លើកកម្ពស់តួនាទីសហគមន៍ជនជាតិវៀតណាមនៅឯបរទេស

នាព្រឹកថ្ងៃទី ៣ ខែកញ្ញា នៅក្នុងសន្និសីទទូទាំងប្រទេសស្រាវជ្រាវ រៀនសូត្រ ជ្រួតជ្រាប និងផ្សព្វផ្សាយអនុវត្តសេចក្តីសម្រេចចិត្ត និងសារាចរណែនាំមួយចំនួនរបស់ការិយាល័យនយោបាយ សមាជិកការិយាល័យនយោបាយ រដ្ឋមន្ត្រីក្រសួងការបរទេស Le Hoai Trung បានជ្រួតជ្រាបប្រធានបទ «ខ្លឹមសារស្នូល និងសំខាន់ៗនៃសេចក្តីសម្រេចចិត្តលេខ 23-NQ/TW ចុះថ្ងៃទី ២ ខែសីហា ឆ្នាំ ២០២៦ របស់ការិយាល័យនយោបាយ ស្តីពីការងារចំពោះជនជាតិវៀតណាមនៅឯបរទេស»។

នៅលើមូលដ្ឋានបន្តវេន និងអភិវឌ្ឍសេចក្តីសម្រេចចិត្តលេខ 36-NQ/TW សេចក្តីសម្រេចចិត្តលេខ ២៣ គឺជាការសម្រេចចិត្តដ៏ធំរបស់បក្ស ដែលបង្ហាញពីចក្ខុវិស័យយុទ្ធសាស្ត្រ ការគិតផ្លាស់ប្តូរថ្មី និងការយកចិត្តទុកដាក់យ៉ាងជ្រាលជ្រៅចំពោះបងប្អូនជនរួមជាតិវៀតណាមនៅឯបរទេស ព្រមទាំងធ្វើឱ្យជាក់ស្តែងនូវគោលការណ៍នៃមហាសន្និបាតលើកទី ១៤ ស្តីពីការលើកកម្ពស់កម្លាំងមហាសាមគ្គីទូទាំងប្រជាជាតិ កៀរគរគ្រប់ធនធានសម្រាប់ការអភិវឌ្ឍប្រទេសជាតិនៅក្នុងយុគសម័យថ្មី។

ពីមុខសញ្ញាគោលនយោបាយ ក្លាយជាតួអង្គរួមដំណើរ

សេចក្តីសម្រេចចិត្តលេខ ២៣ ត្រូវបានប្រកាសឱ្យប្រើប្រាស់នៅក្នុងបរិបទដែលសហគមន៍ជនជាតិវៀតណាមនៅឯបរទេសជាង ៦,៥ លាននាក់ កាន់តែមានការរីកចម្រើន លើកកម្ពស់កម្រិតយល់ដឹង ឋានៈ និងមានបំណងប្រាថ្នារួមចំណែកដល់មាតុភូមិ។

ទោះជាយ៉ាងណាក៏ដោយ នៅតំបន់មួយចំនួន ជីវភាពរស់នៅ និងឋានៈផ្លូវច្បាប់របស់បងប្អូននៅតែជួបការលំបាក ដោយត្រូវការការជួយឧបត្ថម្ភខាងផ្លូវច្បាប់ ការការពារពលរដ្ឋ ការធ្វើសមាហរណកម្ម និងការរក្សាការពារអត្តសញ្ញាណវប្បធម៌។

សមាជិកការិយាល័យនយោបាយ រដ្ឋមន្ត្រីក្រសួងការបរទេស Le Hoai Trung បានជ្រួតជ្រាបប្រធានបទ «ខ្លឹមសារស្នូល និងសំខាន់ៗនៃសេចក្តីសម្រេចចិត្តលេខ 23-NQ/TW ចុះថ្ងៃទី ២ ខែសីហា ឆ្នាំ ២០២៦ របស់ការិយាល័យនយោបាយ ស្តីពីការងារចំពោះជនជាតិវៀតណាមនៅឯបរទេស»។

ទន្ទឹមនឹងនោះ ការប្រកួតប្រជែងអន្តរជាតិលើវិស័យវិទ្យាសាស្ត្រ-បច្ចេកវិទ្យា ធនធានមនុស្សឆ្នើម និងអំណាចស្រទន់កាន់តែកើនឡើង ដោយដាក់ចេញនូវតម្រូវការត្រូវតែលើកកម្ពស់ឱ្យកាន់តែមានប្រសិទ្ធភាពនូវប្រភពធនធានជនជាតិវៀតណាមនៅឯបរទេស។

