អគ្គលេខាបក្ស និងជាប្រធានរដ្ឋ To Lam ទទួលជួបប្រធានរដ្ឋសភាកម្ពុជា

លោកស្រីប្រធានរដ្ឋសភា Khuon Sudary បានសម្តែងនូវក្តីរីករាយដែលបានត្រឡប់មកបំពេញទស្សនកិច្ចនៅវៀតណាមជាថ្មីម្តងទៀត; ថ្លែងអំណរគុណអគ្គលេខាបក្ស និងជាប្រធានរដ្ឋ To Lam ដែលបានផ្តល់ជូននូវមនោសញ្ចេតនាយ៉ាងកក់ក្តៅចំពោះគណៈប្រតិភូកម្ពុជា និងបានពាំនាំនូវពាក្យសួរសុខទុក្ខយ៉ាងស្និទ្ធស្នាលរបស់ព្រះករុណា ព្រះបាទសម្តេចព្រះបរមនាថ នរោត្តម សីហមុនី, ប្រធានគណបក្សប្រជាជនកម្ពុជា (CPP) ហ៊ុន សែន, នាយករដ្ឋមន្ត្រីកម្ពុជា ហ៊ុន ម៉ាណែត; សម្តែងនូវការកោតសរសើរចំពោះសមិទ្ធផលអភិវឌ្ឍន៍ដ៏លោតផ្លោះ ព្រមទាំងតួនាទី និងភារកិច្ចរបស់វៀតណាមដែលកាន់តែខ្ពស់ឡើងនៅក្នុងតំបន់ និងអន្តរជាតិ; អបអរសាទរយ៉ាងកក់ក្តៅចំពោះជោគជ័យយ៉ាងត្រចះត្រចង់នៃមហាសន្និបាតតំណាងទូទាំងប្រទេសលើកទី ១៤ នៃគណបក្សកុំមុយនីស្តវៀតណាម ដែលបានដាក់ចេញនូវទិសដៅ និងសេចក្តីសម្រេចចិត្តយ៉ាងសំខាន់ៗ សម្រាប់ការអភិវឌ្ឍប្រទេសជាតិក្នុង «យុគសម័យថ្មី»; ជឿជាក់យ៉ាងមុតមាំថា ក្រោមការដឹកនាំដ៏ឈ្លាសវៃរបស់គណបក្សកុំមុយនីស្តវៀតណាម ដែលដឹកនាំដោយអគ្គលេខាបក្ស និងជាប្រធានរដ្ឋ To Lam ជាមួយកិច្ចខិតខំប្រឹងប្រែង និងការឯកភាពគ្នារបស់ប្រជាជន វៀតណាមនឹងអនុវត្តបានយ៉ាងជោគជ័យនូវគោលដៅទាំងឡាយដែលបានដាក់ចេញ បន្តទទួលបានសមិទ្ធផលថ្មីៗជាច្រើនទៀតដែលកាន់តែធំធេង នៅក្នុងកិច្ចការកសាង និងអភិវឌ្ឍន៍ប្រទេសជាតិឱ្យកាន់តែរុងរឿង; ថ្លែងអំណរគុណយ៉ាងជ្រាលជ្រៅចំពោះបក្ស រដ្ឋ និងប្រជាជនវៀតណាម ដែលតែងតែរួមដំណើរ ផ្តល់នូវការគាំទ្រ និងការជួយឧបត្ថម្ភយ៉ាងធំធេង និងមានប្រសិទ្ធភាពចំពោះកម្ពុជា។

អគ្គលេខាបក្ស និងជាប្រធានរដ្ឋ To Lam ទទួលជួបប្រធានរដ្ឋសភានៃព្រះរាជាណាចក្រកម្ពុជា លោកស្រី Khuon Sudary។

