យុគសម័យ - ដោយបានដំណើរការអស់រយៈពេល ១៥ ឆ្នាំហើយ គំរូ“ វង្សត្រកូលប្រកបដោយសុខសាន្តត្រាណ” នៅស្រុក Tua Chua ខេត្ត Dien Bien មិនត្រឹមតែបានបញ្ជាក់ពីប្រសិទ្ធភាពក្នុងការផ្សព្វផ្សាយគោលនយោបាយនិងច្បាប់របស់បក្ស រដ្ឋដល់ប្រជាជនក្នុងវង្សត្រកូលប៉ុណ្ណោះទេ។ គំរូនេះក៏ជួយគាំទ្រដល់គ្រួសារក្រីក្រនៅក្នុងវង្សត្រកូល ដើម្បីអភិវឌ្ឍសេដ្ឋកិច្ចគ្រួសារ កាត់បន្ថយភាពក្រីក្រ ថែមទាំងក៏ទទួលបានជោគជ័យជាច្រើនក្នុងការនាំជនដែលធ្លាប់ធ្វើខុសឆ្គងវិលត្រឡប់រស់នៅក្នុងសហគមន៍វិញនិងកសាងជីវិតឡើងវិញ។
លោកវរសេនីយ៍ទោ Giang A Khu អនុប្រធានក្រុមការងារកសាងចលនា នគរបាលស្រុក Tua Chua បានមានប្រសាសន៍ថា“ កាលពីមុនការវិលត្រឡប់របស់ជនបានដោះលែងចេញពីពន្ធនាគារដែលគឺជាកង្វល់ដ៏ធំមួយរបស់ប៉ូលីសនៅស្រុករបស់យើង។ ដោយសារតែបន្ទាប់ពីត្រូវបានដោះលែងចេញពីពន្ធនាគារ ពួកគេមានការខ្វល់ចិត្តខ្លាំងក្នុងការកសាងជីវិតឡើងវិញ ក៏ដូចជាការរួមបញ្ចូលខ្លួនក្នុងសហគមសង្គម។ មនុស្សជាច្រើនមិនអាចចាប់ផ្តើមជីវិតរបស់ពួកគេឡើងវិញដូចធម្មតាបានទេ ដូច្នេះពួកគេ "ធ្វើតាមរបៀបចាស់ទៀតផង (បន្តមានសកម្មភាពខុសច្បាប់)" ដែលមានឥទ្ធពលដល់សន្តិសុខនិងសណ្តាប់ធ្នាប់និងបង្កើតស្ថានភាពដ៏ស្មុគស្មាញក្នុងតំប់។ ប៉ុន្តែចាប់តាំងពីមានគំរូ "វង្សត្រកូលប្រកបដោយសុខសាន្តត្រាណ" ដែលបានក្លាយជាសសរស្តម្ភខាងវិញ្ញាណដ៏រឹងមាំសម្រាប់ជនធ្លាប់ធ្វើខុសឆ្គងដែលអាចវិលត្រឡប់រស់នៅក្នុងសហគមន៍ឡើងវិញ។ ហើយក្នុងនោះមេវង្សត្រកូលដើរតួនាទីយ៉ាងសំខាន់ៗក្នុងដំណើរការនៃការទទួល និងការឃោសនា ចលនា និងគាំទ្រដល់ជនដែលបានដោះលែងចេញពីពន្ធនាគារ ឲ្យវិលត្រឡប់រស់នៅក្នុងសហគមឡើងវិញ” ។
យើងបានទៅសួរសុខទុក្ខក្រុមគ្រួសាររបស់លោក Giang A Tung អាយុ ៣៥ ឆ្នាំ ដែលរស់នៅក្នុងភូមិ He ឃុំ Xa Nhe ស្រុក Tua Chua ។ ផ្ទះរបស់លោក Tung ទើបតែសាងសង់តាមបែបផ្ទះរបស់ជនជាតិ Mong។ ជួបយើងនៅពេលដំបូង លោក Tung នៅតែមានភាពខ្មាស់អៀន ប៉ុន្តែក្រោយមកគាត់បានចាប់ផ្តើមនិយាយអ្វីៗដែលដក់ជាប់ក្នុងដួងចិត្ត ដើម្បីចែករំលែកអំពីកំហុសក្នុងអតីតកាលនិងវិធីវិលត្រឡប់ទៅរកជីវិតធម្មតាក្នុងសហគម នាពេលកន្លងមក។
បណ្តាមេវង្សត្រកូលនៅស្រុក Tua Chua និងកម្លាំងប៉ូលីសស្រុកមកសួរសុខទុក្ខ ឃោសនានិងទទួលយកជនធ្លាប់ធ្វើខុសឆ្គងដែលវិលត្រឡប់រស់នៅក្នុងសហគមឡើងវិញ។
កាលពី ៧ ឆ្នាំមុនលោក Tung ជាប់ពន្ធនាគារដោយការរំលោភក្មេងស្រីមិនទាន់គ្រប់អាយុ។ “ ដោយមើលឃើញថាខ្ញុំរស់នៅដោយមិនទាក់ទងជាមួយប្រជាជនជារឿយ ៗ នៅដាក់ខ្លួនក្នុងផ្ទះ មេវង្សត្រកូល Giang គឺ លោក Giang A Ky ជាមួយបងប្អូនមួយចំនួនទៀតក្នុងត្រកូល រួមជាមួយអាធ្ញាធរក្នុងតំបន់ដែលមកសួរសុខទុក្ខ និងលើកទឹកចិត្តខ្ញុំ។ នាំខ្ញុំទៅជួបប្រជាជនរស់ក្នុងភូមិ ហើយបង្រៀនខ្ញុំពីរបៀបធ្វើការ ដើម្បីអភិវឌ្ឍសេដ្ឋកិច្ចគ្រួសារ។ ដោយមើលឃើញប្រជាជនក្នុងភូមិមានភាពជិតស្និទ្ធ និងរួសរាយរាក់ទាក់និងត្រៀមខ្លួនទទួលយកខ្ញុំដែលធ្វើឲ្យខ្ញុំពិតជារំជួលចិត្តខ្លាំងណាស់ ដូច្នេះខ្ញុំប្តេជ្ញាថានឹងកសាងជីវិតថ្មី។
បានគេឲ្យដឹងថា ដើម្បីជួយឱ្យលោក Tung វិលត្រលប់រកជិវិតធម្មតាក្នុងសហគមន៍ មេវង្សត្រកូល លោកGiang A Ky បានខិតខំឃោសនានិងចលនា អស់រយៈពេលជាច្រើនខែ។ លោក Ky ដើរតួនានទីជាលេខាសាខាបក្សនិងជាមនុស្សម្នាក់ដែលមានកិត្យានុភាពនៅក្នុងភូមិ ដោយទទួលបានសមិទ្ធិផលជាច្រើនក្នុងការផ្សព្វផ្សាយគោលនយោបាយរបស់បក្ស រដ្ឋ អភិវឌ្ឍសេដ្ឋកិច្ចក្នុងតំបន់ លោក Giang A Ky ត្រូវបានបងប្អូនសាច់ញាតិក្នុងវង្សត្រកូលរបស់គាត់ជឿទុកចិត្ត ហើយក្លាយទៅជាមេវង្សត្រកូល Giang។ លោកGiang A Ky បានឃោសនាឱ្យបងប្អូនក្នុងវង្សត្រកូលយល់ដឹង ចែករំលែកនិងទទួលយកមនុស្សម្នាក់ដែលធ្លាប់ធ្វើខុសឆ្គងគឺលោក Giang A Tung។
មិនត្រឹមតែវិលត្រឡប់រស់នៅក្នុងសហគមឡើងវិញ ដោយធ្វើការយ៉ាងសកម្មនិងជៀសផុតពីភាពក្រីក្រ មនុស្សមួយចំនួនទៀតកសាងនិងអភិវឌ្ឍសេដ្ឋកិច្ចគ្រួសារប្រកបដោយស្ថេរភាពនិងក្លាយជាអ្នកមាន នៅក្នុងស្រុកកំណើតរបស់ខ្លួនផងដែរ ផ្អែកទៅលើការគាំទ្រនិងការជួយឧបត្ថម្ភពីវង្សត្រកូល។ នោះជាករណីរបស់លោកMao Van Oi រស់នៅក្រុមទី ៧ ឃុំMuong Bangស្រុក Tua Chua ។
