អាណិកជននៅរុស្ស៊ីរំពឹងថាសេចក្តីសម្រេចចិត្តលេខ ២៣ បើកទូលាយលំហនៃការរួមចំណែកដល់ប្រទេសជាតិ

នៅថ្ងៃទី ២ ខែសីហា ឆ្នាំ ២០២៦ ការិយាល័យនយោបាយបានប្រកាសឱ្យប្រើប្រាស់សេចក្តីសម្រេចចិត្តលេខ 23-NQ/TW ដោយដាក់ចេញនូវទិសដៅយុទ្ធសាស្ត្រនានាស្តីពីការងារចំពោះជនជាតិវៀតណាមនៅឯបរទេសនៅក្នុងយុគសម័យថ្មី។

ចំណុចមួយក្នុងចំណោមចំណុចទាំងឡាយដែលអាណិកជនជាច្រើនចាប់អារម្មណ៍ គឺការផ្លាស់ប្តូរនៅក្នុងរបៀបកំណត់ឋានៈ តួនាទីរបស់សហគមន៍ជនជាតិវៀតណាមនៅឯបរទេស។

លោក Tran Phu Thuan អនុប្រធាន និងជាអគ្គលេខាធិការនៃសហព័ន្ធបណ្តាអង្គការជនជាតិវៀតណាមនៅសហព័ន្ធរុស្ស៊ី។

លោក Tran Phu Thuan អនុប្រធាន និងជាអគ្គលេខាធិការនៃសហព័ន្ធបណ្តាអង្គការជនជាតិវៀតណាមនៅសហព័ន្ធរុស្ស៊ី បានចាត់ទុកថា នេះគឺជាការផ្លាស់ប្តូរស្នូលមួយនៃសេចក្តីសម្រេចចិត្តលេខ ២៣។

«សេចក្តីសម្រេចចិត្តលេខ ២៣ មានការផ្លាស់ប្តូរដ៏សំខាន់ៗ។ ទីមួយ ស្នូលគឺការកំណត់ឋានៈ ប្រភពធនធានអាណិកជន។ ដំបូងឡើយជាប្រភពធនធានសំខាន់ ឥឡូវនេះគឺជាប្រភពធនធានសំខាន់ជាយុទ្ធសាស្ត្រ។ ពីមុន យើងគ្រាន់តែកំណត់ន័យអាណិកជនថាជាផ្នែកមួយដែលមិនអាចកាត់ផ្តាច់បាននៃប្លុកមហាសាមគ្គីជនជាតិ។ ចំណែកឯសេចក្តីសម្រេចចិត្តលេខ ២៣ បានកំណត់អាណិកជនជាប្រភពធនធានដ៏សំខាន់មួយ ដើម្បីជួយដល់ការអភិវឌ្ឍរបស់ប្រទេសជាតិ» លោក Tran Phu Thuan បានឱ្យដឹងដូច្នេះ។

ចេញពីការផ្លាស់ប្តូរនៅក្នុងការយល់ដឹងអំពីឋានៈ សេចក្តីសម្រេចចិត្តលេខ ២៣ ក៏បានដាក់ចេញនូវតម្រូវការលើកកម្ពស់ឱ្យកាន់តែខ្លាំងក្លានូវប្រភពធនធានរបស់ជនជាតិវៀតណាមនៅឯបរទេស មិនត្រឹមតែអំពីទុនប៉ុណ្ណោះទេ ប៉ុន្តែថែមទាំងអំពីបញ្ញាញាណ ជំនាញ បទពិសោធគ្រប់គ្រង និងទំនាក់ទំនងអន្តរជាតិនានាផងដែរ។

