលែកដោយលោកស្រី Tran Thi Phuong អនុប្រធានសម្ព័ន្ធអង្គការមិត្តភាពហាណូយ (សម្ព័ន្ធទីក្រុងហាណូយ) ។

សកម្មភាពប្រកបដោយប្រសិទ្ធភាពក្នុងវិស័យបង្ការនិងទប់ស្កាត់ជំងឺរាតត្បាតក៏ត្រូវបានផ្សព្វផ្សាយនិងទទួលបានការកោតសរសើរខ្ពស់ពីមិត្តភក្តិអន្តរជាតិសម្រាប់វៀតណាម។ ដោយហេតុនេះរួមចំណែកដល់ការតភ្ជាប់ស្មារតីនូវសាមគ្គីភាពមិត្តភាពនិងទំនាក់ទំនងយ៉ាងជ្រាលជ្រៅរវាងរដ្ឋធានីហាណូយនិងរដ្ឋធានីរាជធានីនិងទីក្រុងនៃប្រទេសដទៃទៀត នឹងបង្ហាញពីរូបភាពដ៏ស្រស់ស្អាតរបស់វៀតណាមនៅក្នុងដួងចិត្តរបស់មិត្តភក្តិអន្តរជាតិ។

សកម្មភាពដែលមានអត្ថន័យនិងទាន់ពេលវេលាជាច្រើនត្រូវបានធ្វើឡើងដូចជា៖ សមាគមមិត្តភាពវៀតណាម - ចិនទីក្រុងហាណូយ (សមាជិកនៃសម្ព័ន្ធទីក្រុងហាណូយ) បាន បរិច្ចាគម៉ាសវេជ្ជសាស្រ្តជាង ១.០០០ ម៉ាសដល់ស្ថានទូតចិនប្រចាំនៅវៀតណាមសម្រាប់ប្រើប្រាស់ក្នុងការបង្ការនិងប្រយុទ្ធប្រឆាំងនឹងការរីករាលដាលនៃវីរុស Corona បានផ្ទុះឡើងដំបូងបង្អស់នៅទីក្រុង Wuhan ខេត្ត Hubei របស់ប្រទេសចិន។ ទន្ទឹមនឹងនោះសមាគមមិត្តភាពវៀតណាម - ចិននៅទីក្រុងហាណូយក៏បានគៀវគរសមាជិកនិងអង្គការសាខាដើម្បីជួយឧបត្ថម្ភមូលនិធិរបស់ទីក្រុងដើម្បីបង្ការប្រយុទ្ធប្រឆាំងនឹងជំងឺ Covid-19 ។

ភ្ញៀវអន្តរជាតិជាច្រើនមានការភ្ញាក់ផ្អើលនិងរីករាយដែលបានទទួលម៉ាសវេជ្ជសាស្រ្តដោយឥតគិតថ្លៃ។ (ប្រភព៖​ thoidai)

ឬដូចជាក្លឹបទេសចរណ៍ហាណូយ UNESCO ក៏ធ្វើបច្ចុប្បន្នភាពស្ថានភាពជំងឺជាទៀងទាត់និងអនុវត្តវិធានការណ៍បង្ការការពារដល់អង្គភាពជាសមាជិក។ ក្លឹបបានអនុវត្តកម្មវិធី "ផ្តល់ម៉ាសដោយឥតគិតថ្លៃ" នៅកន្លែងដែលមានចំនួនភ្ញៀវទេសចរច្រើនដែលមានចំនួនរហូតដល់ទៅ ១០០,០០០ ម៉ាស។ កម្មវិធីនេះមិនត្រឹមតែចូលរួមក្នុងការពង្រីកការឃោសនានិងលើកកម្ពស់ការយល់ដឹងអំពីការបង្ការប្រយុទ្ធប្រឆាំងជំងឺរាតត្បាតតែប៉ុណ្ណោះទេ ថែមទាំងធ្វើឱ្យមិត្តភក្តិអន្តរជាតិមានការចាប់អារម្មណ៍ផងដែរ ចំពោះស្មារតីសាមគ្គីភាពក្នុងការបង្ការប្រយុទ្ធប្រឆាំងជំងឺរាតត្បាតពីថ្នាក់អាជ្ញាធរដល់ប្រជាជន៕

（ប្រែសម្រូលដោយវិច្ឆិកា）

（ប្រភពព័ត៌មាន: thoidai.com.vn）

（ប្រែសម្រូលដោយវិច្ឆិកា）