យុគសម័យ - GNI និងមជ្ឈមណ្ឌលសហប្រតិបត្តិការមិត្តភាពខេត្ត Hai Duong ទើបតែចុះហត្ថលេខាលើអនុស្សរណៈនៃការយោគយល់គ្នាស្តីពីការផ្តល់ជំនួយដើម្បីបង្កើនប្រសិទ្ធភាពនៃសកម្មភាពជំនួយមនុស្សធម៌។
អនុស្សរណៈនៃការយោគយល់ដែលត្រូវបានចុះហត្ថលេខាដោយតំណាងនៃមជ្ឈមណ្ឌលសហប្រតិបត្តិការមិត្តភាពខេត្ត Hai Duong និង GNI។
នាថ្ងៃទី ១៥ ខែតុលាឆ្នាំ ២០២០ អង្គការក្រៅរដ្ឋាភិបាល Good Neighbors International (GNI) រួមជាមួយមជ្ឈមណ្ឌលសហប្រតិបត្តិការមិត្តភាព (សម្ព័ន្ធអង្គការមិត្តភាពខេត្ត Hai Duong) បានចុះហត្ថលេខាលើអនុស្សរណៈនៃការយោគយល់គ្នាស្តីពីការផ្តល់ជំនួយដើម្បីកែលំអប្រសិទ្ធភាពនៃការអនុវត្តសកម្មភាពជំនួយមនុស្សធម៌ ឆ្លើយតបនឹងតម្រូវការជីវភាពរស់នៅចាំបាច់របស់សហគមន៍នៅតំបន់លំបាកនៃខេត្ត Hai Duong។
នៅក្នុងពិធីនោះ លោកស្រី Do Thi Hai Yen នាយកមជ្ឈមណ្ឌលសហប្រតិបត្តិការមិត្តភាពខេត្ត Hai Duong បានសម្ដែងអំណរគុណចំពោះការខិតខំប្រឹងប្រែងរបស់ GNI ក្នុងការជួយឧបត្ថម្ភដល់ស្ថានការណ៍លំបាកៗតាមរយៈអំណោយចាំបាច់នានាដូចជា សម្លៀកបំពាក់ ស្បែកជើង សម្ភារៈសាលារៀន។ល។ចាប់ពីឆ្នាំ ២០១៦ ដល់បច្ចុប្បន្ននេះ។ មានតែក្នុងឆ្នាំ ២០២០ ទេ GNI បានផ្តល់អាវ T-shirt ចំនួន ១៧.៥១៤ ដែលមានតម្លៃសរុបជាង ១១៧ ពាន់ដុល្លារដល់អ្នកទទួលផលប្រហែលចំនួន ២,០៥៦ នាក់នៅស្រុក Cam Giang ខេត្ត Hai Duong។
ជាមួយនឹងការចុះហត្ថលេខាលើកិច្ចព្រមព្រៀងខាងលើ កិច្ចសហប្រតិបត្តិការរវាង GNI និងមជ្ឈមណ្ឌលសហប្រតិបត្តិការមិត្តភាពខេត្ត Hai Duong ត្រូវបានរឹតបន្តឹងថែមទៀត។
GNI បានប្តេជ្ញាបន្តក្លាយជាស្ពានរវាងសហគ្រាស សប្បុរសជនជាមួយអ្នកដែលជួបការលំបាកនៅខេត្ត Hai Duong និយាយដោយឡែក និងវៀតណាមនិយាយរួម៕（បកប្រែដោយសាមេត）
（ប្រភពព័ត៌មាន: thoidai.com.vn）
មតិពីមិត្តអ្នកអាន