យុគសម័យ - លោក Doan Khac Viet អ្នកនាំពាក្យរងក្រសួងការបរទេសវៀតណាមបានមានប្រសាសន៍ថា៖ ទំនាក់ទំនងភាពជាដៃគូគ្រប់ជ្រុងជ្រោយរវាងវៀតណាម - អាមេរិកក្នុងរយៈពេលកន្លងមកបានរក្សាសន្ទុះក្នុងវិស័យជាច្រើន រួមទាំងកិច្ចសហប្រតិបត្តិការលើវិស័យសន្តិសុខការពារជាតិ។
លោក Doan Khac Viet អ្នកនាំពាក្យរងក្រសួងការបរទេសវៀតណាមប្រកាសអំពីកិច្ចការបរទេសមួយចំនួនរបស់វៀតណាម។
នារសៀលថ្ងៃទី ២៨ ខែឧសភា ក្នុងសន្និសីទសារព័ត៌មានទៀងទាត់មួយរបស់ក្រសួងការបរទេស ឆ្លើយនឹងសំណួរទាក់ទងនឹងការដែលសហរដ្ឋអាមេរិកបានត្រៀមប្រគល់ទូកល្បាតធំៗទៅឱ្យប្រទេសវៀតណាម លោក Doan Khac Viet អ្នកនាំពាក្យរងក្រសួងការបរទេសបានមានប្រសាសន៍ថា៖ ទំនាក់ទំនងភាពជាដៃគូគ្រប់ជ្រុងជ្រោយរវាងវៀតណាម - អាមេរិកក្នុងរយៈពេលកន្លងមកបានរក្សាសន្ទុះក្នុងវិស័យជាច្រើន រួមទាំងកិច្ចសហប្រតិបត្តិការលើវិស័យសន្តិសុខការពារជាតិ។ ដោយផ្អែកលើកិច្ចព្រមព្រៀងដែលសម្រេចបានរវាងភាគីទាំងពីរ រួមទាំង អនុស្សរណៈនៃការយោគយល់គ្នាអំពីសហប្រតិបត្តិការការពារជាតិឆ្នាំ ២០១១ សេចក្តីថ្លែងការណ៍ស្តីពីចក្ខុវិស័យរួមស្តីពីកិច្ចសហប្រតិបត្តិការការពារជាតិឆ្នាំ ២០១៥ និងផែនការសហប្រតិបត្តិការការពារជាតិឆ្នាំ ២០១៨-២០២០ ភាគីទាំងពីរបន្តជំរុញកិច្ចសហប្រតិបត្តិការការពារជាតិទ្វេភាគី ដែលក្នុងនោះ រួមទាំងកិច្ចសហប្រតិបត្តិការសន្តិសុខតាមសមុទ្រនិងលើកកំពល់សមត្ថភាពក្នុងការអនុវត្តច្បាប់លើដែនសមុទ្រ ដែលរួមចំណែកដល់ការថែរក្សាសន្តិភាព ស្ថិរភាព កិច្ចសហប្រតិបត្តិការនិងការអភិវឌ្ឍនៅក្នុងតំបន់និងពិភពលោក៕
（បកប្រែដោយសាមេត）
（ប្រភពព័ត៌មាន: baotintuc.vn）
មតិពីមិត្តអ្នកអាន