យុគសម័យ - មហាសន្និបាតអអន្តរសភានៃសមាគមប្រជាជាតិអាស៊ីអាគ្នេយ៍លើកទី ៤១ ( AIPA41) នឹងក្លាយជាកម្លាំងចលករដ៏ធំធេងសម្រាប់សភាសមាជិកអាស៊ាន ដើម្បីបញ្ជាក់ឡើងវិញនូវការសន្យារបស់ខ្លួន និងជម្រុញកិច្ចខិតខំប្រឹងប្រែងក្នុងកាត់បន្ថយផលប៉ះពាល់អវិជ្ជមានដោយសារជំងឺរាតត្បាត COVID-19។
ប្រធានគណៈកម្មាធិការសហប្រតិបត្តិការអន្តរសភា (BKSAP) នៃសភាឥណ្ឌូនេស៊ី លោក Fadli Zon (ខាងស្តាំ)
ទោះបីជាត្រូវបានរៀបចំតាមប្រព័ន្ធអនឡាញក៏ដោយ ប៉ុន្តែមហាសន្និបាតអអន្តរសភានៃសមាគមប្រជាជាតិអាស៊ីអាគ្នេយ៍លើកទី ៤១ ( AIPA41) នឹងក្លាយជាកម្លាំងចលករដ៏ធំធេងសម្រាប់សភាសមាជិកអាស៊ាន ដើម្បីអះអាងសារជាឡើងវិញនូវការសន្យារបស់ខ្លួន និងជម្រុញកិច្ចខិតខំប្រឹងប្រែងក្នុងកាត់បន្ថយផលប៉ះពាល់អវិជ្ជមានដោយសារជំងឺរាតត្បាត COVID-19 ចំពោះជីវភាពរស់នៅរបស់ប្រជាជនផងដែរ។ នោះគឺជាការអះអាងរបស់ប្រធានគណៈកម្មាធិការសហប្រតិបត្តិការអន្តរសភា (BKSAP) នៃសភាឥណ្ឌូនេស៊ី លោក Fadli Zon ក្នុងបទសម្ភាសន៍ជាមួយអ្នកយកព័ត៌មាននៃទីភ្នាក់ងារសារព័ត៌មានវៀតណាមប្រចាំនៅទីក្រុងហ្សាការតា មុនពេលដែលមហាសន្និបាត AIPA លើកទី ៤១ គ្រោងនឹងរៀបចំឡើងនៅថ្ងៃទី ៨ ដល់ថ្ងៃទី ១០ ខែកញ្ញា។
លោក Fadli បានបញ្ជាក់ថា តំណាងសភាឥណ្ឌូនេស៊ី បានវាយតម្លៃខ្ពស់ចំពោះតួនាទីរបស់រដ្ឋសភាវៀតណាមក្នុងនាមជាប្រធាន AIPA និងជាប្រទេស ម្ចាស់ផ្ទះរៀបចំមហាសន្និបាត AIPA លើកទី៤១ នៅឆ្នាំនេះ។ លោកបានជឿជាក់ថា ក្រោមការដឹកនាំរបស់វៀតណាម AIPA អាចសម្រេចបាននូវការរីកចម្រើននៅក្នុងកិច្ចខិតខំប្រឹងប្រែងរបស់ខ្លួនឆ្ពោះទៅធ្វើឲ្យជាក់ស្តែងនូវអាស៊ានមួយប្រកបដោយភាពស្អិតរមួត និងការឆ្លើយតបដោយភាពម្ចាស់ការផងដែរ៕
（ប្រែសម្រួលដោយ ហេង វុធ្ធី）
（ប្រភពព័ត៌មាន: baotintuc.vn）
មតិពីមិត្តអ្នកអាន