ចំពោះសហគមន៍ជនជាតិវៀតណាមនៅសហព័ន្ធរុស្ស៊ី ជាទីកន្លែងដែលមានជនជាតិវៀតណាមច្រើនជំនាន់កំពុងរៀនសូត្រ ស្រាវជ្រាវ និងបំពេញការងារនៅក្នុងបណ្តាវិស័យវិទ្យាសាស្ត្រ បច្ចេកវិទ្យា អប់រំ និងវប្បធម៌ គោលការណ៍នេះបើកចេញនូវក្តីរំពឹងថ្មីៗអំពីការតភ្ជាប់ឱ្យកាន់តែមានប្រសិទ្ធភាពនូវប្រភពធនធានអាណិកជន ជាមួយនឹងតម្រូវការអភិវឌ្ឍន៍របស់ប្រទេសជាតិ។

យោងតាមលោក Dao Manh Dung សមាជិកគណៈប្រតិបត្តិការនៃសមាគមមិត្តភាពជាមួយ Primorye អនុប្រធានសមាគមជនជាតិវៀតណាមនៅ Primorye ចំណុចថ្មីគួរឱ្យកត់សម្គាល់នៃសេចក្តីសម្រេចចិត្ត គឺការសង្កត់ធ្ងន់កាន់តែច្បាស់នូវតួនាទីរបស់សហគមន៍ជនជាតិវៀតណាមនៅឯបរទេសក្នុងការកសាង អភិវឌ្ឍ និងការពារមាតុភូមិ។

«នៅក្នុងសេចក្តីសម្រេចចិត្តលេខ ២៣ នេះ មានចំណុចថ្មីមួយ ដែលខ្ញុំមើលឃើញនោះ គឺក្រៅពីការអះអាងពីសហគមន៍វៀតណាមនៅឯបរទេស រដ្ឋមានបំណងលើកកម្ពស់តួនាទីថ្មីមួយ នោះគឺសហគមន៍វៀតណាមនៅឯបរទេសមានតួនាទីកសាង អភិវឌ្ឍ និងជាពិសេសគឺការពារមាតុភូមិពីចម្ងាយ។ ហើយមានភារកិច្ចនាំយកវៀតណាមឱ្យមកកាន់តែជិតស្និទ្ធជាមួយមិត្តភក្តិនៅលើពិភពលោក» លោក Dao Manh Dung បានមានប្រសាសន៍។

ការអនុវត្តជាក់ស្តែងនៅរុស្ស៊ីបានបង្ហាញថា សហគមន៍ជនជាតិវៀតណាមមិនត្រឹមតែផ្សារភ្ជាប់ជាមួយមាតុភូមិតាមរយៈសកម្មភាពនានាដែលឆ្ពោះទៅកាន់ប្រទេសជាតិនោះទេ ប៉ុន្តែថែមទាំងរួមចំណែកផ្សព្វផ្សាយរូបភាព វប្បធម៌ និងមនុស្សជាតិវៀតណាមទៅកាន់មិត្តភក្តិម្ចាស់ផ្ទះទៀតផង។

Dao Manh Dung ពាក់មួក សមាជិកគណៈប្រតិបត្តិការនៃសមាគមមិត្តភាពជាមួយ Primorye អនុប្រធានសមាគមជនជាតិវៀតណាមនៅ Primorye និងប្អូនៗសិស្ស និស្សិត នៅឯទីលាន Ho Chi Minh ក្នុងទីក្រុង Vladivostok។

ការលើកកម្ពស់តួនាទីរបស់ជនជាតិវៀតណាមម្នាក់ៗនៅឯបរទេសដូចជាស្ពានតភ្ជាប់រវាងវៀតណាមជាមួយពិភពលោក ក៏ត្រូវបានចាត់ទុកថាជាទិសដៅដ៏សមស្របនៅក្នុងបរិបទថ្មី។

ជាមួយនឹងគ្រឹះស្ថាននៃទំនាក់ទំនងប្រពៃណី និងកិច្ចសហប្រតិបត្តិការរវាងវៀតណាម និងសហព័ន្ធរុស្ស៊ី សហគមន៍ជនជាតិវៀតណាមនៅទីនេះ ត្រូវបានរំពឹងថានឹងមានលក្ខខណ្ឌបន្ថែមទៀតដើម្បីលើកកម្ពស់បញ្ញាញាណ បទពិសោធ និងគុណសម្បត្តិលេចធ្លោនានារបស់ខ្លួន។

