យុគសម័យ - នាថ្ងៃទី ២៩ ខែធ្នូ ឆ្នាំ ២០១៩ នៅខេត្តត្បូងឃ្មុំព្រះរាជាណាចក្រកម្ពុជា សាលាទាហានទី ២ យោធភូមិភាគទី ២ នៃកងយោធពល ខេមរភូមិន្ទ បានប្រារព្ធពិធីសម្ពោធបន្ទាយទាហាន។ ប្រតិភូកម្មាភិបាលជាន់ខ្ពស់នៃយោធភូមិភាគទី ៧ ដឹកនាំដោយឧត្តមសេនីយ៍ទោ Vo Minh Luong មេបញ្ជាការយោធភូមិភាគទី ៧ អញ្ជើញចូលរួមក្នុងពិធីនេះ។
ពិធីសម្ពោធបន្ទាយទាហាននៅសាលាទាហានទី ២ នៃកងយោធពលខេមរភូមិន្ទ (រូបថត៖ QK7)
សំណង់ដែលត្រូវបានសម្ពោធនេះ រួមមានផ្នែកមួយចំនួនគឹ អាគារគណៈនាយកសាលា ទីលានបាល់ទាត់ អាងហែលទឹក ទីលានហាត់ប្រាណ កន្លែងសម្រាកសម្រាប់នាយទាហា និងអាហារដ្ឋានជាដើមដែលត្រូវបានសង់លើទំហំផ្ទៃដីចំនួន ២៣.៥ ហិកតាដែលមានចំណាយថវិកាសាងសង់ជាង ៧០០,០០០ ដុល្លារអាមេរិក ដែលយោធភូមិភាគទី ៧ ជួយឧបត្ថម្ភដោយឈរលើស្មារតីចងសម្ព័ន្ធមេត្រីភាពរវាងសាលាទាហានលេខ២តំបន់២នៃកងយោធពលខេមរភូមិន្ទ និងសាលាយោធភូមិភាគទី ៧ ចាប់ពីខែមេសាឆ្នាំ ២០១៩ ។ ។ ក្រៅពីចំណាយថវិកាសាងសង់នេះ យោធភូមិភាគទី ៧ ក៏ឧបត្ថម្ភសម្ភារៈនិងឧបករណ៍បណ្តុះបណ្តាលមួយចំនួនទៀតសម្រាប់សាលាដោយធានាថាសាលានេះត្រូវបានបំពាក់ដោយផលប្រយោជន៍ជាសារវន្តដើម្បីបំពេញភារកិច្ចអប់រំ និងបណ្តុះបណ្តាល រួមទាំងហ្វឹកហ្វឺននិងបំប៉នមន្ត្រីក៏ដូចជាកសាងសាលាឲ្យបានចំណាននិងល្អប្រសើថែមទៀតផងដែរ។
លោកឧត្តមសេនីយ៍ឯកហ៊ុនម៉ាណែតអគ្គមេបញ្ជាការរងនៃកងយោធពលខេមរភូមិន្ទ (រូបថត៖ QK7)
អញ្ជើញថ្លែងមិតក្នុងពិធីបើកនេះ លោកឧត្តមសេនីយ៍ឯកហ៊ុនម៉ាណែតអគ្គមេបញ្ជាការរងនៃកងយោធពលខេមរភូមិន្ទមានប្រសាសន៍ថា“ ខ្ញុំសូមថ្លែងអំណរគុណយ៉ាងជ្រាលជ្រៅចំពោះជំនួយឧបត្ថម្ភដ៏ថ្លៃថ្នូរបស់កងទ័ពប្រជាជនវៀតណាមនិយាយរួម និងបញ្ជាការដ្ឋានយោធភូមិភាគទី ៧ និយាយដោយឡែកដែលបានជួយទ្រទ្រង់ប្រជាជននិងកងយោធពលខេមរភូមិន្ទក្នុងការវិនិយោគលើការកសាងហេដ្ឋរចនាសម្ព័ន្ធ និងបណ្តុះបណ្តាលធនធានមនុស្សលើវិស័យផ្សេងៗទៀតផង ។ នេះបញ្ជាក់ពីចំណងមិត្តភាពនិងសាមគ្គីភាពរវាងប្រទេសទាំងពីរក៏ដូចជាចំណងមិត្តភាពរវាងកងយោធពលខេមរភូមិន្ទនិងបញ្ជាការដ្ឋានយោធភូមិភាគទី ៧ កាន់តែរឹងមាំ ក៏ដូចជាបន្តទទួលបានការពូនជ្រុំ និងអភិវឌ្ឍប្រកបដោយ ចីរភាពនៅពេលអនាគតផងដែរ៕
(យោងតាម baoquankhu7.vn បកប្រែដោយ ហេង វុធ្ធី)
មតិពីមិត្តអ្នកអាន