ចេញពីការអនុវត្តជាក់ស្តែងនោះ សេចក្តីសម្រេចចិត្តលេខ ២៣ តម្រូវឱ្យផ្លាស់ប្តូរថ្មីយ៉ាងខ្លាំងក្លានូវការគិត និងវិធីសាស្ត្រអភិក្រម ដោយផ្លាស់ប្តូរពីការសម្លឹងមើលសហគមន៍ជាចម្បងក្រោមទស្សនវិស័យនៃមុខសញ្ញាគោលនយោបាយ ទៅជាការចាត់ទុកជនជាតិវៀតណាមនៅឯបរទេសជាតួអង្គចូលរួម ជាដៃគូរួមដំណើរ និងជាប្រភពធនធាននៃដំណើរការអភិវឌ្ឍប្រទេសជាតិ។

នេះក៏ជាមូលដ្ឋានដើម្បីឱ្យសេចក្តីសម្រេចចិត្តសង្កត់ធ្ងន់លើតម្រូវការ «លើកកម្ពស់កម្រិតនៃការគិតពីការបំផុស ចងក្រង ថែទាំ ទៅជាការរួមដំណើរ បង្កើតយន្តការ កៀរគរធនធានជនជាតិវៀតណាមនៅឯបរទេស»។

នៅក្នុងបរិបទដែលប្រទេសជាតិឈានចូលដំណាក់កាលអភិវឌ្ឍន៍ថ្មី សំដៅឆ្ពោះទៅកាន់គោលដៅដល់ឆ្នាំ ២០៤៥ ក្លាយជាប្រទេសអភិវឌ្ឍន៍ មានប្រាក់ចំណូលខ្ពស់ សេចក្តីសម្រេចចិត្តបានដាក់ចេញនូវតម្រូវការបន្តផ្លាស់ប្តូរថ្មី លើកកម្ពស់ប្រសិទ្ធភាពនៃការងារចំពោះជនជាតិវៀតណាមនៅឯបរទេស ពង្រឹងប្លុកមហាសាមគ្គីទូទាំងប្រជាជាតិ និងលើកកម្ពស់ឱ្យកាន់តែល្អប្រសើរឡើងនូវប្រភពធនធានអាណិកជន។

ចំណុចថ្មីគន្លឹះមួយក្នុងចំណោមចំណុចថ្មីទាំងឡាយ គឺការលើកកម្ពស់កម្រិតការយល់ដឹងអំពីទីតាំង និងតួនាទីរបស់សហគមន៍។

អាណិកជនមិនត្រឹមតែជាផ្នែកមួយដែលមិនអាចកាត់ផ្តាច់បាននៃសហគមន៍ប្រជាជាតិវៀតណាមប៉ុណ្ណោះទេ ប៉ុន្តែថែមទាំងត្រូវបានកំណត់ថាជាប្រភពធនធានយុទ្ធសាស្ត្រដ៏សំខាន់មួយ ដែលរួមចំណែកលើកកម្ពស់កម្លាំងសរុបថ្នាក់ជាតិ ជាស្ពានតភ្ជាប់រវាងវៀតណាមជាមួយពិភពលោក និងរួមដំណើរដោយផ្ទាល់ ចូលរួមនៅក្នុងបុព្វហេតុកសាង អភិវឌ្ឍ និងការពារមាតុភូមិ។

តភ្ជាប់ប្រភពធនធានជនជាតិវៀតណាមជាសកល

សេចក្តីសម្រេចចិត្តលេខ ២៣ បានកំណត់គោលដៅធំៗចំនួន ៣៖ កសាងសហគមន៍ជនជាតិវៀតណាមនៅឯបរទេសឱ្យរឹងមាំ ធ្វើសមាហរណកម្មបានល្អ និងរក្សាការពារអត្តសញ្ញាណជាតិ ដាស់តឿនយ៉ាងខ្លាំងក្លានូវទឹកចិត្តស្នេហាជាតិ សេចក្តីប្រាថ្នាលះបង់រួមចំណែក លើកកម្ពស់ប្រភពធនធានអាណិកជន បំពេញពេញលេញនូវស្ថាប័ន និងបង្កើតបណ្តាញប្រព័ន្ធអេកូឡូស៊ីតភ្ជាប់ជនជាតិវៀតណាមជាសកល។

