យុគសម័យ - សមាគមនិស្សិតវៀតណាមនៅប្រទេសកូរ៉េខាងត្បូង (VSAK) កំពុងបន្តអនុវត្តកម្មវិធីបរិច្ចាគម៉ាស់សម្រាប់និស្សិតវៀតណាមនៅទូទាំងប្រទេសកូរ៉េខាងត្បូង។
កម្មវិធីនេះបានធ្វើឡើង នៅឯបណ្តាសាកលវិទ្យាល័យដែលមានសាខានិស្សិតវៀតណាម។ ផ្អែកលើស្ថានភាពនៃការរីករាលដាលនៃជំងឺនេះនៅប្រទេសកូរ៉េខាងត្បូងគណៈកម្មាធិការរៀបចំកម្មវិធីនេះបានជ្រើសរើសសកលវិទ្យាល័យដែលមានចំនួននិស្សិតវៀតណាមជាច្រើន ហើយមានទីតាំងស្ថិតក្នុងតំបន់ដែលមានស្ថានភាពស្មុគស្មាញនៃការរីករាលដាលនៃជំងឺនេះ ដើម្បីចែកចាយម៉ាស់។
គេដឹងថា បន្ទាប់ពីរយៈពេលជាង ៦ ខែនៃការចាប់ផ្តើមកម្មវិធីនេះ“ និស្សិតវៀតណាមនៅកូរ៉េខាងត្បូង - ការចូលរួមក្នុងការប្រយុទ្ធប្រឆាំងនឹងការរីករាលដាលនៃជំងឺ COVID-19” ដែលអនុវត្តដោយ VSAK បានជួយនិស្សិតវៀតណាមរាប់ពាន់នាក់មានសុវត្ថិភាពនិងស្ថេរភាព និងយកចិត្តទុកដាក់លើការរៀនសូត្រនិងរស់នៅក្នុងប្រទេសកូរ៉េខាងត្បូង។
កម្មវិធី“ និស្សិតវៀតណាមនៅកូរ៉េខាងត្បូង - ការចូលរួមក្នុងការប្រយុទ្ធប្រឆាំងនឹងការរីករាលដាលនៃជំងឺ COVID-19” ដែលរៀបចំឡើងដោយសមាគមនិស្សិតវៀតណាមនៅកូរ៉េខាងត្បូង (VSAK) ។ (រូបថត៖(Thoi Dai)
ដើម្បីជួយគាំទ្រនិស្សិតវៀតណាមនៅតំបន់ទីក្រុងសេអ៊ូលដែលត្រូវបានគេចាត់ទុកដូចជាតំបន់បង្កប់ហានិភ័យខ្ពស់នៃការឆ្លងមេរោគ VSAK នៅតែបន្តផ្តល់ម៉ាស់ចំនួន ៤.៥០០ និងដបទឹកលាងដៃស្ងួត ម៉ាក Dr.Althea ចំនួន ២,២០០ ដបជូនទៅសាខានិស្សិតវៀតណាម នៅសកលវិទ្យាល័យ ស្ថិតក្នុងនៅទីក្រុងសេអ៊ូល។
ក្នុងរយៈពេលប៉ុន្មានឆ្នាំកន្លងមកនេះ កំណើនចំនួននិស្សិតវៀតណាមដែលមកប្រទេសកូរ៉េខាងត្បូង ដើម្បីសិក្សា ស្រាវជ្រាវ ការងារសមាគមនិងចលនានិស្សិតវៀតណាម នៅកូរ៉េខាងត្បូងក៏មានការរីកចម្រើនជាបន្តបន្ទាប់ និងមានចលនាដែលមានអត្ថន័យជាក់ស្តែងជាច្រើន./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន