យុគសម័យ - យោងតាមលោក Hoang Duc Thuan - ទីប្រឹក្សាពាណិជ្ជកម្មវៀតណាមនៅអាល់ហ្សេរីនិងទីផ្សារម៉ាលី នីហ្សេរីយ៉ា សេណេហ្គាល់និងហ្គាំបៀបានឱ្យដឹងថា ការនាំចេញអង្កររបស់វៀតណាមទៅកាន់ទីផ្សារអាហ្វ្រិកកំពុងកើនឡើងយ៉ាងខ្លាំងក្នុងរយៈពេល ៦ ខែដើមនៃឆ្នាំ ២០២០ ហើយត្រូវបានគេរំពឹងថា នឹងបន្តកើនឡើងនៅប៉ុន្មានខែខាងមុខនេះ និងសូម្បីតែនៅឆ្នាំ ២០២១ ។
វៀតណាមបង្កើនការនាំចេញអង្ករទៅកាន់ទីផ្សារអាហ្រ្វិក
នៅឆ្នាំ ២០១៩ វៀតណាមបាននាំចេញអង្ករទៅកាន់ប្រទេសចំនួន ៣៥ ក្នុងចំណោមប្រទេសចំនួន ៥៥ ប្រទេសនៅអាហ្វ្រិកដោយមានទំហំពាណិជ្ជកម្មជិត ៦៣០ លានដុល្លារអាមេរិក ដែលក្នុងនោះទីផ្សារនាំចូលអង្ករធំជាងគេរួមមានកូតឌីវ័រ ហ្គាណា សេណេហ្គាល់ ម៉ូហ្សំប៊ិក កាមេរូន ហ្គាបុង តង់ហ្សានី អេហ្ស៊ីបជាដើម។
គួរកត់សម្គាល់ថា ក្នុងរយៈពេល ៦ ខែដើមឆ្នាំ ២០២០ ការនាំចេញអង្កររបស់ប្រទេសវៀតណាមទៅកាន់សេណេហ្កាល់ទទួលបានទឹកប្រាក់ចំនួន ១៤,៥៨ លានដុល្លារ កើនឡើង ២៨,៥ ដងគិតជាបរិមាណនិង ១៩,៥ ដងគិតជាតម្លៃបើប្រៀបធៀបនឹងរយៈពេលដូចគ្នាកាលពីឆ្នាំមុន៕
(បកប្រែដោយសាមេត)
(ប្រភពព័ត៌មាន: baotintuc.vn)
មតិពីមិត្តអ្នកអាន