នៅក្នុងជំនួបជាមួយលោក Daniel Kritenbrink ឯកអគ្គរដ្ឋទូតអាមេរិក ប្រចាំនៅវៀតណាមនាថ្ងៃទី២៣ មិថុនា នៅទីក្រុងហូជីមិញ លេខាគណៈកម្មាធិការបក្សទីក្រុងលោក Nguyen Thien Nhan បានចែករំលែកអំពី សក្ដានុភាពនិងទិសដៅអភិវឌ្ឍរបស់ទីក្រុងហូជីមិញនាពេលខាងមុខ។
លេខាគណៈកម្មាធិការបក្សទីក្រុងហូជីមិញលោក Nguyen Thien Nhan (ខាងស្ដាំ) និងឯកអគ្គរដ្ឋទូតអាមេរិកប្រចាំនៅវៀតណាមលោក Daniel Kritenbrink (រូបថត៖ TTXVN)
លោក Nguyen Thien Nhan មានគោលបំណងចង់ឲ្យសហគ្រាសអាមេរិកចូលរួម ឲ្យកាន់តែច្រើនថែមទៀតក្នុងដំណើរការកសាង អភិវឌ្ឍទីក្រុង ជាពិសេសគឺ ក្នុងគម្រោងកសាងនគរឆ្លាតវៃ នគរច្នៃប្រឌិតនៅភាគខាងកើត។
ចំណែកឯខ្លួនវិញ លោកឯកអគ្គរដ្ឋទូត Daniel Kritenbrink បានសង្កត់ ធ្ងន់ថា ទំនាក់ទំនងសេដ្ឋកិច្ច ពាណិជ្ជកម្ម និងវិនិយោគកំពុងដើរតួនាទីដ៏ សំខាន់ក្នុងការពង្រឹងនិងពង្រីកទំនាក់ទំនងរវាងអាមេរិកនិងវៀតណាម ដោយមានសហគ្រាសអាមេរិកជាច្រើនបានរួមចំណែកយ៉ាងសកម្មទៅក្នុង ដំណើរការកសាងនិងអភិវឌ្ឍទីក្រុងហូជីមិញ។ ទន្ទឹមនឹងនេះ ភាគីទាំងពីរ ក៏បានជំរុញយ៉ាងសកម្មចំពោះទំនាក់ទំនងសហប្រតិបត្តិការលើវិស័យការ ទូតប្រជាជន សុខាភិបាលនិងអប់រំទៀតផង៕
（ប្រភពព័ត៌មាន: vov）
មតិពីមិត្តអ្នកអាន