យុគសម័យ - នាព្រឹកថ្ងៃទី ១០ ខែកក្កដា ក្នុងការជួបសន្ទនាតាមប្រព័ន្ធអ៊ីនធើណិតរវាងលោកឧត្តមសេនីយ៍ឯក Nguyen Chi Vinh សមាជិកគណៈកម្មាធិការមជ្ឈិមបក្ស សមាជិកអចិន្ត្រៃយ៍នៃគណៈកម្មាធិការយោធាមជ្ឈិមអនុរដ្ឋមន្រ្តីក្រសួងការពារជាតិ និងលោកអគ្គលេខាធិការរងនៃអង្គការសហប្រជាជាតិ Atul Khare។ លោក Atul Khare បានអបអរសាទរចំពោះការខិតខំប្រឹងប្រែងនិងលទ្ធផលរបស់វៀតណាមក្នុងការបង្ការនិងទប់ស្កាត់នឹងការរីករាលដាលនៃជំងឺ Covid-19 រួមទាំងកម្លាំងរក្សាសន្តិភាពកំពុងបំពេញបេសកកម្ម នៅសាធារណរដ្ឋស៊ូដង់ខាងត្បូងនិងសាធារណរដ្ឋអាហ្វ្រិកកណ្តាល។
លោកឧត្តមសេនីយ៍ឯក Nguyen Chi Vinh ជួបសន្ទនា តាមប្រព័ន្ធអ៊ីនធើណិត។ (រូបថត៖ VOV)
លោកឧត្តមសេនីយ៍ឯក Nguyen Chi Vinh បានចែករំលែកព័ត៌មានអំពីការចូលរួមរបស់វៀតណាម នាពេលថ្មីៗនេះក្នុងសកម្មភាពរក្សាសន្តិភាពរបស់អង្គការសហប្រជាជាតិ ជាពិសេសកិច្ចខិតខំប្រឹងប្រែងដើម្បីបង្ការនិងទប់ស្កាត់នឹងការរីករាលដាល Covid-19 នៅទ្វីបអាហ្វ្រិក។
បច្ចុប្បន្ននេះប្រទេសវៀតណាមកំពុងរៀបចំយ៉ាងសកម្មកងពេទ្យកម្រិត២ លេខ៣ ត្រៀមទទួលតួនាទីរបស់កងពេទ្យកម្រិត២ លេខ២ ក៏ប៉ុន្តែ ដោយសារផលប៉ះពាល់នៃការរីករាលដាលនៃជំងឺ Covid-19 បេសកកម្មរបស់កងពេទ្យកម្រិត ២ លេខ២ ត្រូវអូសបន្លាយរយៈពេលបន្ថែម។ លោក ឧត្តមសេនីយ៍ឯក Nguyen Chi Vinh បានស្នើថា អង្គការសហប្រជាជាតិគួរតែមានគោលនយោបាយគាំទ្រដល់ទាហានចូលរួមក្នុងកងរក្សាសន្តិភាពដែលត្រូវបានអូសបន្លាយរយៈពេលបន្ថែម ដើម្បីបំពេញបេសកម្ម រួមទាំងនាយទាហានវៀតណាមផងដែរ។
លោកអគ្គលេខាធិការរងនៃអង្គការសហប្រជាជាតិ Atul Khare បានថ្លែងអំណរគុណចំពោះកិច្ចខិតខំប្រឹងប្រែងរបស់កងពេទ្យកម្រិត ២ លេខ ២ ក្នុងការលើកឡើងវិធានការការពារនិងត្រួតពិនិត្យជំងឺ Covid-19 ហើយបានស្នើថា វៀតណាមគួរតែពង្រឹងសកម្មភាពនេះបន្ថែមទៀត ដើម្បីគាំទ្រដល់បេសកកម្មរក្សាសន្តិភាពរបស់អង្គការសហប្រជាជាតិនៅប្រទេសស៊ូដង់ខាងត្បូង។ លោក Atul Khare ក៏បានបញ្ជាក់ផងដែរថា៖ អង្គការសហប្រជាជាតិនឹងមានការទទួលស្គាល់ប្រកបដោយភាពសក្ដិសមក្នុងការជំរុញកិច្ចខិតខំប្រឹងប្រែងរបស់កម្លាំងរក្សាសន្តិភាពក្នុងការបង្ការនិងទប់ស្កាត់នឹងការរីករាលដាលនៃជំងឺ Covid-19 រួមទាំងនាយទាហានរក្សាសន្តិភាពវៀតណាមផងដែរ ។
លោកអគ្គលេខាធិការរងនៃអង្គការសហប្រជាជាតិ Atul Khare បានអបអរសាទរប្រទេសវៀតណាម ជាពិសេសបណ្ឌិត្យសភាពេទ្យយោធាដែលបានផលិតឧបករណ៍តេស្តរកឃើញវីរុស SARS-CoV-2 ប្រកបដោយជោគជ័យ អបអរសាទរចំពោះលទ្ធផលវិជ្ជមានរបស់វៀតណាមក្នុងការប្រយុទ្ធប្រឆាំង COVID - 19 ក៏បានលើកឡើងនូវផែនការជាច្រើនដើម្បីពង្រីកកិច្ចសហប្រតិបត្តិការ នាពេលខាងមុខ។
នៅក្នុងកិច្ចសន្ទនានេះ ភាគីទាំងពីរក៏បានពិភាក្សាពីសកម្មភាពសំខាន់ៗមួយចំនួនរបស់វៀតណាមក្នុងឆ្នាំដែលវៀតណាមទទួលតួនាទីពីរគឺប្រធានអាស៊ាននិងសមាជិកមិនអចិន្រ្តៃយ៍នៃក្រុមប្រឹក្សាសន្តិសុខនៃអង្គការសហប្រជាជាតិ ជាពិសេសផែនការរៀបចំសន្និសីទ “ ស្ត្រីជាមួយសកម្មភាពរក្សាសន្តិភាពរបស់អង្គការសហប្រជាជាតិ” និងខួបលើកទី ១០ ឆ្នាំ នៃគំនិតផ្តួចផ្តើម ADMM + ដែលបានស្នើឡើងដោយប្រទេសវៀតណាម។
លោកអគ្គលេខាធិការរងនៃអង្គការសហប្រជាជាតិ Atul Khare បានសម្តែងការគាំទ្រចំពោះខ្លឹមសារ គំនិតផ្តួចផ្តើម និងផែនការរៀបចំសកម្មភាពក្នុងឆ្នាំដែលវៀតណាមទទួលតួនាទីពីរ ដោយអះអាងថាលោកគាំទ្រវៀតណាមក្នុងគំនិតផ្តួចផ្តើមផ្សេងៗ អំពីការថែរក្សាសន្តិភាពនិងការព្រមព្រៀងខ្ពស់ចំពោះការរៀបចំសន្និសីទ "ស្ត្រីជាមួយអង្គការថែរក្សាសន្តិភាពរបស់អង្គការសហប្រជាជាតិ" បន្ទាប់ពីការរីករាលដាល COVID -19 ស្ថិតក្រោមការគ្រប់គ្រង./.
（បកប្រែដោយឌីណា）
មតិពីមិត្តអ្នកអាន