នៅព្រឹកថ្ងៃទី ២១ ខែកុម្ភៈ សាលានាយទាហានទ័ពជាង បានទទួលជួបគណៈប្រតិភូនៃកងយោធពលខេមរភូមិន្ទ ដឹកនាំដោយលោកវរសេនីយ៍ឯក រ៉េម កាន់ អនុព័ន្ធយោធាកម្ពុជាប្រចាំប្រទេសវៀតណាម។
 លើកកម្ពស់ការអប់រំស្តីពីចំណងសាមគ្គីមិត្តភាពប្រពៃណីរវាងវៀតណាមនិងកម្ពុជា |
 ឯកអគ្គរាជទូតកម្ពុជាប្រចាំនៅវៀតណាម វៀតណាមនិងកម្ពុជាបន្តដំណើរនៃការអភិវឌ្ឍទំនាក់ទំនងលើគ្រប់ជ្រុងជ្រោយ |
 |
| គណៈប្រតិភូនៃកងយោធពលខេមរភូមិន្ទបានថតរូបអនុស្សាវរីយ៍ជាមួយថ្នាក់ដឹកនាំ និងសិក្ខាកាមកម្ពុជាដែលកំពុងសិក្សានៅសាលានាយទាហានទ័ពជាង |
ក្នុងជំនួបនេះ លោកវរសេនីយ៍ឯក បណ្ឌិត Nguyen Duy Canh នាយកសាលានាយទាហានទ័ពជាងបានជម្រាបជូនអំពីលទ្ធផលសិក្សា និងបណ្តុះបណ្តាលរបស់សិក្ខាកាមនៃកងយោធពលខេមរភូមិន្ទដែលកំពុងសិក្សានៅសាលា ទិសដៅ និងការបណ្ដុះបណ្ដាលនាពេលខាងមុខ។ ទន្ទឹមនឹងនោះ ផ្លាស់ប្តូរយោបល់ជាមួយគណៈប្រតិភូអំពីសំណើមួយចំនួនស្តីពីការគ្រប់គ្រង និងបណ្តុះបណ្តាលសិក្ខាកាមនៃកងយោធពលខេមរភូមិន្ទ។
ថ្លែងក្នុងជំនួបនេះ លោកវរសេនីយ៍ឯក រ៉េម កាន់ បានថ្លែងអំណរគុណចំពោះក្រសួងការពារប្រទេស កងទ័ពប្រជាជនវៀតណាមនិងសាលានាយទាហានទ័ពជាងបានបង្កលក្ខណៈងាយស្រួលជួយសម្រាប់ការបណ្ដុះបណ្ដាលសិក្ខាកាមនៃកងយោធពលខេមរភូមិន្ទ។
លោកវរសេនីយ៍ឯក រ៉េម កាន់ បានសង្កត់ធ្ងន់លើការសម្របសម្រួល និងផ្លាស់ប្តូរយោបល់ដើម្បីក្ដាប់បានលទ្ធផល និងគុណភាពក្នុងការបណ្តុះបណ្តាលសិក្ខាកាមកម្ពុជានៅប្រទេសវៀតណាម។ ទន្ទឹមនឹងនោះ លោកវរសេនីយ៍ឯក រ៉េម កាន់ សង្ឃឹមថា ភាគីទាំងពីរនឹងបន្តរក្សាទំនាក់ទំនង ផ្លាស់ប្តូរយោបល់និងឯកភាពលើខ្លឹមសារនៃការគ្រប់គ្រង និងបណ្ដុះបណ្ដាលសិក្ខាកាមនៃកងយោធពលខេមរភូមិន្ទ ឱ្យទទួលបានគុណភាពខ្ពស់នាពេលខាងមុខ។ នេះជាសកម្មភាពរួមចំណែករឹតចំណងមិត្តភាព និងសាមគ្គីភាពរវាងកងទ័ពនិងប្រទេសទាំងពីរ។
ក្នុងឱកាសនេះ គណៈប្រតិភូនៃកងយោធពលខេមរភូមិន្ទ បានអញ្ជើញទៅទស្សនាការស្នាក់នៅនិងសិក្សា និងជួបសំណេះសំណាលជាមួយសិក្ខាកាមនៃកងយោធពលខេមរភូមិន្ទ ដែលកំពុងសិក្សានៅសាលា៕
មតិពីមិត្តអ្នកអាន