យុគសម័យ- នាថ្ងៃទី ២១ ខែកក្កដា លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh រួមជាមួយសមាជិកនៃក្រុមប្រឹក្សាកិច្ចការរដ្ឋ រដ្ឋមន្រ្តីក្រសួងការបរទេសចិន លោកWang Yi បានអញ្ជើញធ្វើជាសហអធិបតីភាពក្នុងកិច្ចប្រជុំលើកទី ១២ នៃគណៈកម្មាធិការដឹកនាំ កិច្ចសហប្រតិបត្តិការទ្វេភាគីវៀតណាម - ចិន តាយរយៈប្រព័ន្ធវិដេអូ (Video Conference) ។
ច្ចប្រជុំនេះធ្វើឡើងតាមរយៈតាយរយៈប្រព័ន្ធវិដេអូ (Video Conference) ។ (រូបថត៖ Phap Luat)
នៅក្នុងកិច្ចប្រជុំនេះភាគីទាំងពីរបានផ្លាស់ប្តូរ យ៉ាងស៊ីជម្រៅនិងបានកំណត់នូវភារកិច្ចសំខាន់ៗមួយចំនួន នាពេលខាងមុខ ដើម្បីជំរុញភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយរវាងវៀតណាមនិងចិន សំដៅការអភិវឌ្ឍប្រកបដោយចីរភាព។
លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh បានស្នើថា ប្រទេសចិនបង្កើតលក្ខខណ្ឌអំណោយផលសម្រាប់សកម្មភាពពាណិជ្ជកម្មវៀតណាម - ចិន រួមទាំងការផ្លាស់ប្តូរពាណិជ្ជកម្មតាមព្រំដែនត្រូវបានអនុវត្តយ៉ាងរលូន។
ទន្ទឹមនឹងនេះមានការនាំចូលផលិតផលដែលវៀតណាមមានសក្តានុពលជាច្រើនទៀត ជាពិសេសកសិផល លើកទឹកចិត្តសហគ្រាសចិនជំរុញការវិនិយោគលើវិស័យបច្ចេកវិទ្យាជឿនលឿននិងជិតស្និទ្ធនឹងបរិស្ថាន។ លោកឧបនាយករដ្ឋមន្រ្តីក៏បានស្នើឱ្យប្រទេសចិនដឹកនាំដោយផ្ទាល់ ដើម្បីដោះស្រាយយ៉ាង ហ្មត់ចត់នូវបញ្ហាសេសសល់ក្នុងគម្រោងសហប្រតិបត្តិការមួយចំនួន។
សមាជិកក្រុមប្រឹក្សាកិច្ចការរដ្ឋនិងរដ្ឋមន្រ្តីក្រសួងការបរទេសលោក Yang Yi បានអះអាងថា លោកនឹងជំរុញស្ថាប័នពាក់ព័ន្ធ ពិចារណាយ៉ាងសកម្មនូវសំណើរបស់វៀតណាម។
ភាគីទាំងពីរបានផ្លាស់ប្តូរអំពីបញ្ហាព្រំដែននិងទឹកដី។ ទាក់ទងនឹងព្រំដែនលើដីគោក ភាគីទាំងពីរបានវាយតម្លៃអំពីស្ថានភាពស្ថេរភាពជាមូលដ្ឋាន គ្រប់គ្រងខ្សែព្រំដែន បង្គោលព្រំដែននិងចក្រទ្វារព្រំដែនឲ្យបានល្អ លើកកម្ពស់សកម្មភាពសេដ្ឋកិច្ចក្នុងតំបន់ព្រំដែន រួមទាំងក្នុងកំឡុងពេលនៃការរីករាលដាលនៃ ជំងឺ COVID -19 មានការវិវត្តដ៏ស្មុគស្មាញ។
លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh ថ្លែងសុន្ទរកថាក្នុងកិច្ចប្រជុំនេះ។ (រូបថត៖ Phap Luat)
ភាគីទាំងពីរបានឯកភាពគ្នា ពង្រឹងការសម្របសម្រួលក្នុងការគ្រប់គ្រងនិងការពារព្រំដែន ដោយគោរពយ៉ាងខ្ជាប់ខ្ជួននូវបទប្បញ្ញត្តិនៃឯកសារច្បាប់ទាំង ៣ ស្តីពីព្រំដែនគោកនិងកិច្ចព្រមព្រៀងពាក់ព័ន្ធនានា។
ទាក់ទងនឹងបញ្ហាសមុទ្រ ភាគីទាំងពីរបានទទួលស្គាល់លទ្ធផលនៃការចរចាចំនួន ១០ ស្តីពីការកំណត់ព្រំដែននិងកិច្ចសហប្រតិបត្តិការ សំដៅរួមគ្នាអភិវឌ្ឍលើតំបន់សមុទ្រដែលបានធ្វើឡើង ចាប់តាំងពីកិច្ចប្រជុំលើកទី ១១ នៃគណៈកម្មាធិការដឹកនាំកិច្ចសហប្រតិបត្តិការទ្វេរភាគី រហូតមកដល់ពេលនេះ ទទួលស្គាល់សមិទ្ធិផលនៃកិច្ចសហប្រតិបត្តិការក្នុងវិស័យមិនសូវរសើប នៅ លើ សមុទ្រ។
ភាគីទាំងពីរបានពិភាក្សាដោយស្មោះត្រង់អំពីស្ថានភាពនៅលើសមុទ្រ នាពេលវេលាកន្លងមកនិងភាពខុសគ្នាអំពីបញ្ហាសមុទ្រ។ លោកឧបនាយករដ្ឋមន្រ្តីនិងជារដ្ឋមន្រ្តីក្រសួងការបរទេស Pham Binh Minh បានលើកឡើងនូវការព្រួយបារម្ភ អំពីការវិវត្តដ៏ស្មុគស្មាញនៅសមុទ្រខាងកើត នាពេលថ្មីៗនេះ។ ស្នើឱ្យភាគីទាំងពីរគ្រប់គ្រងបានល្អលើការខ្វែងគំនិតគ្នា នៅលើសមុទ្រខាងកើត ដោយមិនចាត់វិធានការដែលធ្វើឲ្យស្មុគស្មាញដល់សភាពការណ៍គោរពសិទ្ធនិងផលប្រយោជន៍ស្របច្បាប់របស់វៀតណាម រក្សាសន្តិភាពនិងស្ថិរភាពនៅសមុទ្រខាងកើត ។
ភាគីទាំងពីរបានវាយតម្លៃថា កិច្ចប្រជុំនេះទទួលជោគជ័យនិងសមិទ្ធិផលជាក់លាក់ជាច្រើន ហើយបានឯកភាពគ្នាថាបន្ទាប់ពីកិច្ចប្រជុំនីនេះ ភាគីទាំងពីរនឹងពិភាក្សាអំពីបណ្តាបញ្ហាដែលត្រូវសម្របសម្រួលនិងដោះស្រាយក្នុងពេលខាងមុខនេះ./.（បកប្រែដោយឌីណា）
មតិពីមិត្តអ្នកអាន