ក្នុងនោះ សហគមន៍ត្រូវបានលើកកម្ពស់តួនាទីដូចជាបណ្តា «ឯកអគ្គរាជទូត ឯកអគ្គរដ្ឋទូតវប្បធម៌ ប្រទេសជាតិ និងមនុស្សជាតិវៀតណាម» ដោយរួមចំណែកផ្សព្វផ្សាយរូបភាពប្រទេសជាតិ ពង្រឹងទំនាក់ទំនងមិត្តភាព កិច្ចសហប្រតិបត្តិការអន្តរជាតិ និងលើកកម្ពស់អំណាចស្រទន់ជាតិ។

សេចក្តីសម្រេចចិត្តដំណាលគ្នានោះបានលើកតម្កើងស្មារតីផ្សះផ្សាជាតិ ដោយយកចំណុចស្រដៀងគ្នានានាស្តីពីមនសិការជាតិ ទឹកចិត្តស្នេហាជាតិ មោទនភាព និងសេចក្តីប្រាថ្នាអភិវឌ្ឍន៍ ធ្វើជាមូលដ្ឋានដើម្បីពង្រឹងសាមគ្គីភាព យកផលប្រយោជន៍ជាតិ-ប្រជាជាតិធ្វើជាចំណុចប្រមូលផ្តុំ និងអនាគតប្រទេសជាតិធ្វើជាទិសដៅរួម។

បក្ស និងរដ្ឋ គោរព ទទួលស្តាប់រាល់មតិយោបល់រួមចំណែកកសាង រួមទាំងទស្សនៈខុសប្លែកគ្នាដែលមិនធ្វើឱ្យប៉ះពាល់ដល់ផលប្រយោជន៍ជាតិ-ប្រជាជាតិ ព្រមទាំងសំដៅឆ្ពោះទៅកាន់ការលុបបំបាត់ការរើសអើង ទុកមួយអន្លើនូវអតីតកាល និងឆ្ពោះទៅកាន់អនាគត។

សេចក្តីសម្រេចចិត្តបានដាក់ចេញនូវក្រុមភារកិច្ច និងដំណោះស្រាយចំនួន ៧។ ចំណុចស្នូលគឺបន្តផ្លាស់ប្តូរថ្មីការគិត បំពេញពេញលេញនូវយន្តការ គោលនយោបាយ កសាងសហគមន៍សាមគ្គីភាព និងអភិវឌ្ឍន៍ លើកកម្ពស់ប្រភពធនធានអាណិកជនដើម្បីបម្រើការអភិវឌ្ឍយ៉ាងឆាប់រហ័ស ប្រកបដោយចីរភាព និងការពារមាតុភូមិ រក្សាការពារភាសាវៀតណាម អត្តសញ្ញាណវប្បធម៌ លើកកម្ពស់តួនាទីជាតួអង្គរបស់ជនជាតិវៀតណាមនៅឯបរទេសក្នុងព័ត៌មាន ការឃោសនា ព្រមទាំងពង្រឹងការចាត់តាំងក្បាលម៉ាស៊ីន និងពង្រឹងយន្តការសម្របសម្រួល។

ជាពិសេស សេចក្តីសម្រេចចិត្តបានបើកទូលាយលំហនៃការចូលរួមរបស់អាណិកជនទៅក្នុងជីវភាពនយោបាយ-សេដ្ឋកិច្ច-សង្គមរបស់ប្រទេសជាតិ បង្កើតលក្ខខណ្ឌដើម្បីឱ្យជនជាតិវៀតណាមនៅឯបរទេសចូលរួមផ្តល់មតិយោបល់កសាងគោលការណ៍ មាគ៌ា គោលនយោបាយ និងបណ្តាកម្មវិធី គម្រោងអភិវឌ្ឍន៍នានា។

