ព្រះមហាក្សត្រកម្ពុជា៖ លើសកលលោកទាំងមូលនេះ សីលធម៌ និងអភិសមាចារ កំពុងស្រុតចុះគួរឲ្យបារម្ភ

ព្រះមហាក្សត្រកម្ពុជា៖ លើសកលលោកទាំងមូលនេះ សីលធម៌ និងអភិសមាចារ កំពុងស្រុតចុះគួរឲ្យបារម្ភ។

តាមរយៈ Facebook «Royal du Cambodge» បានផ្សាយព្រះរាជឱង្ការទ្រង់នៅថ្ងៃទី០៤ ខែកញ្ញា ឆ្នាំ២០២០នេះ យ៉ាងដូច្នេះថា៖ «បច្ចុប្បន្ននេះ សាកលលោកយើងកំពុងស្ថិតនៅក្នុងដំណាក់កាល នៃការរីកចម្រើន និងជឿនលឿនដោយមានជំនាញខាងវិទ្យាសាស្ត្រ និងសម្ភារ ដែលមិនធ្លាប់មានពីមុនមក។ ប៉ុន្តែទន្ទឹមនឹងការរីកចម្រើនខាងលើនេះ សីលធម៌ និងអភិសមាចារ (មារយាទដ៏ល្អក្រៃលែង ឬជ្រះថ្លា) ក្នុងជីវភាពសង្គម ក៏មានការស្រុតចុះគួរឲ្យព្រួយបារម្ភណាស់ដែរ»។

បើតាមព្រះបរមរាជឱង្ការរបស់ព្រះមហាក្សត្រ បានឲ្យដឹងបន្ថែមថា ភាពអន់ថយនៃសីលធម៌ និងគុណធម៌សង្គមនាំឲ្យមានការប៉ះពាល់យ៉ាងធ្ងន់ធ្ងរ ដល់សេចក្តីថ្លៃថ្នូរ និងនិរន្តរភាពនៃវប្បធម៌ និងចីរភាពរបស់សង្គមនិយមទៅអនាគត៕

（ប្រភពព័ត៌មាន: freshnews）