អាណិកជនវៀតណាមនៅសហព័ន្ធរុស្ស៊ី ក៏រង់ចាំបណ្តាទិសដៅថ្មីៗនៃសេចក្តីសម្រេចចិត្តលេខ ២៣ ឱ្យបានប្រែក្លាយជាជាក់ស្តែងយ៉ាងឆាប់រហ័ស តាមរយៈយន្តការ គោលនយោបាយសមស្របនានា បង្កើតលក្ខខណ្ឌដើម្បីឱ្យជនជាតិវៀតណាមនៅឯបរទេស ទោះបីជាកំពុងរស់នៅ និងបំពេញការងារនៅទីកន្លែងណាក៏ដោយ ក៏សុទ្ធតែអាចរួមចំណែកកាន់តែជាក់ស្តែង និងកាន់តែមានប្រសិទ្ធភាពខ្ពស់ សម្រាប់ការអភិវឌ្ឍនៃមាតុភូមិ ប្រទេសជាតិ៕

លោក Tran Ba Phuc៖ ចាំបាច់ត្រូវកសាង “រណសិរ្សឌីជីថល” ដើម្បីតភ្ជាប់កាន់តែមានប្រសិទ្ធភាពជាមួយអាណិកជន យុគសម័យ - អញ្ជើញមកចូលរួមមហាសន្និបាតតំណាងទូទាំងប្រទេសនៃរណសិរ្សមាតុភូមិវៀតណាមលើកទី ១១ លោក Tran Ba Phuc ប្រធានសមាគមសហគ្រិនវៀតណាមប្រចាំនៅប្រទេសអូស្ត្រាលី បានចែករំលែកជាមួយកាសែតយុគសម័យ អំពីតួនាទីរបស់សហគមន៍ប្រជាជនវៀតណាមប្រចាំនៅប្រទេសអូស្ត្រាលី ក្នុងការងារកិច្ចការបរទេសប្រជាជន ការតភ្ជាប់ប្រភពធនធានរបស់អាណិកជន និងបណ្ដាសំណើក្នុងបំណងពង្រីកបន្ថែមទៀតនូវតួនាទីរបស់រណសិរ្សមាតុភូមិវៀតណាមក្នុងដំណាក់កាលថ្មី។

អាណិកជនវៀតណាមនៅបណ្តាប្រទេសជាច្រើន ប្រារព្ធពិធីរំលឹកខួបលើកទី ១៣៦ នៃថ្ងៃកំណើតប្រធាន Ho Chi Minh យុគសម័យ - ការចាក់ផ្សាយខ្សែភាពយន្តអំពីដំណើរដានសកម្មភាពបដិវត្តន៍របស់លោកតា, ការរៀបចំដំណើរកម្សាន្ត «ឆ្ពោះទៅរកប្រភពដើម», ការពិព័រណ៍ឯកសារ ឬទិវាបុណ្យកីឡាដើម្បីបន្តស្មារតីហ្វឹកហាត់សុខភាព… គឺជាបណ្ដាសកម្មភាពប្រកបដោយអត្ថន័យ ដែលត្រូវបានសហគមន៍ជនជាតិវៀតណាមនៅប្រទេសថៃ, ឡាវ, កូរ៉េខាងត្បូង និងចិន រៀបចំឡើងក្នុងឱកាសរំលឹកខួបលើកទី ១៣៦ នៃថ្ងៃកំណើតប្រធាន Ho Chi Minh (ថ្ងៃទី ១៩ ខែឧសភា ឆ្នាំ ១៨៩០ - ថ្ងៃទី ១៩ ខែឧសភា ឆ្នាំ ២០២៦)។

ឌឿងង្វៀន