ប្រធានគណៈកម្មាធិការប្រជាជនខេត្ត Dien Bien លោក​ Le Thanh Do៖​ ទទួលមរតកនូវជ័យជម្នះដ៏អស្ចារ្យដើម្បីកសាង Dien Bien ឱ្យកាន់តែខ្លាំងរឹងមាំឡើង

អនុវត្តប្រកបដោយប្រសិទ្ធភាពនូវផែនការរៀបចំពិធីរំលឹកខួបលើកទី ៧០ នៃជ័យជំនះ Dien Bien Phu

អាហ្វ្រិកទទួលបានមេរៀនដ៏មានតម្លៃពីជ័យជំនះ Dien Bien Phu

លោក Le Thanh Do អនុលេខាគណៈកម្មាធិការបក្សខេត្ត និងជាប្រធានគណៈកម្មាធិការប្រជាជនខេត្ត Dien Bien

អ្នកយកព័ត៌មាន៖ តើគណៈកម្មាធិការបក្ស និងអាជ្ញាធរខេត្ត Dien Bien បានលើកតម្កើងតម្លៃនៃជ័យជំនះ Dien Bien Phu ក្នុងការអភិវឌ្ឍសេដ្ឋកិច្ចសង្គមក្នុងមូលដ្ឋានយ៉ាងដូចម្តេច?

លោក Le Thanh Do៖ Dien Bien ជាខេត្តមួយដែលមានភ្នំខ្ពស់ជាប់ព្រំដែន មានផ្ទៃដីធម្មជាតិជាង ៩,៥៤១ គីឡូម៉ែត្រក្រឡា ដែលក្នុងនោះ ៥០% នៃផ្ទៃដីមានកំពស់ជាង ១,០០០ ម៉ែត្រពីលើនីវ៉ូទឹកសមុទ្រ។ ក្នុងនោះមាន ៧០% នៃផ្ទៃដីមានជម្រាល ២៥ ដឺក្រេឬច្រើនជាងនេះ... ពិតជាពិបាកណាស់សម្រាប់ការអភិវឌ្ឍសេដ្ឋកិច្ចសង្គម។ ទោះយ៉ាងណាក៏ដោយ ការទទួលមរតកពីប្រពៃណីវីរភាព និងការលើកតម្កើងតម្លៃនៃជ័យជំនះជាប្រវត្តិសាស្ត្ររបស់ Dien Bien Phu ក្នុងរយៈពេល ៧០ ឆ្នាំកន្លងមក គណៈកម្មាធិការបក្ស អាជ្ញាធរ និងប្រជាជនគ្រប់ជនជាតិក្នុងខេត្ត Dien Bien បានចូលរួមប្រកួតប្រជែងយ៉ាងក្លៀវក្លាដើម្បីការអភិវឌ្ឍ សេដ្ឋកិច្ចសង្គម ធានាការការពារជាតិ សន្តិសុខ រឹងមាំ ជីវភាពខាងសម្ភារៈ និងស្មារតីរបស់ជនជាតិភាគតិចក្នុងខេត្តបានផ្លាស់ប្តូរ និងរីកចម្រើន។

ជាពិសេស ក្នុងប៉ុន្មានឆ្នាំចុងក្រោយនេះខេត្ត Dien Bien តែងតែជាគោលដៅទាក់ទាញអំពីវប្បធម៌ ទេសចរណ៍ និងការវិនិយោគ រក្សាអត្រាកំណើនសេដ្ឋកិច្ចសមរម្យ កំណើននៃផលិតផលជាមធ្យមក្នុងតំបន់សរុប (GRDP) ក្នុងអំឡុងពេល ២០០៤-២០១៨ ឈានដល់ ៨.៧២% ក្នុងមួយឆ្នាំ ក្នុងរយៈពេលប៉ុន្មានឆ្នាំចុងក្រោយនេះ វាសម្រេចបានជាមធ្យមច្រើនជាង ៩% ជាមួយនឹងរចនាសម្ព័ន្ធសេដ្ឋកិច្ចផ្លាស់ប្តូរក្នុងទិសដៅត្រឹមត្រូវ។ ចំណូលថវិការដ្ឋសរុបបានកើនឡើងច្រើនជាង ១១ ដងបើធៀបនឹងឆ្នាំ ២០០៤។ មកដល់បច្ចុប្បន្ន ឃុំ សង្កាត់ និងទីប្រជុំជនចំនួន ១២៧/១២៩ ក្នុងខេត្តមានផ្លូវរថយន្តទៅដល់កណ្តាលតែម្តង។

ជាមួយនឹងគុណសម្បត្តិខាងធម្មជាតិ វប្បធម៌ និងប្រវត្តិសាស្ត្រ ភ្ញៀវទេសចរមកខេត្ត Dien Bien មានការកើនឡើងកាន់តែខ្ពស់។ បច្ចុប្បន្ននេះ ខេត្តមានកេរិ៍្តតំណែលចំនួន ៣៣។ ក្នុងនោះលេចធ្លោគឺកេរិ៍្តតំណែលប្រវត្តិសាស្រ្តថ្នាក់ជាតិពិសេសគឺសមរភូមិ Dien Bien Phu ដែលជាកេរិ៍្តតំណែលថ្នាក់ជាតិមួយក្នុងចំណោមកេរិ៍្តតំណែលថ្នាក់ជាតិទាំង១០ ជាលើកដំបូងគេបង្អស់ត្រូវបានធ្វើចំណាត់ថ្នាក់ទូទាំងប្រទេស។

អ្នកយកព័ត៌មាន៖ ដើម្បីលើកកម្ពស់សក្តានុពល និងភាពខ្លាំងរបស់ខេត្ត តើគោលនយោបាយ និងដំណោះស្រាយអ្វីខ្លះដែល Dien Bien បានកំណត់ក្នុងការអភិវឌ្ឍសេដ្ឋកិច្ចសង្គម?

លោក Le Thanh Do៖ ដើម្បីមានការអភិវឌ្ឍយ៉ាងឆាប់រហ័ស និងនិរន្តរភាព កសាងខេត្ត Dien Bien ឱ្យកាន់តែសម្បូរធូធា ស្រស់ស្អាត និងស៊ីវិល័យ រួមចំណែកដ៏សក្តិសមក្នុងបុព្វហេតុកសាង និងការពារមាតុភូមិនោះ ខេត្ត Dien Bien បន្តអនុវត្តដំណោះស្រាយប្រកបដោយភាពស៊ីសង្វាក់គ្នា និងយ៉ាងខ្លាំងក្លា ដោយបានខិតខំថា មកដល់ឆ្នាំ ២០៤៥ Dien Bien នឹងស្ថិតក្នុងក្រុមខេត្តដែលមានការអភិវឌ្ឍល្អក្នុងប្រទេស នេះបើយោងតាមសេចក្តីសម្រេចចិត្តលេខ ១១-NQ/TW ចុះថ្ងៃទី១០ ខែកុម្ភៈ ឆ្នាំ២០២២ នៃការិយាល័យនយោបាយស្តីពី “ទិសដៅអភិវឌ្ឍន៍សេដ្ឋកិច្ច-សង្គម ធានាការពារជាតិ និងសន្តិសុខនៅតំបន់កណ្តាលខាងជើង និងតំបន់ភ្នំភាគខាងជើងរហូតដល់ឆ្នាំ២០៣០ ជាមួយនឹងចក្ខុវិស័យដល់ឆ្នាំ ២០៤៥”។

អាស្រ័យហេតុនោះ ខេត្ត Dien Bien ជំរុញការអភិវឌ្ឍសេដ្ឋកិច្ចកសិកម្មតាមទិសដៅផលិតកម្មទំនិញប្រមូលផ្តុំ ការអនុវត្តបច្ចេកវិទ្យា ការអភិវឌ្ឍប្រកបដោយនិរន្តរភាពដោយផ្សារភ្ជាប់ជាមួយនឹងការកសាងជនបទថ្មី មានដំណោះស្រាយដើម្បីទាក់ទាញធុរកិច្ចក្នុងស្រុក និងបរទេស និងសម្ព័ន្ធក្រុមហ៊ុនសេដ្ឋកិច្ចធំៗឱ្យមកបណ្តាក់ទុន និងអភិវឌ្ឍផលិតផលកសិកម្មសំខាន់ៗរបស់ខេត្តក្នុងខ្សែសង្វាក់បិទជិត វិនិយោគក្នុងការទាញយកថាមពលកកើតឡើងវិញ ជាពិសេសថាមពលខ្យល់ និងថាមពលពន្លឺព្រះអាទិត្យ…។

ខេត្ត Dien Bien ផ្តោតលើការអនុវត្តឱ្យបានល្អនូវផែនការរៀបចំខេត្ត Dien Bien ដំណាក់កាល ២០២១-២០៣០ ជាមួយនឹងចក្ខុវិស័យដល់ឆ្នាំ ២០៥០ យោងតាមសេចក្តីសម្រេចអនុម័តរបស់នាយករដ្ឋមន្ត្រី បន្តពិនិត្យ កែសម្រួល និងបំពេញបន្ថែមលើផែនការមេ ការរៀបចំផែនការលម្អិតនៃតំបន់នានានៃខេត្ត។

ទទួលមរតកនូវជ័យជម្នះដ៏អស្ចារ្យដើម្បីកសាង Dien Bien ឱ្យកាន់តែខ្លាំងរឹងមាំឡើង

អ្នកយកព័ត៌មាន៖ រួមនឹងការលើកកម្ពស់ការអភិវឌ្ឍសេដ្ឋកិច្ចសង្គម តើការងារការពារជាតិ និងសន្តិសុខត្រូវយកចិត្តទុកដាក់ និងអនុវត្តដោយខេត្តយ៉ាងដូចម្តេច?

លោក Le Thanh Do៖ ក្នុងប៉ុន្មានឆ្នាំថ្មីៗនេះ រួមជាមួយបណ្តាមូលដ្ឋាននៅទូទាំងប្រទេស ខេត្ត Dien Bien បានលើកតម្កើងស្មារតីសាមគ្គីភាព ខ្លួនទីពឹងខ្លួន ជំនះរាល់ការលំបាក និងបញ្ហាប្រឈមនានា បំពេញឱ្យបានគ្រប់ជ្រុងជ្រោយនូវគោលដៅ និងភារកិច្ចដែលបានកំណត់ នៃសេចក្តីសម្រេចចិត្តនៃមហាសន្និបាតបក្សលើកទី១៣ និងសេចក្តីសម្រេចចិត្តនៃមហាសន្និបាតបក្សខេត្តអាណត្តិ ២០២០-២០២៥។

ក្នុងបុព្វហេតុការពារមាតុភូមិ មានភាពប្រសើរឡើងគួរឱ្យកត់សម្គាល់ ខេត្តអនុវត្តបានល្អនូវការងាររៀបចំផែនការសណ្តាប់ធ្នាប់តំបន់ការពារ រួមជាមួយនឹងការអភិវឌ្ឍសេដ្ឋកិច្ច-សង្គម ការរៀបចំប្រជាជនក្នុងតំបន់ ផ្សារភ្ជាប់នឹងការធានាការពារជាតិ និងសន្តិសុខ រួមបញ្ចូលគ្នាយ៉ាងជិតស្និទ្ធនូវការអភិវឌ្ឍសេដ្ឋកិច្ចសង្គមជាមួយនឹងការធានាការការពារជាតិ និងសន្តិសុខនៅតាមតំបន់នីមួយៗជាពិសេសតាមព្រំដែន និងតំបន់ដាច់ស្រយាល។

សកម្មធ្វើបានល្អក្នុងការស្រាវជ្រាវយុទ្ធសាស្ត្រ ចាប់យក វាយតម្លៃ និងព្យាករណ៍ស្ថានការណ៍ឲ្យបានត្រឹមត្រូវ ណែនាំភ្លាមៗដល់បក្ស រដ្ឋ គណៈកម្មាធិការបក្សយោធាមជ្ឈិម និងក្រសួងការពារប្រទេស អំពីគោលនយោបាយ និងវិធានការដោះស្រាយស្ថានការណ៍ដោយជោគជ័យ ជៀសវាងការអសកម្ម ឬការភ្ញាក់ផ្អើល។ យកចិត្តទុកដាក់យ៉ាងខ្លាំងលើកិច្ចការចលនាមហាជន ការងារជនជាតិ និងសាសនា និងការងារទំនាក់ទំនងជិតស្និទ្ធរវាងបក្ស និងប្រជាជន…។

ទទួលមរតក និងលើកតម្កើងតម្លៃនៃជ័យជំនះ Dien Bien Phu ខេត្ត Dien Bien បានកំណត់ និងបន្តអភិរក្ស និងលើកតម្កើងអត្តសញ្ញាណវប្បធម៌ កសាងប្រជាជន Dien Bien ដើម្បីបំពេញតម្រូវការនៃការបង្កើតថ្មី ការធ្វើសមាហរណកម្ម និងការអភិវឌ្ឍប្រកបដោយចីរភាព។ យកចិត្តទុកដាក់ចំពោះការអប់រំប្រពៃណីស្នេហាជាតិ ជម្រុញមោទនភាព និងពង្រឹងជំនឿទុកចិត្តរបស់ប្រជាជនលើបក្ស និងរដ្ឋ។ រក្សា និងពង្រឹងការដឹកនាំរបស់បក្សឱ្យមានប្រសិទ្ធភាពក្នុងការគ្រប់គ្រងរដ្ឋចំពោះការងារការពារជាតិ សន្តិសុខ និងការពារមាតុភូមិ សម្របសម្រួលការប្រយុទ្ធប្រឆាំងនឹងឧក្រិដ្ឋកម្មគ្រប់ប្រភេទ និងរក្សាសន្តិសុខ សណ្តាប់ធ្នាប់តាមតំបន់ព្រំដែន។

អ្នកយកព័ត៌មាន៖ សូមអរគុណលោក!

យោងតាមកាសែតកងទ័ពប្រជាជន