ប្រមុខការទូតកម្ពុជានឹងដឹកនាំគណៈប្រតិភូទៅបំពេញទស្សននៅប្រទេសវៀតណាម

ដំណើរទស្សនកិច្ចនេះ ធ្វើឡើងតបតាមការអញ្ជើញរបស់ឧបនាយករដ្ឋមន្រ្តី រដ្ឋមន្រ្តីការបរទេសវៀតណាមលោក Pham Binh Minh។ ក្នុងអំឡុងពេលនៃដំណើរទស្សនកិច្ចនេះ លោកឧបនាយករដ្ឋមន្រ្តី រដ្ឋមន្ត្រីការបរទេសកម្ពុជា ប្រាក់ សុខុន នឹងអញ្ជើញជួបសម្តែងការគួរសមជាមួយនាយករដ្ឋមន្រ្តីវៀតណាម លោក Nguyen Xuan Phuc និងប្រជុំទ្វេភាគីជាមួយឧបនាយករដ្ឋមន្ត្រី រដ្ឋមន្ត្រីការបរទេសវៀតណាម លោក Pham Binh Minh ដើម្បីពិភាក្សាអំពីមធ្យោបាយលើកកម្ពស់កិច្ចសហប្រតិបត្តិការទ្វេភាគី លើបញ្ហាផ្សេងៗ ដែលមានផលប្រយោជន៍ដល់ប្រទេសទាំងពីរ។

ដំណើរទស្សនកិច្ចនេះ នឹងជំរុញថែមទៀតនូវទំនាក់ទំនងមិត្តភាពជាប្រពៃណី និងពង្រឹងស្មារតីសាមគ្គីភាព និងភាពជាអ្នកជិតខាងល្អរវាងវៀតណាមនិងកម្ពុជា៕