យុគសម័យ - យោងតាមព័ត៌មានដែលចេញផ្សាយដោយក្រុមហ៊ុន Fitch Solution វិស័យវាយនភ័ណ្ឌវៀតណាមបានទទួលផលប្រយោជន៍ពីនិន្នាការផ្លាស់ប្តូរខ្សែសង្វាក់ផ្គត់ផ្គង់។
វិស័យវាយនភ័ណ្ឌវៀតណាមទទួលបានផលប្រយោជន៍ពីការផ្លាស់ប្តូរខ្សែសង្វាក់ផ្គត់ផ្គង់ពិភពលោក
សន្ទស្សន៍ហានិភ័យប្រតិបត្តិការរបស់វៀតណាមសម្រេចបាន ៥២,៣ ពិន្ទុ។ បើប្រៀបធៀបទៅនឹងប្រទេសដទៃទៀតក្នុងតំបន់ សន្ទស្សន៍នេះគឺមានកំរិតខ្ពស់ ហើយវិស័យវាយនភ័ណ្ឌនឹងក្លាយជាបេក្ខជនដ៏ល្អសម្រាប់ការបង្កើនប្រាក់ចំណេញវិនិយោគនាពេលខាងមុខ។យោងតាមរបាយការណ៍របស់ក្រុមហ៊ុន Fitch Solution ការជោគជ័យរបស់វៀតណាមគឺមកពីកត្តាជាច្រើនដូចជា៖ ពលករវ័យក្មេងនិងតម្លៃពលកម្មទាប។ លើសពីនេះទៅទៀត ការចូលរួមក្នុងកិច្ចព្រមព្រៀងពាណិជ្ជកម្មសេរីដូចជា EVFTA ក៏លើកទីតាំងរបស់វៀតណាមឡើងខ្ពស់ជាងប្រទេសដទៃទៀតនៅក្នុងតំបន់ផងដែរ។
ក្រៅពីនេះ សង្គ្រាមពាណិជ្ជកម្មអាមេរិក - ចិន ក៏បាននាំឱ្យអត្ថប្រយោជន៍ផងដែរនៅពេលដែលបរិមាណនាំចេញវាយនភ័ណ្ឌរបស់វៀតណាមកើនឡើង ៣០% ក្នុងឆ្នាំ ២០១៩ ដែលស្មើនឹង ៨.៧% នៃផលិតផលនាំចេញសកល។
អត្រាកំណើនជាមធ្យមនៃវាយនភ័ណ្ឌរបស់វៀតណាមក្នុងដំណាក់កាលឆ្នាំ ២០១០ - ២០១៩ បានកើនឡើង ១៥,៨% ដែលធ្វើឱ្យវៀតណាមក្លាយជាប្រទេសនាំចេញវាយនភ័ណ្ឌធំទី ២ នៅលើពិភពលោកបន្ទាប់ពីប្រទេសចិន។ ទោះជាយ៉ាងណាក៏ដោយ នៅពេលខ្សែសង្វាក់តម្លៃរបស់វៀតណាមបានកើនឡើង វាអាចបណ្តាលឱ្យថ្លៃដើមកើនឡើង ដែលរារាំងដល់ការអភិវឌ្ឍវិស័យវាយនភ័ណ្ឌ៕(បកប្រែដោយសាមេត)
(ប្រភពព័ត៌មាន: vtv.vn)
មតិពីមិត្តអ្នកអាន