លោកស្រីប្រធានរដ្ឋសភា Khuon Sudary បានអះអាងថា កម្ពុជាចាត់ទុកយ៉ាងសំខាន់នូវការអភិវឌ្ឍទំនាក់ទំនងមិត្តភាព និងកិច្ចសហប្រតិបត្តិការគ្រប់ជ្រុងជ្រោយជាមួយវៀតណាម; ចាត់ទុកជោគជ័យរបស់វៀតណាម ក៏ជាជោគជ័យរបស់កម្ពុជាផងដែរ; គូសបញ្ជាក់ថា ប្រពៃណីសាមគ្គីភាពវៀតណាម - កម្ពុជា គឺជាការរួមផ្សំនៃស្មារតីភ្ជាប់ទំនាក់ទំនងរវាងប្រជាជាតិទាំងពីរ ដែលត្រូវបានលត់ដំក្នុងគ្រាលំបាក និងកាន់តែរឹងមាំឆ្លងកាត់គ្រប់ការសាកល្បង ទោះបីជាស្ថានការណ៍ពិភពលោកមានការប្រែប្រួលយ៉ាងណាក៏ដោយ ប៉ុន្តែទំនាក់ទំនងរវាងប្រទេសទាំងពីរគឺមិនផ្លាស់ប្តូរឡើយ; ការថែរក្សា និងពង្រីកប្រពៃណីមិត្តភាពរវាងប្រទេសទាំងពីរ គឺជាការទទួលខុសត្រូវចំពោះប្រវត្តិសាស្ត្រ គឺជាការប្តេជ្ញាចិត្តចំពោះអនាគត និងចាំបាច់ត្រូវបន្តវេនជូនជំនាន់ក្រោយនៃប្រទេសទាំងពីរ ឱ្យមានការយល់ដឹងត្រឹមត្រូវ បន្តវេន និងដើរតាមជំហានបន្ត។

លោកស្រីប្រធានរដ្ឋសភា Khuon Sudary បានចែករំលែកថា រដ្ឋសភាកម្ពុជាកំពុងសម្របសម្រួលយ៉ាងជិតស្និទ្ធជាមួយរដ្ឋសភាវៀតណាម ក្នុងការអនុវត្តយ៉ាងសកម្មនូវបណ្តាការប្តេជ្ញាចិត្ត និងកិច្ចព្រមព្រៀងថ្នាក់ខ្ពស់នៃប្រទេសទាំងពីរ; គូសបញ្ជាក់ថា ស្មារតី និងលទ្ធផលនៃជំនួបថ្នាក់ខ្ពស់រវាងការិយាល័យនយោបាយនៃគណបក្សកុំមុយនីស្តវៀតណាម ជាមួយគណៈអចិន្ត្រៃយ៍នៃគណបក្សប្រជាជនកម្ពុជា CPP (ខែកុម្ភៈ ឆ្នាំ ២០២៦) គឺជាទ្រនិចបង្ហាញផ្លូវ សម្រាប់ទំនាក់ទំនងស្និទ្ធស្នាលរវាងបក្សទាំងពីរ ប្រទេសទាំងពីរ ជាពិសេស ប្រទេសទាំងពីរនឹងរួមគ្នាពង្រឹងការភ្ជាប់ទំនាក់ទំនងគ្រប់ជ្រុងជ្រោយ ថែរក្សា និងពូនជ្រុំឱ្យទំនាក់ទំនងវៀតណាម - កម្ពុជា អភិវឌ្ឍន៍ប្រកបដោយស្ថិរភាព និងស្ថិតស្ថេរជាអមតៈ។

អគ្គលេខាបក្ស និងជាប្រធានរដ្ឋ To Lam បានសម្តែងនូវក្តីរីករាយយ៉ាងក្រៃលែង ក្នុងការទទួលស្វាគមន៍លោកស្រីប្រធានរដ្ឋសភា Khuon Sudary មកបំពេញទស្សនកិច្ចនៅវៀតណាម; អបអរសាទរចំពោះសមិទ្ធផលអភិវឌ្ឍន៍សេដ្ឋកិច្ច - សង្គម ដែលកម្ពុជាសម្រេចបាន ក្រោមការដឹកនាំរបស់គណបក្ស CPP ដែលដឹកនាំដោយលោកប្រធាន ហ៊ុន សែន ព្រមទាំងការគ្រប់គ្រងរបស់រដ្ឋសភា និងរដ្ឋាភិបាលកម្ពុជា ធ្វើឱ្យជីវភាពរស់នៅរបស់ប្រជាជនកម្ពុជាកាន់តែត្រូវបានលើកកម្ពស់ពីមួយថ្ងៃទៅមួយថ្ងៃ។ អគ្គលេខាបក្ស និងជាប្រធានរដ្ឋ បានអះអាងថា វៀតណាមតែងតែគាំទ្រកម្ពុជាអភិវឌ្ឍន៍ប្រកបដោយសន្តិភាព ស្ថិរភាព និងសិរីសួស្តី; គូសបញ្ជាក់ថា ទំនាក់ទំនងរវាងបក្សទាំងពីរ ប្រទេសទាំងពីរ វៀតណាម - កម្ពុជា គឺជាទ្រព្យសម្បត្តិរួមដ៏កាត់ថ្លៃមិនបាន ចាំបាច់ត្រូវបន្តលើកកម្ពស់កម្រិតទំនាក់ទំនងតាមច្រកបក្ស រដ្ឋសភា និងរដ្ឋាភិបាល ដើម្បីតម្រង់ទិសជូនបណ្តាក្រសួង ស្ថាប័ន និងមូលដ្ឋាននៃប្រទេសទាំងពីរ ពង្រឹងកិច្ចសហប្រតិបត្តិការ ជួយឧបត្ថម្ភគ្នាទៅវិញទៅមកដើម្បីរួមគ្នាអភិវឌ្ឍន៍។