វិធីសាស្ត្រអភិក្រមចំពោះប្រភពធនធានអាណិកជនក៏ត្រូវបានបើកទូលាយផងដែរ។ ទន្ទឹមនឹងការទាក់ទាញអ្នកជំនាញ បញ្ញវន្ត អ្នកវិទ្យាសាស្ត្រ មនុស្សមានទេពកោសល្យ ពាណិជ្ជករ សហគ្រាស សេចក្តីសម្រេចចិត្តបានយកចិត្តទុកដាក់លើបណ្តាវិស័យយុទ្ធសាស្ត្រ ដូចជាការច្នៃប្រឌិតថ្មី ការធ្វើបរិវត្តកម្មឌីជីថល ឧស្សាហកម្មពាក់កណ្តាលចម្លង បញ្ញាសិប្បនិម្មិត បច្ចេកវិទ្យាជីវសាស្ត្រ ការពង្រីកទីផ្សារ និងការផ្សព្វផ្សាយទំនិញ សេវាកម្មវៀតណាម។

អាណិកជនក៏អាចចូលរួមចំណែកពីចម្ងាយ តាមរយៈការផ្តល់ប្រឹក្សា ការបណ្តុះបណ្តាល ការស្រាវជ្រាវ ការផ្ទេរបច្ចេកវិទ្យា ការតភ្ជាប់ការវិនិយោគ ការពង្រីកទីផ្សារ ឬចូលរួមក្នុងសកម្មភាពច្នៃប្រឌិតថ្មីៗផងដែរ។

សេចក្តីសម្រេចចិត្តតម្រូវឱ្យកសាងមូលដ្ឋានទិន្នន័យ និងបណ្តាញតភ្ជាប់សកលអំពីជនជាតិវៀតណាមនៅឯបរទេស ដោយផ្លាស់ប្តូរចេញពីការគិត «ស្វែងរកធនធាន» ទៅជា «ការតភ្ជាប់ធនធានជាមួយនឹងតម្រូវការ» នៅក្នុងស្រុក។

អាណិកជនចូលរួមជំរំរដូវក្តៅវៀតណាមឆ្នាំ ២០២៦។

វាស់វែងប្រសិទ្ធភាពតាមរយៈការប្រែប្រួលជាក់ស្តែង

ការងារចំពោះជនជាតិវៀតណាមនៅឯបរទេសត្រូវបានកំណត់ថាជាការទទួលខុសត្រូវរបស់ប្រព័ន្ធនយោបាយទាំងមូល របស់បងប្អូនជនរួមជាតិក្នុងនិងក្រៅប្រទេស ដែលត្រូវតែដំណើរការជាប្រចាំ បន្តបន្ទាប់ គ្រប់ជ្រុងជ្រោយ ស៊ីសង្វាក់គ្នា មានការផ្តោតសំខាន់លើចំណុចស្នូល និងប្រកបដោយភាពបត់បែន។

ស្តីពីការចាត់តាំងអនុវត្ត ក្រសួងការបរទេសនឹងដាក់ជូនរដ្ឋាភិបាលនូវកម្មវិធីសកម្មភាពអនុវត្តសេចក្តីសម្រេចចិត្តលេខ ២៣ ដោយកំណត់យ៉ាងច្បាស់នូវភារកិច្ច ការទទួលខុសត្រូវ វឌ្ឍនភាព និងប្រភពធនធានរបស់ស្ថាប័ន មូលដ្ឋាននីមួយៗ។

ទន្ទឹមនឹងនោះ យន្តការ គោលនយោបាយ ច្បាប់នានានឹងត្រូវបានត្រួតពិនិត្យ កែសម្រួល បំពេញបន្ថែម មូលដ្ឋានទិន្នន័យ ផែនទីធនធានជនជាតិវៀតណាមនៅឯបរទេស និងបញ្ជីតម្រូវការអំពីអ្នកជំនាញ បច្ចេកវិទ្យា ការវិនិយោគ រួមជាមួយធនធានផ្សេងៗទៀតរបស់បណ្តាក្រសួង ស្ថាប័ន មូលដ្ឋាន នឹងត្រូវបានកសាងឡើង។

តម្រូវការដ៏គួរឱ្យកត់សម្គាល់មួយ គឺការកសាងសំណុំលក្ខណៈវិនិច្ឆ័យវាយតម្លៃលទ្ធផលអនុវត្តការងារចំពោះជនជាតិវៀតណាមនៅឯបរទេស ដោយផ្លាស់ប្តូរចេញពីការវាយតម្លៃបរិមាណនៃសកម្មភាព ទៅជាការវាយតម្លៃប្រសិទ្ធភាព និងការប្រែប្រួលជាក់ស្តែង ដែលអាចវាស់វែង និងផ្ទៀងផ្ទាត់បាន។

