សម្ដេចនាយករដ្ឋមន្ត្រី ហ៊ុន សែន នឹងទៅទីក្រុងវូហាន ដែលកំពុងផ្ទុះកូរ៉ូណាវីរុស នៅថ្ងៃទី៥ កុម្ភៈ ដើម្បីសួរសុខទុក្ខនិស្សិតខ្មែរ នៅទីនោះ។
សម្ដេច ហ៊ុន សែន នឹងទៅទីក្រុងវូហាន នៅថ្ងៃទី៥ កុម្ភៈ (thmeythmey.com)
ពីទីក្រុងសេអ៊ូល ប្រទេសកូរ៉េខាងត្បូង ក្រោយកិច្ចប្រជុំកំពូលពិភពលោកឆ្នាំ២០២០នៅថ្ងៃទី៤ មករា ប្រមុខរដ្ឋាភិបាល បានសរសេរនៅលើហ្វេសប៊ុកដូច្នេះថា៖« នៅថ្ងៃស្អែកទី៥កុម្ភៈសម្តេចបានរាយការណ៍ជូនថ្នាក់ដឹកនាំចិនរួចហើយថា សម្តេចនឹងអញ្ជើញទៅសួរសុខទុក្ខនិស្សិតកម្ពុជា ដែលកំពុងសិក្សានៅទីក្រុងវូហាន ដើម្បីបង្ហាញពីភាពកក់ក្តៅ និងដើម្បីកុំឲ្យនិស្សិតខ្មែរនៅទីក្រុងវូហានមានការភ័យខ្លាច ចំពោះការឆ្លងឬការកើតរីករាលដាល នៃជំងឺប្រភេទថ្មីកូរ៉ូណាវីរ៉ុស»។
គិតត្រឹមម៉ោង១៖៤០នាទីរសៀល ថ្ងៃទី៤ កុម្ភៈនេះ មានអ្នកស្លាប់ចំនួន៤២៧នាក់ ក្នុងនោះចិន ៤២៦នាក់ (ហុងកុង១នាក់) និង១នាក់ទៀតនៅហ្វីលីពីន ខណៈអ្នកជំងឺជាង២ម៉ឺននាក់កំពុងសម្រាកព្យាបាលកូរ៉ូណាវីរុសនេះ៕
（ប្រភពព័ត៌មាន: thmeythmey.com）
