យុគសម័យ - នាថ្ងៃទី ១៦ ខែមេសា បញ្ជាការដ្ឋានយោធភូមិភាគទី ៥ និងបញ្ជាការដ្ឋានយោធាខេត្ត - ក្រុងនានា នៃយោធភូមិភាគទី ៥ បានរៀបចំពិធីប្រគល់សំភារៈឧបករណ៍វេជ្ជាសាស្ត្រជូនដល់អង្គភាពមួយចំនួននៃកងទ័ពឡាវ និងកងយោធពលខេមរភូមិន្ទ ដើម្បីប្រយុទ្ធប្រឆាំងនឹង ជំងឺរាតត្បាត Covid- ១៩ ដែលមានតម្លៃសរុបជាង ៤,៧ ពាន់លានដុង។
បញ្ជាការដ្ឋានយោធាខេត្ត Quang Nam ប្រគល់ម៉ាស់វេជ្ជាសាស្ត្រ ជូនដល់បញ្ជាការយោធាខេត្តសេកុង នៃប្រទេសឡាវ។ (រូបថត៖ Nhan dan)
ពិធីប្រគល់នេះបានរៀបចំ ដោយយោធភូមិភាគទី ៥ នៅទីតាំងចំនួន ៤ ។ ក្នុងនោះពិធីប្រគល់សម្ភារៈ ឧបករណ៍វេជ្ជសាស្ត្រជូនដល់ប្រទេសឡាវដែលបានធ្វើឡើងនៅច្រកទ្វារព្រំដែន Nam Giang (ខេត្ត Quang Nam) និងច្រកព្រំដែន Bo Y (ខេត្ត Kom Tum) ។ ពិធីប្រគល់សម្ភារៈ ឧបករណ៍វេជ្ជសាស្ត្រ ជូនដល់យោធភូមិភាគទី ១ នៃកងយោធពលខេមរភូមិន្ទ ប្រទេសកម្ពុជា បានធ្វើឡើងនៅច្រកទ្វារព្រំដែន Le Thanh (ខេត្ត Gia Lai) និងច្រកទ្វារព្រំដែន Bu P’rang (ខេត្ត Dak Nong) ។
យោធភូមិភាគទី ៥ បានផ្តល់ទេម៉ូម៉េតេអ៊ីនហ្វ្រារ៉េដ ចំនួន ២៩៥ គ្រឿង សម្លៀកបំពាក់ការពារផ្ទាល់ខ្លួនជាង ៥៨០០ ឈុត ម៉ាស៊ីនបាញ់ថ្នាំកម្ចាត់មេរោគចំនួន ១៥០ គ្រឿង និងម៉ាស់ ស្រោមដៃ និងស្បៀងអាហារជាច្រើនទៀត ជូនដល់កងទ័ពនៃប្រទេសទាំងពីរដែលមានតំលៃសរុបជាង ៤.៧ ពាន់លានដុង./.
（បកប្រែដោយឌីណា）
មតិពីមិត្តអ្នកអាន