ក្នុងបរិបទនៃការឆ្លងរាលដាលនៃជំងឺរាតត្បាត COVID-19 កំពុងតែមានការកើនឡើងនៅកម្ពុជា ក្រសួងទេសចរណ៍កំពុងតែស្រាវជ្រាវវិធានការណ៍នានាដើម្បីស្តារវិស័យទេសចរណ៍នៅតាមតំបន់ជាក់លាក់មួយចំនួនដើម្បីទាក់ទាញភ្ញៀវទេសចរអន្តរជាតិឡើងវិញ។
ភ្ញៀវទេសចរជាតិ និងអន្តរជាតិដែលមកទស្សនាប្រាសាទអង្គរវត្តនាពេលកន្លងមក
យោងតាមលោក ថោង ខុន រដ្ឋមន្រ្តីក្រសួងទេសចរណ៍ បានឱ្យដឹងថា ក្រសួងទេសចរណ៍កំពុងរៀបចំផែនការស្តីពីការធ្វើដំណើរនៅតាមតំបន់ជាក់លាក់មួយចំនួននៅកម្ពុជា។ លោកបានថ្លែងថា៖ “ក្រសួងនឹងធ្វើការពិគ្រោះយោបល់ជាមួយអ្នកជំនាញនានានិងក្រសួងសុខាភិបាលក្នុងការរៀបចំផែនការធ្វើដំណើរដោយកន្លែងដើម្បីរៀបចំកញ្ចប់ទេសចរណ៍អន្តរជាតិប្រកបដោយសុវត្ថិភាពពីតំបន់ ឬប្រទេសនានាដោយគ្មានវីរុស COVID-19។”លោកបានបន្ថែមថា៖ “ប្រសិនបើសកម្មភាពនេះទទួលបានជោគជ័យ វានឹងជួយស្តារវិស័យ ទេសចរណ៍ ឡើងវិញសម្រាប់ប្រទេសកម្ពុជា ធានាបានការងារដល់បុគ្គលិក ដែលរងផលប៉ះពាល់ដោយវីរុសកូវីដ១៩ និងធានាបាននូវកំណើនសេដ្ឋកិច្ច។”
តាមរយៈផែនការនេះ កម្ពុជាបានរំពឹងថា នឹងទទួលបានភ្ញៀវទេសចរដែលចូលនិវត្តន៍ ភ្ញៀវទេសចរអ្នកមាន ជាពិសេសអ្នកដែលមកពីតំបន់ដែលមានសុវត្ថិភាព។
លោក ថោង ខុន បានបន្តថា អាស៊ាន និងអាស៊ានបូក ៣ (ចិន ជប៉ុន និងកូរ៉េខាងត្បូង) នឹងក្លាយជាប្រទេសគោលដៅ ខណៈដំណើរការនេះត្រូវធ្វើឡើងជាបណ្តើរៗ ដោយមានការយល់ព្រមពីក្រសួងសុខាភិបាល និងដោយមានការអនុញ្ញាតពីរដ្ឋាភិបាល៕
（សរុបដោយសាមេត）
មតិពីមិត្តអ្នកអាន