យោងតាមរដ្ឋមន្ត្រី Le Hoai Trung ស្មារតីស្នូលនៃសេចក្តីសម្រេចចិត្តលេខ ២៣ គឺការលើកកម្ពស់កម្រិតឋានៈរបស់សហគមន៍ ផ្លាស់ប្តូរថ្មីការគិត និងវិធីសាស្ត្រចាត់តាំងអនុវត្ត។ គោលការណ៍នីមួយៗត្រូវតែប្រែប្រួលទៅជាការទទួលខុសត្រូវជាក់ស្តែង យន្តការជាក់ស្តែង និងផលិតផលជាក់ស្តែង។

ជាមួយនឹងការចូលរួមយ៉ាងស៊ីសង្វាក់គ្នានៃប្រព័ន្ធនយោបាយទាំងមូល ប្រជាជននៅក្នុងស្រុក និងការរួមដំណើររបស់បងប្អូនជនរួមជាតិវៀតណាមជាង ៦,៥ លាននាក់នៅលើទូទាំងពិភពលោក សេចក្តីសម្រេចចិត្តលេខ ២៣ ត្រូវបានរំពឹងថានឹងបង្កើតការប្រែប្រួលជាក់ស្តែងនៅក្នុងការងារចំពោះជនជាតិវៀតណាមនៅឯបរទេស ពង្រឹងប្លុកមហាសាមគ្គីទូទាំងប្រជាជាតិ តភ្ជាប់កម្លាំងជាតិជាមួយនឹងកម្លាំងសម័យកាល ដោយរួមចំណែកនាំយកប្រទេសជាតិឱ្យមានការអភិវឌ្ឍយ៉ាងឆាប់រហ័ស និងប្រកបដោយចីរភាពនៅក្នុងយុគសម័យថ្មី៕

ប្រជាជនវៀតណាមនៅប្រទេសជប៉ុនជួយសង្គ្រោះមនុស្ស និងជួយឧបត្ថម្ភស្បៀងអាហារបន្ទាប់ពីរញ្ជួយដីនៅខេត្ត Kumamoto យុគសម័យ - ពលករវៀតណាមចំនួន ៥ នាក់ បានរួមជាមួយប្រជាជនក្នុងស្រុក ជួយសង្គ្រោះលោកយាយម្នាក់ អាយុជិត ៩០ ឆ្នាំ ចេញពីផ្ទះដែលបានបាក់រលំ នៅទីក្រុង Yatsushiro (ខេត្ត Kumamoto ប្រទេសជប៉ុន)។ បណ្តាស្ថាប័នតំណាង សមាគម និងអ្នកស្ម័គ្រចិត្តវៀតណាម ក៏បានប្រញាប់ប្រញាល់ដឹកជញ្ជូនស្បៀងអាហារ និងទឹកបរិភោគ ទៅកាន់បណ្តាតំបន់ដែលរងផលប៉ះពាល់ ដោយសារការរញ្ជួយដី នៅខេត្ត Kumamoto។

ពង្រីកប្រភពធនធានប្រជាជនវៀតណាមនៅបរទេស៖ ចាប់ពីតួនាទីត្រលាតផ្លូវនៃកិច្ចការបរទេស រហូតដល់កម្លាំងរុញច្រានអភិវឌ្ឍន៍ជាតិ និងមូលដ្ឋាននីមួយៗ យុគសម័យ - នៅមុនពេលប្រព្រឹត្តទៅ សន្និសីទការទូតលើកទី ៣៣ និងសន្និសីទកិច្ចការបរទេសទូទាំងប្រទេសលើកទី ២២ គេហទំព័រព័ត៌មានអេឡិចត្រូនិកនៃក្រសួងការបរទេស សូមណែនាំអត្ថបទ «ពង្រីកប្រភពធនធានប្រជាជនវៀតណាមនៅបរទេស៖ ចាប់ពីតួនាទីត្រលាតផ្លូវនៃកិច្ចការបរទេស រហូតដល់កម្លាំងរុញច្រានអភិវឌ្ឍន៍ជាតិ និងមូលដ្ឋាននីមួយៗ» របស់អនុរដ្ឋមន្ត្រីក្រសួងការបរទេស Le Thi Thu Hang។

ឌឹកអាញ់