លើកកម្ពស់ការអប់រំស្តីពីចំណងសាមគ្គីមិត្តភាព​ប្រពៃណីរវាងវៀតណាមនិងកម្ពុជា

ឯកអគ្គរាជទូតកម្ពុជាប្រចាំនៅវៀតណាម វៀតណាមនិងកម្ពុជាបន្តដំណើរនៃការអភិវឌ្ឍទំនាក់ទំនងលើគ្រប់ជ្រុងជ្រោយ

វៀតណាមនិងកម្ពុជាពង្រឹងកិច្ចសហប្រតិបត្តិការក្នុងការសម្របសម្រួលស្វែងរក ប្រមូល និងធ្វើមាតុភូមិនិវត្តន៍អដ្ឋិធាតុកងទ័ពស្ម័គ្រចិត្ត និងអ្នកជំនាញវៀតណាម ដែលបា

លោកស្រី Nguyen Thi Thanh ប្រធានសមាគមមិត្តភាពវៀតណាម-កម្ពុជា បានអញ្ជើញចូលរួម និងធ្វើជាអធិបតីនៃកិច្ចប្រជុំ។

របាយការណ៍បូកសរុបដែលបង្ហាញក្នុងកិច្ចប្រជុំដោយលោក Le Van Tuy អនុប្រធានប្រចាំការនៃមជ្ឈិមសមាគម បានបញ្ជាក់ថា ដើម្បីអបអរសាទរខួបលើកទី ៥៥ នៃការបង្កើតទំនាក់ទំនងការទូត វៀតណាម-កម្ពុជា (ថ្ងៃទី ២៤ ខែមិថុនា ឆ្នាំ ១៩៦៧ / ថ្ងៃទី ២៤ ខែមិថុនា ឆ្នាំ២០២២) និងអបអរសាទរឆ្នាំមិត្តភាពវៀតណាម-កម្ពុជាឆ្នាំ ២០២២ សមាគមមិត្តភាពវៀតណាម-កម្ពុជា បានរៀបចំសកម្មភាពដ៏សម្បូរបែប និងជាក់ស្តែងជាច្រើនដូចជា៖ សកម្មភាពរំលឹកខួបអនុស្សាវរីយ៍ ការជួបប្រាស្រ័យមិត្តភាព និងកិច្ចសហប្រតិបត្តិការរវាងប្រជាជន និងប្រជាជន; ការងារសម្បុរសធម៌។ល។

លើសពីនេះ កម្មវិធី“បណ្តុះពន្លកមិត្តភាព” បន្តជាចំណុចភ្លឺស្វាងក្នុងសកម្មភាពរបស់សមាគមនៅឆ្នាំ ២០២២។ ក្នុងក្របខ័ណ្ឌនៃកម្មវិធីជួបប្រាស្រ័យមិត្តភាព និងកិច្ចសហប្រតិបត្តិការរវាងប្រជាជនវៀតណាម - កម្ពុជា លើកទី ៥ កាលពីខែវិច្ឆិកា ឆ្នាំ ២០២២ កន្លងមក សមាគមបានរៀបចំប្រកបដោយជោគជ័យនូវសន្និសីទបូកសរុបរយៈពេល១០ ឆ្នាំនៃកម្មវិធី “បណ្តុះពន្លកមិត្តភាព” ដំណាក់កាល ២០១២-២០២២។ ជាមួយនឹងលទ្ធផលដែលសម្រេចបាន សមាគមមានកិត្តិយសត្រូវបានប្រគល់ទង់ជាតិប្រឡងប្រណាំងឆ្នាំ ២០២២ ដោយសហភាពអង្គការមិត្តភាពវៀតណាម។

ថ្នាក់ដឹកនាំខេត្ត Bac Ninh ជូនផ្កាដល់ថ្នាក់ដឹកនាំមជ្ឈិមសមាគមមិត្តភាពវៀតណាម-កម្ពុជា

អំពីទិសដៅប្រតិបត្តិការនៅឆ្នាំ ២០២៣ មជ្ឈិមសមាគមបានកំណត់ថា នឹងបន្តជំរុញចលនា “បណ្តុះពន្លកមិត្តភាព”; បន្តជំរុញការជួបប្រាស្រ័យមិត្តភាព ការងារសម្បុរសធម៌ និងការផ្លាស់ប្តូរសហគមន៍; ឃោសនា និងអប់រំដល់សមាជិក និងប្រជាជនគ្រប់ស្រទាប់វណ្ណៈក្នុងប្រទេសនីមួយៗឱ្យយល់កាន់តែច្បាស់អំពីប្រពៃណីនៃចំណងសាមគ្គីភាព មិត្តភាព និងកិច្ចសហប្រតិបត្តិការគ្រប់ជ្រុងជ្រោយ វៀតណាម-កម្ពុជា។

លោក Le Van Tuy អនុប្រធានប្រចាំការនៃមជ្ឈិមសមាគម បង្ហាញរបាយការណ៍នៅក្នុងកិច្ចប្រជុំ

អញ្ជើញថ្លែងមតិក្នុងកិច្ចប្រជុំនេះ លោកស្រី Nguyen Thi Thanh បានលើកសរសើរចំពោះស្មារតីសាមគ្គីភាព ការស្រុះចិត្តគំនិត និងការទទួលខុសត្រូវរបស់សមូហភាពទាំងឡាយ ព្រមទាំងអះអាងថា ជាមួយនឹងសមិទ្ធផលដែលសម្រេចបានក្នុងឆ្នាំ ២០២២ សមាគមមានសិទ្ធិមានមោទនភាព និងពូនជ្រំដោយឥតឈប់ឈរនូវទំនាក់ទំនងប្រពៃណី មិត្តភាព ភាពស្និទ្ធស្នាល និងកិច្ចសហប្រតិបត្តិការលើគ្រប់ជ្រុងជ្រោយរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ វៀតណាម-កម្ពុជា ឲ្យអភិវឌ្ឍឡើងកម្រិតខ្ពស់ថ្មីមួយ៕

យោងតាមកាសែតកងទ័ពប្រជាជន