កាលពី ១០ ឆ្នាំមុនដោយសារតែប្រើកាំភ្លើងច្នៃនៅផ្ទះលោក Oi បានបាញ់សម្លាប់មនុស្សម្នាក់ដោយចៃដន្យហើយត្រូវបានកាត់ទោសឱ្យជាប់ពន្ធនាគារ។ ដោះលែងចេញពីពន្ធនាគារ ក្នុងរយៈពេល ៦ ឆ្នាំដោយទទួលការស្វាគមន៍និងការគាំទ្រពីវង្សត្រកូល Mao នៅឃុំ Muong Bang លោក Oi បានវិនិយោគបើករោងជាងឈឺមួយ នៅផ្ទះសេដ្ឋកិច្ចរបស់គាត់កាន់តែរីកចម្រើន។
លោកMao Van Niem មេវង្សត្រកូល Mao នៅឃុំ Muong Bang បានមានប្រសាសន៍ថា“ នៅពេលលោក Oi ទើបតែដោះលែងចេញពីពន្ធនាគារ ក្រុមគ្រួសាររបស់គាត់មានបងប្អូនជាច្រើន ជីវិតគឺលំបាកណាស់។ ដោយមើលឃើញពីការលំបាករបស់លោក Oi វង្សត្រកូល Mao បានជួបជុំគ្នានិងពិភាក្សាដើម្បីបរិច្ចាគថវិកាមយយសម្រាប់លោក Oi អភិវឌ្ឍសេដ្ឋកិច្ចរបស់គ្រួសារ ។ ដោយមានថវិការមានទឹកប្រាក់ជិត ១០០ លានដុងលោក Oi បានវិនិយោគនិងបើករោងជាងឈើមួយ។ ដោយសារតែជំនាញរបស់គាត់ គ្រឿងសង្ហរឹមដូចជាទូតុគ្រែ ... ដែលប្រជាជនអូយបានបញ្ជាទិញច្រើន ដូច្នេះលោក Oi ទទួលប្រាក់ចំណូលខ្ពស់។ រហូតមកដល់ពេលនេះក្រុមគ្រួសាររបស់គាត់មិនត្រឹមតែបានរួចផុតពីភាពក្រីក្រប៉ុណ្ណោះទេប៉ុន្តែថែមទាំងមានជីវភាពធូរធាទៀតផង” ។
ស្រុកTua Chuaបច្ចុប្បន្នមានវង្សត្រកូលចំនួន ១៣៧ គ្រួសារក្នុងនោះវង្សត្រកូលចំនួន ៩០ (ភាគច្រើនគឺជាជនជាតិ Mong និងជនជាតិ Thai) កំពុងប្រតិបត្តិការយ៉ាងខ្លាំងតាមគំរូ“ វង្សត្រកូលប្រកបដោយសុខសាន្តត្រាណ” ជាពិសេសដូចជាវង្សត្រកូល៖ Giang Sung Thao Mua Quang Tong Lo ... ដោយការជួយគាំទ្រពីវង្សត្រកូល មនុស្សជាច្រើនដែលធ្លាប់ធ្វើខុសឆ្គងបានវិលត្រឡប់រស់នៅក្នុងសហាគមឡើងវិញ។
មានការពិតដែលថាមនុស្សម្នាក់ដែលធ្លាប់ដោះលេងចេញពីពន្ធនាគារ គេតែងតែមានភាពខ្មាស់អៀនជាពិសេសជាមួយសាច់ញារបស់គេ។ ពីទីនោះហើយមិនហ៊ានទាក់ទងជាមួយអ្នកខាងក្រៅ។ ប៉ុន្តែគំរូ“វង្សត្រកូលប្រកបដោយសុខសាន្តត្រាណ” នៅស្រុក Tua Chua បានផ្លាស់ប្តូរប្រការខាងលើនេះ។ ជនធ្លាប់ធ្វើខុសឆ្គងមានឱកាសកាន់តែច្រើន ដោយការទទួលស្វាគមន៍និងការគាំទ្រពីវង្សត្រកូលដែលធ្វើឲ្យពួកគេជឿជាក់យ៉ាងមុតមាំលើជីវិតថ្មីនិងវិលត្រលប់រស់នៅក្នុងសហគមប្រកបដោយសុខសាន្តនិងសុភមង្គល./.（បកប្រែដោយឌីណា）
（ប្រភពព័ត៌មាន: thoidai.com.vn）
មតិពីមិត្តអ្នកអាន