យុគសម័យ - នាព្រឹកថ្ងៃទី ៨ ខែកក្កដា កិច្ចប្រជុំតាមរយៈប្រព័ន្ធវិដេអូ គោលនយោបាយសន្តិសុខ ARF (ASPC) បានប្រព្រឹត្តទៅនៅទីក្រុងហាណូយ។ ឧត្តមសេនីយ៍ឯកលោក Nguyen Chi Vinh អនុរដ្ឋមន្រ្តីក្រសួងការពារជាតិវៀតណាម ប្រធាន ADSOM វៀតណាមបានអញ្ជើញធ្វើអធិបតីកិច្ចប្រជុំ។
ទិដ្ឋភាពនៃកិច្ចប្រជុំតាមរយៈប្រព័ន្ធវិដេអូ គោលនយោបាយសន្តិសុខ ARF (ASPC) ។(ប្រភព៖ baoquocte)
ចូលរួមកិច្ចប្រជុំនេះមានប្រតិភូដៃគូចំនួន ២៦ នាក់នៅក្នុងក្របខ័ណ្ឌនៃ ARF និងលេខាធិការដ្ឋានអាស៊ានរួមជាមួយការចូលរួមរបស់អនុព័ន្ធយោធានៃប្រទេសអាស៊ាននិងប្រទេសជាដៃគូ។
ឧត្តមសេនីយ៍ឯកលោក Nguyen Chi Vinh បានឲ្យដឹងថាតាមរយៈការរីករាលដាលនៃកូវិដ - ១៩ កិច្ចសហប្រតិបត្តិការការពារជាតិក្នុងក្របខ័ណ្ឌ ARF គឺកំពុងប្រតិបតិ្តការប្រកបដោយភាពជាក់ស្តែងដែលរួមចំណែកក្នុងការបង្កើតសន្តិភាពការបង្កើតគ្រឹះនិងការទុកចិត្តជាយុទ្ធសាស្ត្រ។ ក្នុងការបង្ការនិងប្រយុទ្ធប្រឆាំងនឹងជំងឺរាតត្បាត កិច្ចសហប្រតិបត្តិការការពារជាតិកំពុងដើរតួនាទីយ៉ាងសំខាន់។ នៅវៀតណាមក្រោមការដឹកនាំរបស់រដ្ឋាភិបាលក៏ដូចជាកិច្ចសហប្រតិបត្តិការក្នុងវិស័យការពារជាតិបានដើរតួនាទីសកម្មនិងជំរុញកិច្ចសហប្រតិបត្តិការអន្តរជាតិទាំងទ្វេភាគីនិងពហុភាគីប្រកបដោយប្រសិទ្ធភាព។
លើសពីនេះ ជំងឺកូវិដ - ១៩ បានកាត់បន្ថយសកម្មភាពជាច្រើនទៀតនៅក្នុងបរិបទនៃបញ្ហាប្រឈមសន្តិសុខតាមបែបប្រពៃណីនិងមិនមែនប្រពៃណីនៅសេសសល់ ។ ដូច្នេះឧត្តមសេនីយ៍ឯកលោក Nguyen Chi Vinh បានសង្កត់ធ្ងន់ថាបណ្តាប្រទេស ARF ចាំបាច់ត្រូវបន្តយកចិត្តទុកដាក់កុំបណ្តោយឱ្យបញ្ហាប្រឈមសន្តិសុខផ្សេងទៀតគំរាមកំហែងដល់ស្ថិរភាពក្នុងតំបន់។ នេះក៏ជាមូលហេតុដែលសន្និសីទ ASPC លើកឡើងពីបញ្ហាដែលទាក់ទងនឹងបញ្ហាសន្តិសុខក៏ដូចជាកិច្ចសហប្រតិបត្តិការដើម្បីដោះស្រាយបញ្ហាប្រឈមទាំងនេះ។
ឧត្តមសេនីយ៍ឯកលោក Nguyen Chi Vinh ក៏បានលើកឡើងដែរថាចំណុចក្តៅនៅលើពិភពលោកមិនបានចុះត្រជាក់ទេ។ ក្នុងតំបន់ក៏មានបញ្ហាប្រឈមផងដែររួមមានសន្តិសុខតាមប្រព័ន្ធអ៊ីនធឺណិតបញ្ហានុយក្លេអ៊ែររបស់កូរ៉េខាងជើងអំពើភេរវកម្មសន្តិសុខបរិស្ថាននិងសន្តិសុខដែនសមុទ្ររួមទាំងសមុទ្រខាងកើតគីជាបញ្ហាក្តៅក្នុងតំបន់។
វេទិកាតំបន់អាស៊ាន (ARF) គឺជាយន្តការដឹកនាំដោយបណ្តាញការទូតដោយផ្តោតលើការកសាងទំនុកចិត្តនិងការទូតការពារ។ ចាប់តាំងពីត្រូវបានបង្កើតឡើងក្នុងឆ្នាំ ២០០៤ សន្និសីទ ASPC បានបើកឆានែលថ្មីមួយនៃការសន្ទនានិងការផ្លាស់ប្តូររវាងមន្រ្តីការពារជាតិអ្នកការទូតនិងអ្នកស្រាវជ្រាវយោធា។
គោលដៅសំខាន់របស់ ASPC រួមមាន៖ (i) ជំរុញថែមទៀតកិច្ចសហប្រតិបត្តិការក្នុងវិធានការពង្រឹងទំនុកចិត្តក្នុងចំណោមយោធា ARF និងការចូលរួមរបស់មន្រ្តីការពារជាតិ ARF ។ (ii) ការបើកបណ្តាញសន្ទនានិងការផ្លាស់ប្តូរថ្មីរវាងមន្រ្តីការពារជាតិអ្នកការទូតនិងអ្នកជំនាញស្រាវជ្រាវខាងយោធា។ ពង្រឹងការជឿទុកចិត្តគ្នានិងការយោគយល់គ្នារវាងមន្រ្តីការពារជាតិ។ (៣) បន្តលើកកម្ពស់និងបង្ហាញពីតួនាទីរបស់វេទិកាតំបន់អាស៊ាននិងលើកកម្ពស់ស្ថានភាពនៃវេទិកានេះ៕
（ប្រែសម្រូលដោយវិច្ឆិកា）
មតិពីមិត្តអ្នកអាន