អគ្គលេខាបក្ស និងជាប្រធានរដ្ឋ To Lam បានសម្តែងនូវក្តីរីករាយ ចំពោះជំហានអភិវឌ្ឍន៍យ៉ាងស៊ីជម្រៅ និងទូលំទូលាយនៃទំនាក់ទំនងរវាងប្រទេសទាំងពីរ ជាពិសេសគឺទំនាក់ទំនងរវាងគណបក្សកុំមុយនីស្តវៀតណាម និងគណបក្ស CPP ជាមួយនឹងទំនុកចិត្តនយោបាយជាគ្រឹះស្ថាន។ ដោយវាយតម្លៃខ្ពស់ចំពោះលទ្ធផលនៃជំនួបភាក្សាការងាររវាងលោកស្រីប្រធានរដ្ឋសភា Khuon Sudary ជាមួយប្រធានរដ្ឋសភាលោក Tran Thanh Man អគ្គលេខាបក្ស និងជាប្រធានរដ្ឋ To Lam បានស្នើឱ្យរដ្ឋសភានៃប្រទេសទាំងពីរ ជំរុញយ៉ាងសកម្មនូវបណ្តាកម្មវិធី និងគម្រោងកិច្ចសហប្រតិបត្តិការរវាងប្រទេសទាំងពីរ សម្របសម្រួលស្រាវជ្រាវ និងចេញផ្សាយនូវបណ្តានយោបាយ បង្កលក្ខណៈងាយស្រួល ឱ្យទំនាក់ទំនងរវាងប្រទេសទាំងពីរ កាន់តែមានភាពជាក់ស្តែង និងមានប្រសិទ្ធភាព។

អគ្គលេខាបក្ស និងជាប្រធានរដ្ឋ បានអះអាងថា វៀតណាមតែងតែគាំទ្រកម្ពុជាអភិវឌ្ឍន៍ប្រកបដោយសន្តិភាព ស្ថិរភាព និងសិរីសួស្តី។

ភាគីទាំងពីរបានគូសបញ្ជាក់ពីអត្ថន័យយុទ្ធសាស្ត្រនៃទំនាក់ទំនងរវាងបក្សទាំងពីរ ប្រទេសទាំងពីរ និងរវាងបក្សទាំងបី ប្រទេសទាំងបី វៀតណាម - កម្ពុជា - ឡាវ ក្នុងស្ថានការណ៍ថ្មី ជាពិសេសគឺទំនុកចិត្តនយោបាយ កិច្ចសហប្រតិបត្តិការយ៉ាងជិតស្និទ្ធលើវិស័យការពារជាតិ - សន្តិសុខ ការភ្ជាប់ទំនាក់ទំនងផ្នែកសេដ្ឋកិច្ច និងការយល់ដឹង ជិតស្និទ្ធរវាងប្រជាជន; ព្រមទាំងតម្កើងតម្លៃតួនាទីរបស់បក្ស ក្នុងការតម្រង់ទិសយុទ្ធសាស្ត្រសម្រាប់សរុបរួមនៃទំនាក់ទំនងទ្វេភាគី និងត្រីភាគី ការចង្អុលបង្ហាញយ៉ាងម៉ឺងម៉ាត់ជូនរដ្ឋាភិបាល បណ្តាក្រសួង ស្ថាប័ន ក្នុងការជាក់ស្តែងនិយមនូវបណ្តាលទ្ធផលទទួលបាន; ពង្រីកប្រសិទ្ធភាពនៃបណ្តាយន្តការកិច្ចសហប្រតិបត្តិការ ជាពិសេសគឺយន្តការនៃជំនួបរវាងនាយករដ្ឋមន្ត្រីទាំងបី ប្រធានរដ្ឋសភាទាំងបី រដ្ឋមន្ត្រីក្រសួងការពារជាតិទាំងបី រដ្ឋមន្ត្រីក្រសួងនគរបាល/មហាផ្ទៃទាំងបី និងរដ្ឋមន្ត្រីក្រសួងការបរទេសទាំងបី។

