យុគសម័យ - ក្នុងឧកាសអបអរសាទរខួបលើកទី ៧០ នៃទិវាប្រពៃណី (១៧ វិច្ឆិកា ១៩៥០ ដល់ ១៧ ខែវិច្ឆិកាឆ្នាំ ២០២០) របស់សម្ព័ន្ធអង្គការមិត្តភាពវៀតណាម ឯកអគ្គរដ្ឋទូតសហរដ្ឋអាមេរិកប្រចាំនៅវៀតណាមបានចែករំលែក អបអសាទរនិងការរំពឹងទុកអំពីសម្ព័ន្ធនៅពេលខាងមុខនេះ។
ឯកអគ្គរដ្ឋទូតសហរដ្ឋអាមេរិកប្រចាំនៅវៀតណាមលោក Daniel J. Kritenbrink
ខ្ញុំពិតជារីករាយនិងមានកិត្តិយសដែលបានធ្វើជាឯកអគ្គរដ្ឋទូតប្រចាំនៅប្រទេសវៀតណាម។ ខ្ញុំមានវត្តមាននិងធ្វើការនៅវៀតណាម - រហូតមកដល់ពេលនេះអស់រយៈពេល ៣ ឆ្នាំហើយ នេះគឺជាពេលវេលាមួយដែលមិនអាចបំភ្លេចបានសម្រាប់ខ្ញុំ។
ក្នុងអំឡុងពេលដែលខ្ញុំធ្វើការនៅវៀតណាម ក្នុងនាមជាឯកអគ្គរដ្ឋទូត ខ្ញុំមានសេចក្តីរីករាយដែលបានធ្វើការនិងផ្លាស់ប្តូរជាមួយសម្ព័ន្ធអង្គការមិត្តភាពវៀតណាម (សម្ព័ន្ធមិត្តភាព)។ ខ្ញុំគិតថា សម្ព័ន្ធមិត្តភាពដើរតួនាទីយ៉ាងសំខាន់ក្នុងការលើកកម្ពស់ទំនាក់ទំនងការទូតរវាងប្រទេសទាំងពីរ។ មូលដ្ឋានគ្រឹះសំខាន់មួយក្នុងទំនាក់ទំនងវៀតណាម - សហរដ្ឋអាមេរិកគឺទំនាក់ទំនងរវាងប្រជាជននិងប្រជាជន។ សម្ព័ន្ធមិត្តភាពពិតជាដើរតួនាទីឆ្នើមក្នុងការជួយប្រជាជននៃប្រទេសទាំងពីរឱ្យមានការយល់ដឹងនិងការយោគយល់គ្នាទៅវិញទៅមកតាមរយៈសកម្មភាពរួមគ្នារបស់អង្គកាក្រៅរដ្ឋាភិបាល។
ខ្ញុំគិតថា ប្រជាជនវៀតណាមនិងសហរដ្ឋអាមេរិកតែងតែមានអារម្មណ៍ពិសេសចំពោះគ្នាទៅវិញទៅមក។ ក្នុងអំឡុងពេលដែលខ្ញុំរស់នៅនិងធ្វើការនៅវៀតណាម ខ្ញុំតែងតែដឹងពីអារម្មណ៍កក់ក្តៅនិងសុភាពរាបសារបស់ប្រជាជនវៀតណាមចំពោះប្រជាជនអាមេរិក។ ខ្ញុំតែងតែទទួលបានការចាប់អារម្មណ៍ពីសុឆន្ទៈរបស់ប្រជាជនទាំងនៅវៀតណាមនិងអាមេរិក ដោយមានបំណងចង់យកឈ្នះអតីតកាលដើម្បីក្លាយជាមិត្តនិងដៃគូនាពេលបច្ចុប្បន្ននេះ។ សម្ព័ន្ធមិត្តភាពបានរៀបចំការជំរុញទឹកចិត្តរួមគ្នាជាច្រើននិងបានបង្កើតសមិទ្ធិផលជាច្រើនក្នុងរយៈពេល ២៥ ឆ្នាំកន្លងមកនេះ។
យើងនឹងបន្តចូលរួមរាល់សកម្មភាពរួមគ្នាដូចជា៖ ការបោសសំអាតគ្រាប់បែកនិងមីន ការយកឈ្នះលើផលវិបាកនៃសារធាតុគីមីពណ៌ទឹកក្រូច ជួយដល់ជនរងគ្រោះ។ សម្ព័ន្ធមិត្តភាពមានសកម្មភាពផ្សេងៗគ្នាដែលលើកកម្ពស់កិច្ចសហប្រតិបត្តិការនិងការយល់ដឹងរួមក្នុងចំណោមអតីតយុទ្ធជន។ ខ្ញុំគិតថា ទាំងនេះគឺជាសកម្មភាពដែលមានអត្ថន័យបំផុត។ ខ្ញុំសង្ឃឹមថា ចូលរួមនិងរួមជាមួយសម្ព័ន្ធមិត្តភាពក្នុងសកម្មភាពទាំងនោះ ក៏ដូចជាសកម្មភាពថ្មីៗនាពេលអនាគត៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន