យុគសម័យ -នៅថ្ងៃទី ១៧ ខែសីហា សមាគមកាកបាទក្រហម ទីក្រុង Da Lat សហការជាមួយក្រុមយុវជន “ស្រឡាញ់ទីក្រុង Da Lat “ បានដាក់ទូរដាក់នំប៉័ងនិងម៉ាស់ដោយឥតគិតថ្លៃ នៅទីតាំងចំនួន ២ កន្លែង ស្ថិតភូមិសាស្ត្រសង្កាត់ទី ១ (ទីក្រុង Da Lat) ដើម្បីជួយដល់ជនក្រីក្រប្រយុទ្ធប្រឆាំងនឹងជំងឺរាតត្បាត COVID-19នេះ។
ទូដាក់នំប៉័ងដោយឥតគិតថ្លៃនៅទីក្រុង Da Lat។ (រូបថត៖ Tien Phong)
ការចែកម៉ាស់និងនំប៉័ងដោយឥតគិតថ្លៃត្រូវបានធ្វើឡើង ចាប់ពីម៉ោង ៦ ព្រឹករៀងរាល់ថ្ងៃ ហើយនឹងអនុវត្តក្នុងរយៈពេល ៣ ខែ។ បន្ទាប់មកសមាគមកាកបាទក្រហមទីក្រុងនឹងពង្រីកគំរូនេះទៅកាន់ទីកន្លែងជាច្រើនទៀត នៅក្នុងទីក្រុង Da Lat ។ ក្រៅពីការចែកម៉ាស់និងនំប៉័ងដោយឥតគិតថ្លៃ អ្នកស្ម័គ្រចិត្តនៃសមាគមន៍កាកបាទក្រហម ទីក្រុង Da Lat ក៏ឃោសនានិងផ្សព្វផ្សាយនូវវិធានការបង្ការនិងការពារជំងឺ COVID-19 ក្នុងស្ថានភាពថ្មី។
ចែករំលែកនំប៉័ងនិងម៉ាស់ជូនដល់ប្រជាជនក្រីក្រដែលស្ថិតក្នុងស្ថានភាពលំបាក។ (រូបថត៖ Tien Phong)
តាមរយៈទូដាក់នំប៉័ងនិងម៉ាស់ដោយឥតគិតថ្លៃនេះ សមាគមន៍កាកបាទក្រហម ទីក្រុង Da Lat និងក្រុមយុវជន “ស្រឡាញ់ទីក្រុង Da Lat “ ចង់ផ្ញើសារមួយ “អ្នកណាត្រូវការ សូមទទួល អ្នកណាមានហើយ សូមអោយគេ” ហើយសង្ឃឹមថា អ្នកធ្វើដំណើរឆ្លងកាត់ នៅពេលមើលឃើញពីការងារល្អដែលចូលរួមនិងបរិច្ចាគម្ហូបអាហារដោយឥតគិតថ្លៃជូនដល់ប្រជាជនក្រីក្រ./.
（បកប្រែដោយឌីណា）
មតិពីមិត្តអ្នកអាន