យុគសម័យ - នាថ្ងៃទី ២២ ខែកុម្ភៈនៅទីរួមស្រុក Vinh Chau ខេត្ត Soc Trang ក្រុមហ៊ុនទទួលខុសត្រូវមានកំរិត BPP Vinh Chau Wind Power Co. , Ltd បានបើកការដ្ឋានសាងសង់រោងចក្រថាមពលអគ្គីសនីដើរដោយខ្យល់បកលេខ ៣។
បើកការដ្ឋានសាងសង់រោងចក្រថាមពលអគ្គីសនីដើរដោយខ្យល់បកលេខ ៣ នៅខេត្ត Soc Trang ។ (រូបថត៖ XC)
គម្រោងរោងចក្រថាមពលអគ្គីសនីដើរដោយខ្យល់បកលេខ ៣ មានអនុភាពអគ្គីសនីសរុប ៦៥ MW ក្នុងនោះដំណាក់កាលទី ១ មានអនុភាពអគ្គីសនី ២៩,៤ MW ដែលមកពីទួរប៊ីន ៧ ។ ដើមទុនវិនិយោគសរុបសម្រាប់គម្រោង (ដំណាក់កាលទី ១) ចំនួន ១,៣៦៥ ពាន់លានដុង។
ជារៀងរាល់ឆ្នាំ ទួរប៊ីនចំនួន ៧ ដំបូងនៃគម្រោងនេះនឹងផលិតថាមពលប្រហែល ៨៤,៧ GWh ។ ទន្ទឹមនឹងនេះ ខ្សែបណ្តាញនិងស្ថានីយ៍ ១១០ 110kV ស្ថិតនៅទីរួមស្រុក Vinh Chau គឺជាចំណុចតភ្ជាប់រវាងគម្រោងថាមពលអគ្គីសនីដើរដោយខ្យល់បកនិងបណ្តាញអគ្គិសនីប្រកបដោយងាយស្រួល ដែលរួមចំណែកដល់ការផ្គត់ផ្គង់អគ្គីសនីប្រកបដោយគ្រប់គ្រាន់។
ថ្លែងក្នុងពិធីបើកការដ្ឋានសាងសង់រោងចក្រនេះ លោក Tran Van Chuyen ប្រធានគណៈកម្មាធិការប្រជាជនខេត្ត Soc Trang បានវាយតម្លៃខ្ពស់ចំពោះ វិនិយោគិនដែលយកចិត្តទុកដាក់ និងវិនិយោគលើការអភិវឌ្ឍន៍ថាមពលស្អាត។
បន្ទាប់ពីដាក់ឱ្យដំណើរការគម្រោងនេះនឹងនាំមកនូវផលប្រយោជន៍ជាច្រើន និរន្តរភាព យូរអង្វែងមិនត្រឹមតែចូលរួមធានានូវតុល្យភាពអគ្គិសនីសម្រាប់តំបន់ដីសណ្ដទន្លេ Cuu Long ប៉ុណ្ណោះទេ។ ថែមទាំងរួមចំណែកក្នុងជំរុញពាណិជ្ជកម្ម និង ទេសចរនៅទីរួមស្រុក Vinh Chau។
ប្រធានគណៈកម្មាធិការប្រជាជនខេត្ត Soc Trang លោក Tran Van Chuyen បានស្នើថា វិនិយោគិនគួរតែបញ្ចប់គម្រោងឱ្យមានគុណភាពនិងទាន់ពេលវេលា។ អនុវត្តការប្តេជ្ញាចិត្តប្រកបដោយល្អក្នុងការចុះឈ្មោះវិនិយោគ ធានាសុវត្ថិភាព ការងារអនាម័យបរិស្ថាន និងគោរពច្បាប់និងគោលនយោបាយរបស់រដ្ឋយ៉ាងតឹងរឹង ៕
(បកប្រែដោយឌីណា)
មតិពីមិត្តអ្នកអាន