ភាគីទាំងពីរបានផ្លាស់ប្តូរ និងចែករំលែកទស្សនៈអំពីបណ្តាបញ្ហាអន្តរជាតិ និងតំបន់ដែលជាការយកចិត្តទុកដាក់ដូចគ្នា; ឯកភាពសម្របសម្រួលយ៉ាងជិតស្និទ្ធ និងគាំទ្រគ្នាទៅវិញទៅមកនៅឯបណ្តាវេទិកាតំបន់ និងអន្តរជាតិ ជាពិសេសគឺនៅក្នុងអង្គការអាស៊ាន និងអនុតំបន់មេគង្គ។ អគ្គលេខាបក្ស និងជាប្រធានរដ្ឋ To Lam បានគូសបញ្ជាក់ពីតួនាទីរបស់អាស៊ាន និងសារៈសំខាន់នៃបរិយាកាសសន្តិភាព ស្ថិរភាព ចំពោះគ្រប់ប្រទេសទាំងអស់នៅក្នុងតំបន់ និងលើពិភពលោក; អះអាងថា វៀតណាមតែងតែត្រៀមខ្លួនជាស្រេចក្នុងការសម្របសម្រួលយ៉ាងជិតស្និទ្ធ និងចូលរួមយ៉ាងសកម្មក្នុងបណ្តាកិច្ចខិតខំប្រឹងប្រែងរួមរបស់អាស៊ាន រួមចំណែករក្សាសន្តិភាព ស្ថិរភាព កិច្ចសហប្រតិបត្តិការ ការអភិវឌ្ឍ ពង្រឹងស្មារតីសាមគ្គីភាពផ្ទៃក្នុង និងតួនាទីមជ្ឈមណ្ឌលរបស់អាស៊ាន។

នាឱកាសនេះ អគ្គលេខាបក្ស និងជាប្រធានរដ្ឋ To Lam បានផ្ញើពាក្យសួរសុខទុក្ខ និងជជូនពរសុខភាពចំពោះបណ្តាមេដឹកនាំថ្នាក់ខ្ពស់នៃប្រទេសកម្ពុជា៕

ខេត្ត Gia Lai ធ្វើឱ្យជាក់ស្តែងនូវបណ្តាកិច្ចព្រមព្រៀងសហប្រតិបត្តិការឆ្នាំ ២០២៦ ជាមួយបណ្តាខេត្តភាគខាងត្បូងឡាវ និងភាគភូមិភាគឥសានកម្ពុជា យុគសម័យ - គណៈកម្មាធិការប្រជាជនខេត្ត Gia Lai ទើបតែបានដាក់ចេញនូវបណ្តាផែនការដាក់ពង្រាយកិច្ចសហប្រតិបត្តិការឆ្នាំ ២០២៦ ជាមួយខេត្តចំនួន ៤ ភាគខាងត្បូងឡាវ និងខេត្តចំនួន ៣ ភាគភូមិភាគឥសានកម្ពុជា សំដៅធ្វើឱ្យជាក់ស្តែងនូវបណ្តាកំណត់ហេតុនៃការយោគយល់គ្នាសហប្រតិបត្តិការដំណាក់កាល ២០២៦-២០៣០។ នេះគឺជាជំហានដើរដ៏សំខាន់ រួមចំណែកបង្កើនទំនាក់ទំនងមិត្តភាព ជម្រុញការផ្សារភ្ជាប់ការអភិវឌ្ឍ និងពង្រីកកិច្ចសហប្រតិបត្តិការគ្រប់ជ្រុងជ្រោយរវាងបណ្តាមូលដ្ឋានជាប់ព្រំដែននៃប្រទេសទាំងបី វៀតណាម - ឡាវ - កម្ពុជា។

ដំណើរស្វែងរកមិត្តរួមប្រយុទ្ធក្នុងចំណោមព្រៃព្រឹក្សានៃប្រទេសកម្ពុជា យុគសម័យ - ចាប់តាំងពីដើមឆ្នាំរហូតមកដល់ពេលនេះ ក្រុម K72 ស្វែងរក និងប្រមូលផ្តុំបានអដ្ឋិធាតុយុទ្ធជនពលីចំនួន ៥៧ រូប នៅប្រទេសកម្ពុជា។ នៅពីក្រោយបណ្តាតួលេខទាំងនោះ គឺជាដំណើរពោរពេញដោយភាពលំបាកវេទនារបស់បណ្តាយុទ្ធជនដែលបំពេញភារកិច្ចសម្តែងការដឹងគុណ ខណៈពេលដែលស្លាកស្នាមសង្គ្រាមកាន់តែរំសាយទៅៗតាមពេលវេលា។

សុវណ្ណ